Vishu Phalam 2024: സമ്പൂർണ വിഷു ഫലം 2024-അശ്വതി മുതൽ രേവതി വരെ

Vishu Phalam 2024: മേടക്കൂറ് (അശ്വതി, ഭരണി, കാർത്തിക1/4)

ഈ കൂറുകാർക്ക് വർഷം പൊതുവെ ഗുണകരം ആയിരിക്കും. ധനധാന്യസമൃദ്ധി, വിദ്യാഭ്യാസരംഗത്ത് നേട്ടങ്ങൾ, ഉദ്യോഗരംഗത്ത് ഉയർച്ച എന്നിവ ഉണ്ടാകും. തൊഴിലന്വേഷകർക്കു പുതിയ തൊഴിൽ ലഭിക്കും. കുടുംബ സുഖം,മനഃസന്തോഷം, അന്യദേശ വാസം എന്നിവ ഉണ്ടാകും. കടബാധ്യതകൾ പരമാവധി തീർത്ത് ഐശ്വര്യപൂർണ്ണമായ ജീവിതം നയിക്കും. സഹപ്രവർത്തകരിൽ നിന്നും എതിർപ്പുകൾ ഉണ്ടാകും. ആരോഗ്യ വിഷമതകൾ ഉണ്ടാകും. മേടം, ഇടവം, മിഥുനം മാസങ്ങളിൽ കുടുംബശ്രേയസ്സ്, ജനസമ്മിതി, ധനലാഭം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ ഗൃഹനിർമ്മാണം, കാർഷികാഭിവൃദ്ധി, സന്താനസൗഖ്യം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ ദേഹാസ്വസ്ഥതകൾ, പരീക്ഷാ വിജയം, വ്യാപാര രംഗത്ത് നേട്ടങ്ങൾ എന്നിവ ഉണ്ടാകും. മകരം, കുംഭം, മീനം മാസങ്ങളിൽ മനോവ്യാകുലതകൾ, ശത്രുപീഡ, പുണ്യപ്രവൃത്തികൾ എന്നിവ ഉണ്ടാകും.

ഇടവക്കൂറ് (കാർത്തിക3/4, രോഹിണി, മകയിരം1/2) 

ഗുണദോഷ സമ്മിശ്രമായ വർഷം ആയിരിക്കും. അപ്രതീക്ഷിതമായ പ്രതിസന്ധികൾ പ്രയാസങ്ങൾക്കിടയാക്കും. ഉത്തരവാദിത്വങ്ങൾ വിജയകരമായി പൂർത്തീകരിക്കുവാൻ  സാധിക്കും. ഔദ്യോഗിക രംഗത്തും കച്ചവട രംഗത്തും ശോഭിക്കും. വിവാഹം തുടങ്ങിയ മംഗള കർമ്മങ്ങൾ ജീവിതത്തിൽ അനുഭവിക്കും. മേടം, ഇടവം, മിഥുനം മാസങ്ങളിൽ നേതൃസ്ഥാന ലബ്ദ്ധി, ധനലാഭം, ദൂരയാത്രകൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ വസ്ത്രാഭരണാദി സിദ്ധി, ആരോഗ്യരംഗത്ത് വിഷമതകൾ, വിഭവ പുഷ്ടി എന്നിവ ഉണ്ടാകും. തുലാം, വൃശ്ചികം,ധനു മാസങ്ങളിൽ അംഗീകാരം, സത്കർമ്മങ്ങൾ, കാർഷികാദായം എന്നിവ ഉണ്ടാകും. മകരം, കുംഭം, മീനം മാസങ്ങളിൽ പരീക്ഷാവിജയം ബന്ധുജനസുഖം സന്താന സൗഭാഗ്യം എന്നിവ ഉണ്ടാകും.

മിഥുനക്കൂറ് (മകയിരം1/2, തിരുവാതിര, പുണർതം3/4)

സ്വയംകൃതാനർത്ഥങ്ങൾ മൂലം ക്ലേശിക്കാതിരിക്കാൻ പ്രത്യേകം ശ്രദ്ധിക്കണം. ഭാഗ്യത്തിന്റെ അനുകൂല്യങ്ങൾ എപ്പോഴും ഉണ്ടാകും. ഭൂമി, വസ്ത്രം, ആഭരണങ്ങൾ എന്നിവ ലഭിക്കും. കലാകാരന്മാർ, പൊതുപ്രവർത്തകർ എന്നിവരുടെ പ്രശസ്തി വർദ്ധിക്കും. മേടം, ഇടവം, മിഥുനം മാസങ്ങളിൽ മനക്ലേശം, ദേഹാരിഷ്ടുകൾ, അനാവശ്യ ചിലവുകൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ ആത്മാർത്ഥത, ജനസമ്മിതി, പഠന പുരോഗതിഎന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ പുതിയ ബന്ധങ്ങൾ, കർമ്മ സിദ്ധി, വരുമാന വർദ്ധനവ് എന്നിവ ഉണ്ടാകും. മകരം,കുംഭം,മീനം മാസങ്ങളിൽ സ്ഥലംമാറ്റം, കച്ചവടാഭിവൃദ്ധി, പ്രശസ്തിഎന്നിവ ഉണ്ടാകും. 

