ഈ ആഴ്ച നിങ്ങളെ കാത്തിരിക്കുന്നതെന്ത്?; സംഖ്യാശാസ്ത്ര ഫലങ്ങളിങ്ങനെ: Numerology Predictions 2023 December 18 to December 24

നാളെയുടെ ഉള്ളിലൊളിപ്പിച്ചു വെച്ചിട്ടുള്ള രഹസ്യമറിയാൻ മനുഷ്യൻ സംഖ്യാശാസ്ത്രത്തെയും (Numerology) വ്യാപകമായി ആശ്രയിക്കുന്നുണ്ട്. ഭാരതീയവും പാശ്ചാത്യവുമായ ചില അടിസ്ഥാന വസ്തുതകൾ കോർത്തിണക്കി അക്കങ്ങളുടെ ആത്മസ്വരൂപം കണ്ടെത്തിയിട്ടുണ്ട് നമ്മുടെ പൂർവ്വികർ. ജനിച്ച നക്ഷത്രത്തിനല്ല, ജനിച്ച തീയതിക്കാണ്, സംഖ്യാശാസ്ത്രത്തിൽ പ്രസക്തി. നിങ്ങളുടെ ജന്മസംഖ്യയെ കുറിച്ച് കൂടുതലറിയാൻ ഇവിടെ ക്ലിക്ക് ചെയ്യുക.

Numerology Predictions 2023 December 18 to December 24

സംഖ്യാശാസ്ത്രപ്രകാരം, ഡിസംബർ 18 മുതൽ ഡിസംബർ 24 വരെയുള്ള ഈ ആഴ്ച, ജന്മസംഖ്യയെ അടിസ്ഥാനമാക്കി ഓരോരുത്തർക്കും എങ്ങനെ? ഈ ആഴ്ച സ്വകാര്യ ജീവിതത്തിലും ഔദ്യോഗിക ജീവിതത്തിലും കാത്തുവച്ചിരിക്കുന്നത് എന്തൊക്കെ? പ്രശസ്ത ജ്യോതിഷി ബെജൻ ദാരുവാലയുടെ മകനും ജ്യോതിഷിയുമായ ചിരാഗ് ദാരുവാല എഴുതുന്നു.

നമ്പർ 1: (1, 10, 19, 28 തീയതികളിൽ ജനിച്ചവർ) 

ഈ ആഴ്ച മാറ്റത്തിനും വ്യക്തിഗത വളർച്ചയ്ക്കും മനഃശാസ്ത്രപരമായ ഉൾക്കാഴ്ചയ്ക്കും പ്രധാനമാണെന്ന് ഗണേശൻ പറയുന്നു. ഈ ആഴ്ചയിൽ,  ജോലി പാതിവഴിയിൽ ഉപേക്ഷിക്കാൻ നിങ്ങൾക്കു കഴിയില്ല,  മികച്ചത് ചെയ്യാൻ നിങ്ങൾ ശ്രമിക്കും. നിങ്ങൾ സ്വയം മെച്ചപ്പെടുത്താനായി ശ്രമിക്കും. അതുവഴി നിങ്ങളുടെ ജോലിയിലെ കാര്യക്ഷമതയും വ്യക്തിത്വവും വികസിപ്പിക്കാൻ കഴിയും. ജോലിസ്ഥലത്ത്, നിങ്ങളുടെ നിലവിലെ സ്ഥാനവുമായി പൊരുത്തപ്പെടാത്ത ഒരു ജോലി ബോസ് നിങ്ങൾക്ക് നൽകുകയും നിങ്ങൾക്കതിൽ വിയോജിപ്പ് തോന്നുകയും ചെയ്യുന്ന ഒരു സാഹചര്യം ഉണ്ടാകാം. ഓഫീസിലെ മുതിർന്ന ഉദ്യോഗസ്ഥരുമായി ചില തർക്കങ്ങൾ ഉണ്ടാകാം. നഎതിരാളികളും ശത്രുക്കളും നിങ്ങളുടെ പ്രതിച്ഛായയും ജോലിയും നശിപ്പിക്കാൻ നിരന്തരം ശ്രമിച്ചേക്കാം, അതിനാൽ നിങ്ങൾ അവരെ ശ്രദ്ധിക്കേണ്ടതുണ്ട്. നിങ്ങളുടെ വ്യക്തിജീവിതത്തിലും ചില പ്രശ്നങ്ങൾ ഉണ്ടാകും. പങ്കാളിയുമായുള്ള ബന്ധം വഷളായേക്കാം. വ്യക്തിപരവും തൊഴിൽപരവുമായ ജീവിതം സന്തുലിതമാക്കാൻ നിങ്ങൾക്ക് ബുദ്ധിമുട്ടു അനുഭവപ്പെട്ടേക്കാം.  എന്നിരുന്നാലും വ്യക്തിപരമായ ജീവിത പ്രശ്നങ്ങൾ പ്രൊഫഷണൽ ജീവിതത്തെയോ ജോലിയെയോ ബാധിക്കാതെ നോക്കേണ്ടത് പ്രധാനമാണ്. ഈ ആഴ്ച ജലദോഷം, ചുമ തുടങ്ങിയ ചെറിയ ആരോഗ്യ പ്രശ്‌നങ്ങൾ ഉണ്ടാകാം. ഒന്നിച്ചുള്ള സാമ്പത്തികകാര്യങ്ങൾ കൈകാര്യം ചെയ്യുന്നതിനുള്ള ഏറ്റവും നല്ല സമയമാണിത്. നിങ്ങൾക്ക് പുതിയ വരുമാന സ്രോതസ്സുകളും മികച്ച നിക്ഷേപ മാർഗങ്ങളും കണ്ടെത്താനാകും.

