സമ്പൂർണ വാരഫലം, അശ്വതി മുതൽ രേവതി വരെ; Weekly Horoscope, September 1-7

ആദിത്യൻ ചിങ്ങം രാശിയിൽ പൂരം ഞാറ്റുവേലയിലാണ്. വ്യാഴം ഇടവം രാശിയിൽ മകരം നക്ഷത്രത്തിലും. ശനി വക്ര സഞ്ചാരത്തിലാണ്. കുംഭം രാശിയിൽ പൂരൂരുട്ടാതിയിൽ തുടരുന്നു. ചന്ദ്രൻ കറുത്ത പക്ഷത്തിലാണ്. ഈയാഴ്ചയിലെ തിങ്കൾ, ചൊവ്വ ദിവസങ്ങളിലായി അമാവാസി / കറുത്തവാവ് ഭവിക്കുന്നു. അതിനുമേൽ വെളുത്തപക്ഷം തുടങ്ങുകയാണ്. ആയില്യം മുതൽ ചോതി വരെയുള്ള നക്ഷത്രമണ്ഡലങ്ങളിലായിട്ടാണ് ഈ വാരം ചന്ദ്രൻ്റെ സഞ്ചാരം.

ചൊവ്വ മിഥുനം രാശിയിൽ പ്രവേശിച്ചു കഴിഞ്ഞു. മകയിരം നക്ഷത്രത്തിലാണ്. ബുധൻ സഞ്ചരിക്കുന്നത് കർക്കടകത്തിലാണ്. സെപ്തംബർ 4 ന് ചിങ്ങത്തിൽ പ്രവേശിക്കും.  ആയില്യം - മകം നാളുകളിലായി നീങ്ങുന്നു.  ശുക്രൻ തൻ്റെ നീചരാശിയായ കന്നിയിലാണ്. ഉത്രം - അത്തം നക്ഷത്രമണ്ഡലങ്ങളിൽ സഞ്ചരിക്കുന്നു. രാഹു മീനം രാശിയിൽ ഉത്രട്ടാതിയിലും കേതു കന്നിരാശിയിൽ അത്തത്തിലുമാണ്. 

ഈയാഴ്ചയിലെ അഷ്ടമരാശിക്കൂറ് നോക്കാം. ഞായർ സന്ധ്യവരെ ധനുക്കൂറുകാർക്കും തുടർന്ന് ബുധൻ പ്രഭാതം വരെ മകരക്കൂറുകാർക്കും അഷ്ടമരാശിക്കൂറാണ്. തദുപരി വെള്ളി സായാഹ്നം വരെ കുംഭക്കൂറുകാർക്കും തുടർന്ന് മീനക്കൂറുകാർക്കും അഷ്ടമരാശിയുണ്ട്. ഈ ഗ്രഹനിലയുടെ പശ്ചാത്തലത്തിൽ അശ്വതി മുതൽ രേവതി വരെയുള്ള 27 നക്ഷത്രങ്ങളിൽ ജനിച്ചവരുടെ വാരഫലം ഇവിടെ വിവരിക്കുന്നു.

 അശ്വതി

സ്വാഭാവിക പ്രവൃത്തികൾ മുടക്കം വരാതെ നിർവഹിക്കും. ചുമതലകൾക്ക് നൈതികതയുടെ അടിത്തറയുണ്ടാവും. മനുഷ്യപക്ഷത്തും ശരിയുടെ ഭാഗത്തും നിലയുറപ്പിച്ചു കൊണ്ടാവും പ്രവർത്തനം നടത്തുക. എതിർപക്ഷത്തെക്കൂടി എല്ലാക്കാര്യങ്ങളിലും പരിഗണിക്കും. ഉന്നതവിജയം അനിവാര്യമാണ്. മൂന്നിൽ ചൊവ്വ സഞ്ചരിക്കുകയാൽ ആത്മശക്തി അചഞ്ചലമാവും. പല ചിന്തകളും കാലത്തിന് മുന്നേ പറക്കുന്നതാവും. പക്ഷേ അതുൾക്കൊള്ളാൻ ഒപ്പമുള്ളവർക്ക് കഴിയാതെ വരുന്നത് സമ്മർദ്ദം സൃഷ്ടിക്കും. ആരോഗ്യം സന്തുലിതമായി തുടരുന്നതാണ്.