കർക്കിടകക്കൂർ (പുണർതം1/4, പൂയം, ആയില്യം) 

സാമ്പത്തിക കാര്യങ്ങളിൽ അശ്രദ്ധ പ്രകടിപ്പിക്കും. കർമ്മരംഗത്ത് എതിർപ്പുകളെ അതിജീവിക്കും. വ്യക്തമായി ചിന്തിച്ചും ആത്മാർത്ഥതയോടും കൂടി പ്രവർത്തിക്കുവാൻ സാധിക്കും. ആരോഗ്യപരമായ കാര്യങ്ങളിൽ ജാഗ്രത പുലർത്തണം. സാമ്പത്തിക വിഷമതകൾ പരിഹരിക്കുന്നതിനുള്ള സാഹചര്യങ്ങൾ ഉണ്ടാകും. ഔദ്യോഗിക രംഗത്ത് സന്തോഷകരമായ മാറ്റങ്ങളും വ്യക്തിപരമായ നേട്ടങ്ങളും ഉണ്ടാകും. മേടം, ഇടവം, മിഥുനം മാസങ്ങളിൽ ധനലാഭം, കുടുംബസുഖം, ഗൃഹനിർമ്മാണം എന്നിവ ഉണ്ടാകും. കർക്കിടകം,ചിങ്ങം,കന്നി മാസങ്ങളിൽ ധനാഗമ മാർഗ്ഗങ്ങൾ അടഞ്ഞു പോവുക, ജനസമ്മിതി, മേലധികാരികളുടെ പ്രശംസ എന്നിവ ഉണ്ടാകും. തുലാം, വൃശ്ചികം,ധനു മാസങ്ങളിൽ പ്രതാപം, പ്രിയ ജനാനുകൂല്യം, പുതിയ സംരംഭങ്ങൾ എന്നിവ ഉണ്ടാകും. മകരം, കുംഭം, മീനം മാസങ്ങളിൽ കുടുംബാംഗങ്ങളുമായി അഭിപ്രായവ്യത്യാസങ്ങൾ, കച്ചവടാഭിവൃദ്ധി, ആദരവ് എന്നിവ ഉണ്ടാകും. . 

ചിങ്ങകൂറ് (മകം, പൂരം, ഉത്രം 1/4)

വിഷമാവസ്ഥകളെ തരണം ചെയ്യുവാൻ സാധിക്കും. സൗമ്യമായ പെരുമാറ്റം, പ്രസന്നത, ഈശ്വര ചിന്ത എന്നിവ ഗുണം ചെയ്യും. മേലുദ്യോഗസ്ഥരുടെയും ഗുരു ജനങ്ങളുടെയും പ്രശംസ ലഭിക്കും. നിർമ്മാണ പ്രവർത്തനങ്ങൾ തൊഴിലായി സ്വീകരിച്ചവർക്കു കാലം ഗുണകരമാണ്. ദാമ്പത്യ ജീവിതത്തിൽ നിലനിന്നിരുന്ന പ്രതിസന്ധികൾ പരിഹരിക്കപ്പെടും. മേടം, ഇടവം,മിഥുനം മാസങ്ങളിൽ ധനലാഭം, തീർത്ഥാടനങ്ങൾ, ദേഹാസ്വസ്ഥതകൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ അനാവശ്യ ചിലവുകൾ, ഉത്സാഹക്കുറവ്, സന്തോഷപൂർണ്ണമായ കുടുംബജീവിതം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കർമ്മപുഷ്ടി, ശത്രുപീഡ, കാർഷികാദായം എന്നിവ ഉണ്ടാകും. മകരം, കുംഭം, മീനം മാസങ്ങളിൽ ലാഭകരമായ പുതിയ സംരംഭങ്ങൾ, ബന്ധുജന സുഖം, ആഗ്രഹ സഫലീകരണം എന്നിവ ഉണ്ടാകും.