നമ്പർ 2: (2, 11, 20, 29 തീയതികളിൽ ജനിച്ചവർ)

ഈ ആഴ്ച നിങ്ങളുടെ വ്യക്തിജീവിതത്തിലും ബിസിനസ് പങ്കാളിത്തത്തിലും വലിയ സ്വാധീനം ചെലുത്തുമെന്ന് ഗണേശൻ പറയുന്നു. പങ്കാളി നിങ്ങളുടെ കണ്ണാടിയായി മാറുകയും അതുവഴി നിങ്ങളെക്കുറിച്ച്  കൂടുതൽ അറിയാനുള്ള അവസരം നിങ്ങൾക്ക് ലഭിക്കുകയും ചെയ്യും. നിങ്ങളുടെ താൽപ്പര്യങ്ങളും ലക്ഷ്യങ്ങളും സാമൂഹിക ജീവിതവുമായി സന്തുലിതമാക്കുന്നതിൽ നിങ്ങൾ ശ്രദ്ധ കേന്ദ്രീകരിക്കും. നിങ്ങൾ കൂടുതൽ ആകർഷകമായി കാണപ്പെടുകയും ചുറ്റുമുള്ള എല്ലാവരെയും ആകർഷിക്കുകയും ചെയ്യും. എന്നിരുന്നാലും, നിങ്ങളുടെ പങ്കാളിയുമായുള്ള ബന്ധം വഷളായേക്കാം. നിങ്ങൾക്ക് ഒരു അഹംഭാവവും ആധികാരിക മനോഭാവവും ഉണ്ടായിരിക്കാം. ചൂടേറിയ തർക്കങ്ങൾ ഉണ്ടാകാം, ചെറിയ പ്രശ്നങ്ങൾ പോലും അടിക്കടി വഴക്കുകൾക്ക് ഇടയാക്കും. വിനയത്തിന്റെയും സമാധാനത്തിന്റെയും ആവശ്യകത നിങ്ങൾ മനസ്സിലാക്കേണ്ടതുണ്ട്. ജോലിസ്ഥലത്ത്, മുൻകാല ശ്രമങ്ങൾക്ക് നിങ്ങൾക്ക് അംഗീകാരം ലഭിച്ചേക്കില്ല. ധനസ്ഥിതി മാറ്റമില്ലാതെ തുടരുമെങ്കിലും പ്രതീക്ഷിച്ച പുരോഗതി ഉണ്ടാകില്ല. എതിരാളികൾ ശക്തരാകുകയും ജോലിയിൽ പ്രശ്നങ്ങൾ സൃഷ്ടിക്കാൻ തുടങ്ങുകയും ചെയ്യും. ജോലിയോടുള്ള മൊത്തത്തിലുള്ള ഉത്സാഹം കുറയും. അലസത നിങ്ങൾക്ക് പ്രശ്‌നങ്ങൾ സൃഷ്ടിക്കും, എന്നാൽ വരും ആഴ്ചകൾ ഊർജ്ജവും പ്രതിഫലദായകമായ അവസരങ്ങളും കൊണ്ടുവരും, അതിനാൽ ക്ഷമയോടെയിരിക്കുക, സമയത്തിൽ വിശ്വസിക്കുക.