ഭരണി

നക്ഷത്രാധിപനായ ശുക്രന് നീചസ്ഥിതി തുടരുകയാൽ  ചെറിയ കാര്യങ്ങളിൽ പോലും ആശയക്കുഴപ്പം ഉണ്ടാവും. ഞായറും തിങ്കളും കാര്യതടസ്സം ഉള്ളതായി തോന്നിയേക്കും. നിശ്ചയിച്ച യാത്ര മാറ്റിവെക്കാനിടയുണ്ട്. മറ്റു ദിവസങ്ങളിൽ മനക്ലൈബ്യം ഇല്ലാതെ പ്രവർത്തിക്കാനാവും. തീരുമാനങ്ങളുടെ നിർവഹണത്തിൽ വിളംബമുണ്ടാവില്ല. സഹോദര ഗുണം ഭവിക്കുന്നതാണ്.  സഹായിക്കാനും പിന്തുണക്കാനും പലരുണ്ടാവും. വിദ്യാർത്ഥികൾക്ക് ഏകാഗ്രത കൈവരും. സാമ്പത്തിക കാര്യങ്ങളിൽ ധാരാളിത്തം ഒഴിവാക്കപ്പെടണം. ദാമ്പത്യസൗഖ്യം പ്രതീക്ഷിക്കാം.

കാർത്തിക

ഔദ്യോഗികമായും അനൗദ്യോഗികമായും തിരക്കുകൾ ഉണ്ടാവും. വ്യാപാര വിപണനങ്ങളിൽ കൂടുതൽ ശ്രദ്ധയും ഊർജ്ജവും ചെലവഴിക്കപ്പെടണം. നവസംരംഭങ്ങളുടെ കാര്യത്തിൽ വ്യക്തമായ തീരുമാനമുണ്ടാവും. സഹപ്രവർത്തകരുടെ പിന്തുണ ലഭിക്കുന്നതാണ്. കുടുംബകാര്യങ്ങൾ ഭംഗിയായി നടക്കും. ഒപ്പമുള്ളവരെ മുഷിപ്പിക്കാതെ പറയാനുള്ളത് പറയാനാവും. പണയവസ്തു തിരിച്ചെടുക്കാൻ കുറച്ചധികം ക്ലേശിച്ചേക്കും. ന്യായമായ കാര്യങ്ങൾക്ക് ധനം വന്നുചേരുന്നതാണ്. പൊതുപ്രവർത്തനത്തിൽ സമ്മർദ്ദം ഉണ്ടാവും.

രോഹിണി

നിലപാടുകളിൽ വെള്ളം ചേർക്കാത്തതിനാൽ ശത്രുക്കൾ പെരുകും. ചൊവ്വ രണ്ടാം ഭാവത്തിൽ സഞ്ചരിക്കുകയാൽ വാക്കിൽ പാരുഷ്യമേറും. നിലവിലെ പദവി സംരക്ഷിക്കാൻ അത്യധ്വാനം വേണ്ടി വരും. അനർഹർക്ക് കൂടുതൽ അവസരങ്ങൾ കൈവരുന്നത് വിഷമിപ്പിച്ചേക്കാം. രോഗഗ്രസ്തനായ ബന്ധുവിനെ സന്ദർശിക്കും. അന്യദേശത്ത് കഴിയുന്നവർക്ക് നാട്ടിലെത്താനാൻ സാഹചര്യം അനുകൂലമായേക്കും. കലാപ്രവർത്തനത്തിൽ വ്യക്തമായ ദിശാബോധം പ്രകടിപ്പിക്കുന്നതാണ്. ചൊവ്വാഴ്ച മുതൽ അനുകൂല ഫലങ്ങൾ പ്രതീക്ഷിക്കാം.

മകയിരം

ചൊവ്വ ജന്മനക്ഷത്രത്തിൽ സഞ്ചരിക്കുകയാൽ മനക്ലേശമേറും. സമ്മർദ്ദങ്ങളുണ്ടാവും. ഇടവക്കൂറുകാർ പരുഷമായി സംസാരിക്കും. സുഹൃത്ബന്ധങ്ങളിൽ വിള്ളൽ സംഭവിക്കാനിടയുണ്ട്. സാങ്കേതിക പഠനത്തിൽ പുരോഗതിയുണ്ടാവും. തൊഴിൽ ഉപേക്ഷിക്കുന്നത് ആശാസ്യമാവില്ല. പുതിയ ജോലി ലഭിക്കാൻ വൈകിയേക്കും. ധനവരവ് അല്പം മെല്ലെയാവും. വാഗ്ദാനങ്ങൾ പാലിക്കാനാവും. എന്നാൽ പൂർണതൃപ്തി വരുന്നതല്ല. കുടുംബാംഗങ്ങളുടെ പിന്തുണ മനശ്ശക്തി പകരുന്നതാണ്. ഗൃഹം നവീകരിക്കാൻ പണം കണ്ടെത്തും.