കന്നിക്കൂറ് (ഉത്രം3/4, അത്തം, ചിത്ര 1/2)

കഠിനാധ്വാനം മൂലം നേട്ടങ്ങൾ കൈവരിക്കാൻ സാധിക്കുന്ന വർഷമാണ്. നിർബന്ധ ശീലവും മുൻകോപവും പ്രയാസങ്ങൾ സൃഷ്ടിക്കും. വിദ്യാർത്ഥികൾക്ക് ഉപരിപഠനത്തിനുള്ള സാഹചര്യങ്ങൾ ഉണ്ടാകും. അനാവശ്യ ചിലവുകൾ നിയന്ത്രിക്കുന്നതിലും ആഡംബരഭ്രമം ഒഴിവാക്കുവാനുംശ്രദ്ധിക്കണം. അനുകൂലമായ സ്ഥലംമാറ്റം ലഭിക്കുവാനിടയില്ല. മേടം, ഇടവം, മിഥുനം മാസങ്ങളിൽ സാമ്പത്തിക പുരോഗതി, കുടുംബ സുഖം, പ്രസിദ്ധി എന്നിവ ഉണ്ടാകും. കർക്കിടകം, ചിങ്ങം,കന്നി മാസങ്ങളിൽ മംഗള കർമ്മങ്ങളുടെ നേതൃസ്ഥാനം, കച്ചവട ലാഭം, ഔദ്യോഗിക രംഗത്ത് നേട്ടങ്ങൾ എന്നിവ ഉണ്ടാകും. തുലാം, വൃശ്ചികം,ധനു മാസങ്ങളിൽ പുണ്യ പ്രവൃത്തികൾ, ബന്ധുജനക്ലേശം, കർമ്മലബ്ദ്ധി എന്നിവ ഉണ്ടാകും. മകരം, കുംഭം, മീനം മാസങ്ങളിൽ മനോവ്യാകുലതകൾ, ആഗ്രഹസഫലീകരണം, ദേഹാരിഷ്ടുകൾ എന്നിവ ഉണ്ടാകും.

തുലാക്കൂർ (ചിത്ര1/2, ചോതി, വിശാഖം 3/4)

സന്തോഷകരമായ കുടുംബജീവിതം ഉണ്ടാകും. പ്രതികൂല സാഹചര്യങ്ങളെ കൗശലപൂർവ്വം നേരിടും. ഏറ്റെടുക്കുന്ന കാര്യങ്ങൾ വിജയകരമായി പൂർത്തീകരിക്കും. ഒന്നിലധികം വരുമാനമാർഗങ്ങൾ ഉണ്ടാകും. നിലനിന്നിരുന്ന സാമ്പത്തിക ബുദ്ധിമുട്ടുകൾ പരിഹരിക്കപ്പെടും. ഭൂമി വാങ്ങുവാനും വിൽക്കുവാനും ഗൃഹനിർമ്മാണത്തിനും അനുകൂലമായ കാലമാണ്. മേടം, ഇടവം,മിഥുനം മാസങ്ങളിൽ കച്ചവടലാഭം, ദേഹാസ്വസ്ഥതകൾ,വിദ്യാലാഭം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ അപ്രതീക്ഷിതമായ ചിലവുകൾ, കലഹം, ബന്ധുജനക്ലേശം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ അംഗീകാരങ്ങൾ, മത്സരവിജയം, കച്ചവടാദായം എന്നിവ ഉണ്ടാകും. മകരം, കുംഭം, മീനം മാസങ്ങളിൽ മനഃസന്തോഷം, പ്രയത്നഫലം, കുടുംബാഭിവൃദ്ധി എന്നിവ ഉണ്ടാകും. . 

വൃശ്ചികക്കൂറ്‍ (വിശാഖം 1/4, അനിഴം, തൃക്കേട്ട)