നമ്പർ 3: ( 3, 12, 21, 30 തീയതികളിൽ ജനിച്ചവർ)

ഈ ആഴ്ച കരിയർ വളർച്ച, ദൈനംദിന ഷെഡ്യൂളിലെ മാറ്റങ്ങൾ, ആരോഗ്യം, ക്ഷേമം എന്നിവയിൽ ശ്രദ്ധ കേന്ദ്രീകരിക്കേണ്ടത് പ്രധാനമാണെന്ന് ഗണേശൻ പറയുന്നു. ഈ ആഴ്ചയിൽ ജോലിയിൽ നിന്ന് നിങ്ങൾക്ക്  നല്ല ഫലങ്ങൾ ലഭിക്കും. നിങ്ങളുടെ സമർപ്പണവും പ്രതിബദ്ധതയും സഹപ്രവർത്തകർക്കിടയിൽ നിന്നും ജനപ്രീതി നേടി തരും. നിങ്ങൾക്ക് എല്ലാ പ്രതിബന്ധങ്ങളെയും എളുപ്പത്തിൽ മറികടക്കാൻ കഴിയും,  എതിരാളികൾക്കു പോലും നിങ്ങളുടെ ജോലിയും പ്രശസ്തിയും നശിപ്പിക്കാൻ കഴിയില്ല. മുതിർന്ന ഉദ്യോഗസ്ഥരും മേലധികാരികളും നിങ്ങളുടെ ജോലിയിൽ സന്തുഷ്ടരാകും, നിങ്ങൾക്ക് വളരെയധികം പ്രശംസ ലഭിക്കും. ശമ്പള വർദ്ധനവ് അല്ലെങ്കിൽ സ്ഥാനക്കയറ്റം എന്നിവയെക്കുറിച്ച് സംസാരിക്കാൻ ഈ ആഴ്ച നല്ല സമയമായിരിക്കും. സംരംഭകരുടെ പുതിയ സംരംഭങ്ങൾ വിജയിക്കും. സാമ്പത്തികമായി ഈ മാസവും വളരെ മികച്ചതായിരിക്കും, നിങ്ങളുടെ മുൻ നിക്ഷേപങ്ങളിലൂടെ നിങ്ങൾക്ക് ലാഭം ലഭിക്കും. നിങ്ങളുടെ വ്യക്തിജീവിതവും പങ്കാളിയുമായുള്ള ബന്ധവും വളരെ സൗഹാർദ്ദപരമായിരിക്കും. വാരാന്ത്യങ്ങളിൽ നിങ്ങൾക്ക് കുറച്ച് സമയം മാറ്റിവയ്ക്കാനും  വളരെ മനോഹരമായ നിമിഷങ്ങൾ ചെലവഴിക്കാനും കഴിയും. ഏതെങ്കിലും കേസ് തീർപ്പുകൽപ്പിക്കാതെ കിടക്കുന്നുണ്ടെങ്കിൽ ഈ ആഴ്ച തീരുമാനം നിങ്ങൾക്ക് അനുകൂലമായേക്കാം. ജോലിക്കായി ദീർഘദൂര യാത്രകൾ ചെയ്യുന്നത് വളരെ പ്രതിഫലദായകവും ഫലദായകവുമാണ്.  മാനസിക പിരിമുറുക്കത്തിൽ നിന്നോ മറ്റേതെങ്കിലും രോഗങ്ങളിൽ നിന്നോ നിങ്ങൾ സ്വതന്ത്രരാകും.