തിരുവാതിര

പല കാര്യങ്ങളും തിരുത്തണമെന്നും  മാറ്റിക്കുറിക്കണമെന്നും തോന്നിയേക്കും. എന്നാൽ അവ പ്രായോഗികമാക്കുക എളുപ്പമാവില്ലെന്ന്  വൈകാതെ ബോധ്യമാകുകയും ചെയ്യും. ശീലങ്ങളുടെ ശക്തി എന്താണെന്ന് അനുഭവം കൊണ്ടറിഞ്ഞേക്കും ഇഷ്ടജനങ്ങളുടെ പിന്തുണ എപ്പോഴും ഉണ്ടാവുന്നതാണ്. അതിൽ വിശ്വാസമർപ്പിക്കുകയും ചെയ്യാം. വാഹനം അലക്ഷ്യമായി ഓടിച്ചത് കേസിനിടവരുത്തും. വരുമാനത്തിൽ കുറവുണ്ടാവില്ല. ചെലവുകൾ നിയന്ത്രിക്കപ്പെടണം. ജീവകാരുണ്യ പ്രവർത്തനത്തിനുള്ള സഹായവും അതിൽ പെടും. തീർത്ഥാടനത്തിനും അവസരം സിദ്ധിക്കുന്നതാണ്. മക്കളുടെ ചുമതലാബോധത്തിൽ സന്തോഷം തോന്നുന്നതാണ്.  മാതാവിൻ്റെ ആരോഗ്യകാര്യത്തിൽ ശ്രദ്ധ വേണ്ടതുണ്ട്.

പുണർതം

ആലോചനകൾ സാക്ഷാല്കരിക്കാൻ കൂടുതൽ വിയർപ്പൊഴുക്കേണ്ടി വരാം. എന്നാലും തളരാതെ മുന്നോട്ടു പോകും. സഹജാവബോധവും പ്രായോഗിക പരിചയവും വിജയം വരിക്കുന്നതിന് സഹായമാകുന്നതാണ്. സഞ്ചാര പ്രിയതയേറും. അവധിക്കാലത്തേക്ക് കൂട്ടുകാരോടൊത്ത് വിനോദയാത്ര ആസൂത്രണം ചെയ്യും. തൊഴിലിലെ അനാസ്ഥ മൂലം മേലധികാരിയുടെ ശകാരത്തിന് പാത്രീഭവിക്കും. സ്വാശ്രയ ബിസിനസ്സിൽ സാമാന്യമായ ആദായം വന്നെത്തും. പുതിയ സംരംഭങ്ങൾ സമാരംഭിക്കാൻ ഇപ്പോൾ ഗ്രഹാനുകൂലത ഇല്ല. വ്യയാധിക്യത്തിന് നിയന്ത്രണം അനിവാര്യമാണ്.

പൂയം

വാരാദ്യ ദിവസങ്ങൾക്ക് അല്പം സുഖക്കുറവുണ്ടാവും. പ്രതീക്ഷിച്ച നേട്ടങ്ങൾ കൈവരിക്കാൻ കാലവിളംബം ഉണ്ടാവുമെന്നറിയും. എന്നാൽ നിരന്തര പരിശ്രമം ഫലവത്താകുന്നതാണ്. ബുധനാഴ്ച മുതൽ മനപ്രസാദം സിദ്ധിക്കും. ശത്രുഭയം  ഇല്ലാതാവുന്നതാണ്. സഹജശക്തികൾ ഉണർന്നു പ്രവർത്തിക്കും. വിദ്യാർത്ഥികൾക്ക് പഠനത്തിൽ താല്പര്യം ജനിക്കുന്നതാണ്. സ്ത്രീകളുടെ പ്രശംസയ്ക്ക് പാത്രമാവും. വീടുപണിക്കുള്ള പ്രാരംഭ പ്രവർത്തനങ്ങൾ തുടങ്ങാനായേക്കും. ഗൃഹത്തിലെ മുതിർന്നവരുടെ രോഗാരിഷ്ടകൾക്ക് ചികിൽസാമാറ്റം വേണ്ടിവരുന്നതാണ്.