കടങ്ങളും ബാദ്ധ്യതകളും തീർത്ത് സന്തോഷകരമായ ജീവിതം നയിക്കാൻ സാധിക്കും. വിദ്യാപുരോഗതി, ശാസ്ത്രങ്ങളിൽ നൈപുണ്യം, ഭാഗ്യയോഗം എന്നിവ ഉണ്ടാകും. ബന്ധുജനങ്ങളുടെയും സുഹൃത്തുക്കളുടെയും സഹായങ്ങളും ആനുകൂല്യങ്ങളും ലഭിക്കും. ദീർഘകാല രോഗികൾക്ക് വളരെ ശ്രദ്ധ അത്യാവശ്യമാണ്. മേടം, ഇടവം, മിഥുനം മാസങ്ങളിൽ വിദേശവാസം,സന്താനശ്രേയസ്, പണമിടപാടുകളിൽ കൂടുതൽ ശ്രദ്ധ എന്നിവ ഉണ്ടാകും. കർക്കിടകം ചിങ്ങം കന്നി മാസങ്ങളിൽ ശത്രുപീഡ, ഉത്തരവാദിത്വബോധം, വസ്ത്രാഭരണാദി സിദ്ധി എന്നിവ ഉണ്ടാകും. തുലാം വൃശ്ചികം, ധനു മാസങ്ങളിൽ കാര്യവിജയം, കർമ്മരംഗത്ത് മത്സരങ്ങൾ, കുടുംബ പ്രശ്നങ്ങൾക്ക് പരിഹാരം എന്നിവ ഉണ്ടാകും. മകരം, കുംഭം, മീനം മാസങ്ങളിൽ സത്കർമ്മങ്ങൾ, പ്രശസ്തി, ഉണർവ്വ്, ബഹുജനസമ്മിതി എന്നിവ ഉണ്ടാകും .

ധനുക്കൂറ്‍ (മൂലം,പൂരാടം,ഉത്രാടം1/4)

ഉത്തരവാദിത്വമേറിയ ചുമതലകൾ ഏറ്റെടുത്ത് പൂർത്തീകരിക്കുവാൻ സാധിക്കും.കുടുംബ ശ്രേയസ്സിനു വേണ്ടി അത്യദ്ധ്വാനം ചെയ്യും. സാമ്പാദ്യശീലം വളർത്തിയെടുക്കും. ഈശ്വരാരാധന, സത്കർമ്മങ്ങൾ, സത്യസന്ധത എന്നിവ ഗുണം ചെയ്യും. കലാരംഗത്ത് ഉയർച്ച ഉണ്ടാകും. മേടം, ഇടവം, മിഥുനം മാസങ്ങളിൽ തൊഴിൽ ഔന്നത്യം ശാസ്ത്രങ്ങളിൽ നിപുണത, ആദരവ്, പ്രശസ്തി എന്നിവ ഉണ്ടാകും. കർക്കിടകം, ചിങ്ങം,കന്നി മാസങ്ങളിൽ ഭാഗ്യാനുഭവം, സന്തോഷ ശീലം, ധനധാന്യ സമൃദ്ധി എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ അംഗീകാരങ്ങൾ, ദേഹാസ്വസ്ഥതകൾ, വിദ്യാപുരോഗതി എന്നിവ ഉണ്ടാകും. മകരം,കുംഭം, മീനം മാസങ്ങളിൽ അന്യദേശവാസം,നേതൃപദവികൾ, വ്യാപാരലാഭം എന്നിവ ഉണ്ടാകും.

മകരക്കൂറ് (ഉത്രാടം3/4,തിരുവോണം,അവിട്ടം1/2 )

സാമ്പത്തിക പ്രയാസങ്ങൾ ലഘൂകരിക്കപ്പെടും. സ്വന്തം ബുദ്ധിയും പ്രതിഭയും ഉപയോഗിച്ച് നേട്ടങ്ങൾ കൈവരിക്കും. ഭൂമി ഇടപാടുകളിൽ നിന്നും ലാഭം ഉണ്ടാകും. മറ്റുള്ളവരെ അമിതമായി വിശ്വസിച്ച് പ്രവർത്തിക്കുന്നത് നഷ്ടങ്ങൾക്കിടയാകും  പുതിയ ഗ്രഹം ഭൂമി വാഹനം എന്നിവ വാങ്ങുന്നതിന് അനുകൂലമായ സമയമാണ്. മേടം,ഇടവം, മിഥുനം മാസങ്ങളിൽ ബന്ധുജനസുഖം, ഭാഗ്യാനുഭവം, വിഭവപുഷ്ടി എന്നിവ ഉണ്ടാകും. കർക്കിടകം, ചിങ്ങം,കന്നി മാസങ്ങളിൽ  പ്രിയജനാനുകൂല്യം, കാര്യവിജയം,പുണ്യ പ്രവൃത്തികൾ എന്നിവ ഉണ്ടാകും. തുലാം,വൃശ്ചികം, ധനു മാസങ്ങളിൽ ധീരത,കുടുംബ പ്രശ്നങ്ങൾക്ക് പരിഹാരം, വിദ്യാലാഭം എന്നിവ ഉണ്ടാകും.മകരം,കുംഭം,മീനം മാസങ്ങളിൽ അനാവശ്യ ചിലവുകൾ,ദേഹാരിഷ്ടുകൾ, മാനസികമായ ഉണർവ് എന്നിവ ഉണ്ടാകും.