ആയില്യം

ഞായറാഴ്ച ബന്ധുസമാഗമം, വിരുന്ന്, പാരിതോഷിക ലബ്ധി ഇവ പ്രതീക്ഷിക്കാം. ദൈവിക സമർപ്പണങ്ങൾക്കും സമയം കണ്ടെത്തും. തിങ്കളും ചൊവ്വയും ബുധനും വാക്കുകൾ ദുർവ്യാഖ്യാനിക്കപ്പെടും. ധനപരമായി കുറച്ചൊക്കെ സമ്മർദ്ദം അനുഭവിക്കുന്നതാണ്. ആലോചനകളെ ക്രിയാപഥത്തിലെത്തിക്കാൻ ക്ലേശിക്കും. ദുഷ്പ്രേരണകൾക്ക് വിധേയമാകാതിരിക്കാൻ ജാഗ്രത വേണം. മറ്റു ദിവസങ്ങളിൽ സാമാന്യമായ ഗുണാനുഭവങ്ങൾ വന്നുചേരുന്നതാണ്. സുഹൃത്തുക്കളിൽ നിന്നും ഫലപ്രദമായ വാക്കുകൾ കേൾക്കും.  സാമ്പത്തിക സോതസ്സുകൾ തെളിയും. ദാമ്പത്യം തൃപ്തികരമായി അനുഭവപ്പെടുന്നതാണ്.

മകം

പ്രവർത്തനത്തിലെ ചടുലത കുറയുന്നതായി തോന്നാം. ചിന്താപരത കൂടുന്നതാണ്. പ്രതീക്ഷിച്ച സഹായം വൈകുന്നതിൽ വിഷമം അനുഭവപ്പെടും. പണയ വസ്തുക്കൾ വീണ്ടെടുക്കാനുള്ള ശ്രമം ഫലം കാണുന്നതാണ്. സഹോദരാനുകൂല്യം ഉണ്ടാവും. ഭൂമി വാങ്ങാനും വിൽക്കാനും സാധിച്ചേക്കും. അതിൽ തരക്കേടില്ലാത്ത ലാഭം പ്രതീക്ഷിക്കാം. ആരോഗ്യസ്ഥിതി തെല്ല് ബാധിക്കപ്പെടും.  സർക്കാർ കാര്യങ്ങളിൽ കാര്യസാദ്ധ്യത്തിന് ആവർത്തിത ശ്രമം ആവശ്യമായി വരുന്നതാണ്. പൊതുപ്രവർത്തകർക്ക് സ്വന്തം വാക്കുകൾ തിരുത്തിപ്പറയേണ്ട സ്ഥിതിയുണ്ടാവാം.

പൂരം

ആദിത്യൻ ജന്മരാശിയിൽ/ജന്മനക്ഷത്രത്തിൽ  സഞ്ചരിക്കുന്നതിനാൽ ദേഹക്ലേശം അനുഭവപ്പെടുന്നതാണ്. പറയത്തക്ക നേട്ടങ്ങൾ ഉണ്ടായേക്കില്ല. എന്നാൽ ആവർത്തിത ശ്രമങ്ങൾ ലക്ഷ്യം കാണും. അധികാരികളുടെ പ്രവർത്തനങ്ങളെ ചോദ്യം ചെയ്യുന്നതിനാൽ തൊഴിലിടത്തിൽ കയ്പുള്ള അനുഭവങ്ങൾ സാധ്യതയാണ്. എന്നാൽ ആത്മവീര്യം നഷ്ടമാകില്ല. ബിസിനസ്സിൽ ലാഭം വർദ്ധിക്കും. സഹോദരന്മാരുടെ പിന്തുണ ലഭിക്കും. പോലീസ്, സൈന്യം, ഫയർ ഫോഴ്സ് എന്നീ മേഖലകളിൽ പ്രവർത്തിക്കുന്നവർക്ക്  അംഗീകാരമുണ്ടാവും.

ഉത്രം

സ്വതസ്സിദ്ധമായ കഴിവുകൾ തിരിച്ചറിയുകയും അവ പുറത്തെടുക്കുകയും വേണ്ടതുണ്ട്. സ്വകാര്യ മേഖലയിൽ പുതിയ ജോലിക്കുളള അഭിമുഖത്തിൽ പങ്കെടുക്കും. പണം മുൻകൂട്ടി ചെലവാക്കി നടത്തുന്ന പ്രവർത്തനങ്ങളിൽ നഷ്ടം വരാനിടയുണ്ട്. ഗവേഷകർക്ക് അനുകൂലമായ സാഹചര്യമാണ്. സെമിനാറുകളിലും മറ്റും പങ്കെടുക്കും. ജീവകാരുണ്യ പ്രവർത്തനങ്ങൾക്ക് സ്വമേധയാ മുന്നോട്ടു വരുന്നതായിരിക്കും. കുടുംബ ബന്ധങ്ങൾ ദൃഢമാവാൻ ആത്മാർത്ഥത അനിവാര്യമാണ്. അന്യനാട്ടിൽ കഴിയുന്ന മകളോടൊപ്പം താമസിക്കാൻ തീരുമാനിച്ചേക്കും. 

അത്തം

പ്രസരിപ്പും പ്രസാദവും വാരാദ്യത്തിലുണ്ടാവും. ചില നല്ലതീരുമാനങ്ങൾ കൈക്കൊള്ളും. സുഹൃൽസമാഗമം, വിരുന്നൂണ് എന്നിവയുണ്ടാവും. തിങ്കൾ, ചൊവ്വ, ബുധൻ  ദിവസങ്ങളിൽ കാര്യതടസ്സം അനുഭവപ്പെടാം. ചില നിവേദനങ്ങൾ ബധിരകർണ്ണങ്ങളിൽ പതിക്കുന്നതാണ്.  അപ്രസക്തമായ കാര്യങ്ങൾക്കായി നേരവും കാലവും കളയേണ്ടതായി വന്നേക്കും. വിമർശനങ്ങളെ ചെവിക്കൊള്ളാനും തയ്യാറാവില്ല. മറ്റു ദിവസങ്ങളിൽ പ്രായേണ അനുകൂലമായ ഫലങ്ങൾ ഉരുത്തിരിയാം. സമാശ്വസിക്കാനും സന്തോഷിക്കാനും കാര്യമുണ്ടാവും.

ചിത്തിര

വിശ്വാസയോഗ്യരല്ലാത്ത വ്യക്തകളുടെ കൂട്ടുകെട്ട് ക്ലേശമുണ്ടാക്കും.വാസ്തവമറിയാതെയുള്ള പ്രതികരണം ശത്രുക്കളെ സൃഷ്ടിക്കാം. ധനവരവ് സന്തോഷമേകുന്നതാണ്. അനൗദ്യോഗികമായും പണം വന്നെത്തും. എന്നാൽ വ്യയത്തിൽ ആർഭാടമരുത്. വിദ്യാർത്ഥികൾ ഇടക്കാല പരീക്ഷയിൽ സ്വന്തം കഴിവ് പ്രദർശിപ്പിക്കും.  തൊഴിലിൽ കൂടുതൽ ശ്രദ്ധയുണ്ടാവണം. പകരക്കാരെ ബിസിനസ്സിൻ്റെ ഉത്തരവാദിത്വം നൽകി ചുറ്റിക്കറങ്ങാനുള്ള പ്രവണത ദോഷം ചെയ്യുന്നതാണ്. കുടുംബാംഗങ്ങളുടെ ആവശ്യങ്ങൾ നിർവഹിക്കുന്നതിൽ സംതൃപ്തിയുണ്ടാവും.

ചോതി

പ്രയത്നങ്ങൾ സ്ഥലമാവുന്നതാണ്. ഉദ്യോഗം തേടുന്നവർക്ക് ശുഭവാർത്ത പ്രതീക്ഷിക്കാം. വ്യാപാരരംഗം  സുസജ്ജമാവും. ഉല്പാദന- വിപണന രംഗങ്ങളെ ഏകോപിക്കാൻ കഴിയുന്നതായിരിക്കും. സാമ്പത്തിക സ്രോതസ്സുകൾ ഉണരുന്നതാണ്. നവീകരണം പൂർത്തിയാക്കി കച്ചവടസ്ഥാപനം സുസജ്ജമാവും. സർക്കാരിൽ നിന്നുള്ള അനുമതി കൈവരുന്നതാണ്. പൊതുപ്രവർത്തനം സത്യപ്തിയേകും. കളമറിഞ്ഞ് കരുക്കൾ നീക്കാനും പലരേയും അടിയറവ് പറയിക്കാനുമാവും.  കുടുംബാംഗങ്ങൾ പങ്കുവെക്കുന്ന കാര്യങ്ങൾ ചെവികൊടുത്ത് കേൾക്കും.