കുംഭക്കൂറ് (അവിട്ടം1/2,ചതയം, പൂരുരുട്ടാതി3/4)

എതിർപ്പുകളെ ബുദ്ധിപൂർവ്വം നേരിടും. വർഷാവസാനത്തിൽ സാമ്പത്തിക സ്ഥിതി അല്പം മോശമാകും. പഴയ പദ്ധതികളിൽ നിന്ന് ലാഭം നേടുവാനും പുതിയ കാര്യങ്ങൾക്ക് തുടക്കം കുറിക്കുവാനും സാധിക്കും. കുലോചിതമല്ലാത്ത പ്രവൃത്തികളിലും ബന്ധങ്ങളിലും ഏർപ്പെടാതിരിക്കുവാൻ പ്രത്യേകം ശ്രദ്ധിക്കണം. മേടം ഇടവം മിഥുനം മാസങ്ങളിൽ ശത്രുപീഡ,ഭാഗ്യാനുഭവം, കലഹങ്ങൾ എന്നിവ ഉണ്ടാകും. കർക്കിടകം,ചിങ്ങം,കന്നി മാസങ്ങളിൽ ദൈവാനുകൂല്യം, കർമ്മരംഗത്ത് ശ്രേയസ്, മേലധികാരികളുടെ പ്രശംസ എന്നിവ ഉണ്ടാകും. തുലാം, വൃശ്ചികം,ധനു മാസങ്ങളിൽ പഠന പുരോഗതി,അനാവശ്യ ചിലവുകൾ, ഇഷ്ടജനക്ലേശം എന്നിവ ഉണ്ടാകും. മകരം, കുംഭം,മീനം മാസങ്ങളിൽ ഉത്തരവാദിത്വമേറിയ ചുമതലകൾ,കുടുംബസുഖം, സർവ്വകാര്യ വിജയം എന്നിവ ഉണ്ടാകും.

മീനക്കൂറ്‍ (പൂരുരുട്ടാതി1/4,ഉത്രട്ടാതി, രേവതി)

മത്സര പരീക്ഷകളിലും അഭിമുഖങ്ങളിലും വിജയിക്കും. അനാവശ്യമായ കലഹങ്ങളിലും വാദപ്രതിവാദങ്ങളിലും ഇടപെടുന്നത് ഒഴിവാക്കണം. ഗൗരവമായ ആരോഗ്യപ്രശ്നങ്ങൾ ഉണ്ടാകില്ല. വ്യാപാരം, കൃഷി എന്നിവ ഗുണകരമാകും. മേടം ഇടവം മിഥുനം മാസങ്ങളിൽ സംതൃപ്ത ജീവിതം, കുടുംബാംഗങ്ങളുടെ സഹായസഹകരണങ്ങൾ, ഉന്നത പദവികൾ എന്നിവ ഉണ്ടാകും. കർക്കിടകം,ചിങ്ങം, കന്നി മാസങ്ങളിൽ അലങ്കാരപ്രിയം, ശ്രേയസ്,വാഹനലാഭം എന്നിവ ഉണ്ടാകും. തുലാം,വൃശ്ചികം,ധനു മാസങ്ങളിൽ വിദേശത്തുനിന്നും തൊഴിലവസരങ്ങൾ, അലസത, പ്രണയസാഫല്യം എന്നിവ ഉണ്ടാകും. മകരം കുംഭം മീനം മാസങ്ങളിൽ മത്സര പരീക്ഷകളിൽ വിജയം, ആരോഗ്യപുരോഗതി, നേതൃപദവികൾ എന്നിവ ഉണ്ടാകും.

Read More

• ഗുണാനുഭവങ്ങൾ വർഷിക്കുന്ന ശുക്രൻ-അശ്വതി മുതൽ രേവതി വരെയുള്ള നക്ഷത്രക്കാരുടെ ഫലം
• മേടമാസത്തെ സമ്പൂർണ നക്ഷത്രഫലം, അശ്വതി മുതൽ രേവതി വരെ: Monthly Horoscope for Medam
• ഈ ആഴ്ച നിങ്ങളെ കാത്തിരിക്കുന്നതെന്ത്? സംഖ്യാശാസ്ത്ര ഫലങ്ങളിങ്ങനെ: Numerology Predictions 2024 April 08 to April 14
• Weekly Horoscope (April 7– April 13, 2024): ഈ ആഴ്‌ച നിങ്ങൾക്കെങ്ങനെ?
• സമ്പൂര്‍ണ വാരഫലം, അശ്വതി മുതൽ രേവതി വരെ; April 07-April 13, 2024, Weekly Horoscope