മൂലം

ഞായറാഴ്ചയ്ക്ക് അഷ്ടമരാശിയാകയാൽ ശുഭത്വം കുറവായിരിക്കും. പുതിയ കാര്യങ്ങൾ തുടങ്ങാതിരിക്കുക ശ്ലാഘനീയം. മറ്റു ദിവസങ്ങളിൽ നേട്ടങ്ങളും ഗുണഫലങ്ങളും ഒന്നിനുപിറകെ ഒന്നായെത്തും. സുഹൃത്തുക്കളുടെ കാര്യത്തിൽ സമയോചിതമായ ചില നടപടികളുണ്ടാവും. കുടുംബത്തിലെ ദിനപക്ഷങ്ങൾ ശ്രദ്ധാപൂർവ്വം കേൾക്കും. അവയ്ക്ക് ഉചിത പരിഹാരം നിർദ്ദേശിക്കും.  സ്വാശ്രയ വ്യാപാരം വളർച്ചയുടെ പാതയിലാവും. ഉദ്യോഗസ്ഥർ സമയബന്ധിതമായ കാര്യങ്ങൾ പൂർത്തിയാക്കും. ധനപരമായി സ്വയം പര്യാപ്തത കൈവരിക്കും.

പൂരാടം

വാരാദ്യം ദേഹസൗഖ്യക്കുറവ് അനുഭവപ്പെടും. തീരുമാനങ്ങളെടുക്കാൻ ക്ലേശിക്കുന്നതാണ്. ചൊവ്വാഴ്ച മുതൽ സ്ഥിതി മാറി വരും. മാനസികോല്ലാസം ഉണ്ടാവും. എല്ലാക്കാര്യങ്ങളിലും വ്യക്തത ഭവിക്കുന്നതാണ്. തീരുമാനങ്ങൾ വൈകില്ല; അവ നടപ്പിലാക്കാനും ഉത്സുകത കാണിക്കും. പഠിതാക്കൾക്ക് ഇടക്കാല പരീക്ഷകളിൽ നന്നായി ശോഭിക്കാനാവും. തൊഴിൽ തേടുന്നവർക്ക് താത്കാലികമായ അവസരങ്ങൾ ലഭിക്കുന്നതാണ്. ദാമ്പത്യത്തിൽ അനുരഞ്ജനത്തിൻ്റെ പാത സ്വീകരിക്കുകയാവും ഉചിതം. കർമ്മരംഗത്തു   നിന്നും ആർത്ഥികമായ നേട്ടങ്ങൾ സംതൃപ്തിയേകും.

ഉത്രാടം

സത്യസന്ധമായ നിലപാടുകൾ വിലപ്പോയില്ലെന്ന് വരാം. പൊയ്മുഖം അണിയാൻ  അറിയുകയുമില്ല. ഇങ്ങനെ ഒരു കഷ്ടസ്ഥിതി അനുഭവിക്കാം. തൊഴിൽ നേട്ടങ്ങൾ. സാമാന്യമായുണ്ടാവും. പുതിയ സംരംഭങ്ങൾ തുടങ്ങാൻ തൽകാലം ഗ്രഹാനുകൂല്യം ഇല്ല. പണയവസ്തുക്കളുടെ തിരിച്ചടവ് സുഹൃൽ സഹായത്താൽ ഒരുവിധം നടന്നുകിട്ടും. ഉദ്യോഗസ്ഥർക്ക് തസ്തികമാറ്റം  സംബന്ധിച്ച അറിയിപ്പു കിട്ടിയേക്കും. ധനുക്കൂറുകാർക്ക് ദാമ്പത്യം തെല്ല് ക്ളേശകരമാവും. ചിട്ടി, നറുക്കെടുപ്പ് തുടങ്ങിയവയിൽ നിന്നും ചെറുതുകകൾ ലഭിച്ചേക്കാം. വാരാന്ത്യം മനസ്സമാധാനം വന്നുചേരുന്നതാണ്.

തിരുവോണം

സന്ദേഹങ്ങളും സന്ദിഗ്ദ്ധതകളും ഉണ്ടാവും. തന്മൂലം ക്രിയാ ജാഡ്യം ഭവിക്കാം. ആലോചനകളെ പ്രാവർത്തികമാക്കുവാൻ വിഷമിക്കും. വാരമധ്യത്തോടെ പഴയ പ്രവർത്തന ശൈലിയിലേക്ക് മടങ്ങുവാൻ കഴിയും. ഉപഭോക്താക്കളുടെ അഭിപ്രായം മാനിച്ചുകൊണ്ട് ഉല്പന്നങ്ങളുടെ ഗുണനിലവാരം ഉയർത്തുന്നതിൽ സത്വര നടപടികൾ സ്വീകരിക്കുന്നതാണ്. ലോൺ അപേക്ഷ അംഗീകരിക്കപ്പെടും. ഭൂമി വിൽക്കാനോ വാങ്ങാനോ ഉള്ള ശ്രമം സജീവമാകും. എതിരാളികളെ മറുതന്ത്രം കൊണ്ട് നേരിടുന്നതാണ്. ഭോഗസുഖം ലഭിക്കും. ആഘോഷങ്ങൾക്കുള്ള സാമ്പത്തികം കൈവശമെത്തിച്ചേരും.

അവിട്ടം

മകരക്കൂറുകാർക്ക് വാരത്തിൻ്റെ തുടക്കത്തിലും കുംഭക്കൂറുകാർക്ക് അതിനു ശേഷവും അഷ്ടമരാശി വരികയാൽ ശുഭകാര്യങ്ങൾക്ക് ഉചിതമല്ല. ജാമ്യം നിൽക്കുക, കരാറുകളിൽ ഒപ്പിടുക എന്നിവയും ആലോചിച്ചിട്ടാവണംചെയ്യാൻ. നിലിവിലെ കർമ്മരംഗത്തു നിന്നും ന്യായമായ വരുമാനം വന്നുചേരും. കുടുംബാംഗങ്ങളുടെ ആവശ്യങ്ങൾ നിറവേറ്റാൻ സാധിക്കുന്നതാണ്. ഉദ്യോഗസ്ഥർക്ക് ദുർഘട കാര്യങ്ങൾ പൂർത്തിയാക്കേണ്ട സ്ഥിതിവരാം. യാത്രാക്ലേശമോ വാഹനത്തിന് അറ്റകുറ്റമോ സാധ്യതകളാണ്. എന്നാൽ എതിർപ്പുകളെ ബുദ്ധികൗശലത്താൽ മറികടക്കുവാനാവും.

ചതയം

ആറാം ഭാവം മുതൽ ഒമ്പതാം ഭാവം വരെ ചന്ദ്രൻ സഞ്ചരിക്കുന്ന വാരമാണ്. ആത്മവിശ്വാസം കൂടിയും കുറഞ്ഞുമിരിക്കും. ചില കാര്യങ്ങളിൽ നല്ല വിജയമുണ്ടാവും. പഴുതടച്ച പ്രവർത്തനം നടത്തി എതിരാളികളെ വിസ്മയാധീനരാക്കും. ആദർശത്തെയും പ്രായോഗികതയേയും സാമഞ്ജസ്യത്തോടെ ഇണക്കുവാനാവും. നിസ്സാരമായ 

ചില കാര്യങ്ങളിൽ അശ്രദ്ധയാൽ വീഴ്ചവരുകയും ചെയ്യുന്നതാണ്. ആവശ്യങ്ങൾക്കുള്ള ധനം ഉണ്ടാകുന്നതാണ്. മക്കളുടെ കാര്യങ്ങൾക്ക് അവധിയെടുക്കാനും അവരുമായി പുറം കാഴ്ചകളിൽ അഭിരമിക്കാനുമാവും. വ്യാഴം, വെള്ളി ദിവസങ്ങൾക്ക് ശുഭത്വം കുറവായിരിക്കും.

പൂരൂരുട്ടാതി

കുറച്ചുകാലമായുള്ള സാമ്പത്തിക സമ്മർദ്ദങ്ങൾക്ക് ആശ്വാസമുണ്ടാവും. തൊഴിൽ പുരോഗതിക്ക് ആവശ്യമായ കാര്യങ്ങൾ കൂടിയാലോചനയിലൂടെ കൈക്കൊള്ളുന്നതാ ണ്. സഞ്ചാരത്തിൽ നിന്നും നേട്ടങ്ങൾ വരാം. വ്യക്തിപരമായ കാര്യങ്ങളിൽ  അനാസ്ഥയും ശ്രദ്ധക്കുറവും ഉണ്ടാവുന്നതിനാൽ ഗൃഹത്തിൽ അഭിപ്രായ ഭിന്നത ഉടലെടുക്കും. പൊതുപ്രവർത്തനം അമിതമായ അധ്വാനത്തിനും മനക്ലേശത്തിനും ഇടവരുത്തുന്നതാണ്. ഉറ്റബന്ധുക്കളുടെ സന്ദർശനം സന്തോഷമേകും. വൃദ്ധജനങ്ങളുടെ ആരോഗ്യത്തിൽ ഉത്കണ്‌ഠയുണ്ടാവാം.

ഉത്രട്ടാതി

ഭാവനയും ജീവിതയാഥാർത്ഥ്യവും  ഒത്തിണങ്ങിപ്പോകാൻ വിഷമമുണ്ടാവും. ആലോചന കാടുകയറിയേക്കും. നിഷ്ക്രിയത്വം മുടിചൂടും. അതിനാൽ തൊഴിലിൽ ഉന്നമനം കുറയുന്നതാണ്. നിലവിലെ കർമ്മരംഗത്തോട് വിരക്തി തോന്നാം. ഉദ്യോഗസ്ഥർക്ക് താല്പര്യക്കേടുണ്ടാവില്ല. നിത്യച്ചെലവിനുതകുന്ന പ്രവർത്തനങ്ങളിൽ മുഴുകുന്നതാണ്. നാലിൽ ചൊവ്വ സഞ്ചരിക്കുകയാൽ ഗാർഹികമായ സ്വൈരം നഷ്ടപ്പെടും. അംഗങ്ങൾ തമ്മിൽ അനൈക്യം ഉണ്ടാവും.  സമൂഹത്തിലെ ഉന്നത വ്യക്തികളെ പരിചയപ്പെടുന്നതാണ്. അവരുടെ ഉപദേശം പ്രാവർത്തികമാക്കാൻ പ്രയത്നിക്കും.

ഉത്രട്ടാതി

ഭാവനയും ജീവിതയാഥാർത്ഥ്യവും  ഒത്തിണങ്ങിപ്പോകാൻ വിഷമമുണ്ടാവും. ആലോചന കാടുകയറിയേക്കും. നിഷ്ക്രിയത്വം മുടിചൂടും. അതിനാൽ തൊഴിലിൽ ഉന്നമനം കുറയുന്നതാണ്. നിലവിലെ കർമ്മരംഗത്തോട് വിരക്തി തോന്നാം. ഉദ്യോഗസ്ഥർക്ക് താല്പര്യക്കേടുണ്ടാവില്ല. നിത്യച്ചെലവിനുതകുന്ന പ്രവർത്തനങ്ങളിൽ മുഴുകുന്നതാണ്. നാലിൽ ചൊവ്വ സഞ്ചരിക്കുകയാൽ ഗാർഹികമായ സ്വൈരം നഷ്ടപ്പെടും. അംഗങ്ങൾ തമ്മിൽ അനൈക്യം ഉണ്ടാവും.  സമൂഹത്തിലെ ഉന്നത വ്യക്തികളെ പരിചയപ്പെടുന്നതാണ്. അവരുടെ ഉപദേശം പ്രാവർത്തികമാക്കാൻ പ്രയത്നിക്കും.

രേവതി

നക്ഷത്രനാഥനായ ബുധന് ഉച്ചരാശിയിൽ സഞ്ചാരം വരുന്നത് സ്വശക്തികളെ തിരിച്ചറിയാൻ സഹായിക്കും.  ബുദ്ധിപരമായ നീക്കങ്ങളിലൂടെ എതിർപ്പിൻ്റെ മുനയൊടിക്കും. ഗണിതം, ശാസ്ത്രം, വ്യാകരണം, പ്രസംഗം, സാഹിത്യം, അദ്ധ്യാപനം, ജ്യോതിഷം എന്നിവയുമായി ബന്ധപ്പെട്ട മേഖലകളിൽ പ്രവർത്തിക്കുന്നവർ ശോഭിക്കുന്നതാണ്.  ധനപരമായ സമ്മർദ്ദങ്ങൾ കുറയാം. വരുമാനത്തിനനുസരിച്ച് ചെലവ് നിയന്ത്രിക്കാനാവും. ബിസിനസ്സ് യാത്രകൾ വേണ്ടി വരും. നേട്ടങ്ങളുണ്ടാവുന്നതാണ്. ബന്ധുക്കളുടെ കലഹത്തിൽ മാധ്യസ്ഥ ശ്രമം ദുഷ്പ്പേരുണ്ടാക്കും.

Read More

• ചിങ്ങ മാസത്തെ നക്ഷത്രഫലം, അശ്വതി മുതൽ രേവതി വരെ:
• ശനിയുടെ വക്രസഞ്ചാരം; 27 നാളുകാരെ എങ്ങനെ ബാധിക്കും?
• എന്താണ് വസുപഞ്ചകം അഥവാ പഞ്ചകദോഷം?
• ദേവഗണത്തിലെ നക്ഷത്രങ്ങൾ