നമ്പർ 4: ( 4, 13, 22, 31 തീയതികളിൽ ജനിച്ചവർ)

ഈ ആഴ്ച ബന്ധങ്ങൾ, തൊഴിൽ, സാമൂഹിക ഇടപെടലുകൾ എന്നിവയിൽ സ്വാധീനം ചെലുത്തുമെന്ന് ഗണേശൻ പറയുന്നു. ഈ ആഴ്ചയിൽ, നിങ്ങളുടെ പ്രണയാർദ്രമായതും കലാപരവുമായ  ശ്രമങ്ങളിൽ സർഗ്ഗാത്മകതയുടെ കുതിച്ചുചാട്ടം ഉണ്ടായേക്കാം. ക്രിയേറ്റീവ് ആശയങ്ങളുടെയും ബുദ്ധിയുടെയും സഹായത്തോടെ, ജോലിയിലെ എല്ലാ തടസ്സങ്ങളും പരിഹരിക്കാനും പ്രൊഫഷണൽ സ്പേസിൽ ഒരു നേതാവായി ഉയർന്നുവരാനും നിങ്ങൾക്ക് കഴിയും. മുതിർന്നവരുമായി ചില ചൂടേറിയ തർക്കങ്ങൾ ഉണ്ടാകാം, എന്നാൽ ജോലിയെക്കുറിച്ചും വരാനിരിക്കുന്ന ലക്ഷ്യങ്ങളെക്കുറിച്ചും നിങ്ങൾക്ക് വ്യക്തതയുള്ളതുകൊണ്ട് എല്ലാം പരിഹരിക്കപ്പെടും. നിങ്ങളുടെ ശത്രുക്കളും പ്രശ്നങ്ങൾ സൃഷ്ടിക്കാൻ ശ്രമിക്കും, എന്നാൽ മുതിർന്നവരുടെയും സഹപ്രവർത്തകരുടെയും സഹായത്തോടെ അവരെ കീഴ്പ്പെടുത്തുന്നതിൽ നിങ്ങൾ വിജയിക്കും. നിങ്ങളുടെ സ്വകാര്യ ജീവിതത്തെക്കുറിച്ച് സംസാരിക്കുമ്പോൾ, നിങ്ങൾ പ്രിയപ്പെട്ടവരുമായി കൂടുതൽ അടുക്കുകയും കുടുംബാംഗങ്ങളോടും സുഹൃത്തുക്കളോടും ഒപ്പം കുറച്ച് സമയം ചെലവഴിക്കുകയും ചെയ്യും. പ്രിയപ്പെട്ട ചിലരെ  വീണ്ടും കണ്ടുമുട്ടാനുള്ള സാധ്യതയും ഉണ്ട്. നിങ്ങൾ ഒരു കുടുംബത്തെ വളർത്താൻ ശ്രമിക്കുകയാണെങ്കിൽ, നിങ്ങൾക്ക് അനുകൂലമായ ഫലങ്ങൾ ലഭിച്ചേക്കാം. അവിവാഹിതരായ ആളുകൾക്ക്, പരിവർത്തനാത്മക പ്രണയ ബന്ധങ്ങൾക്ക് വലിയ സാധ്യതയുണ്ടാകും. ധ്യാനത്തെക്കുറിച്ചും ആത്മീയ അനുഭവങ്ങളെക്കുറിച്ചും പഠിക്കാനുള്ള ആഗ്രഹം നിങ്ങൾക്കുണ്ടാകും.  ഈ ആഴ്‌ച ഉത്സാഹം നിറഞ്ഞതായിരിക്കും, നിങ്ങൾ എല്ലാവരുമായും വളരെ സൗഹാർദ്ദപരമായ ബന്ധം പുലർത്തും.  ഈ ആഴ്ച  സുഹൃത്തുക്കളുമായി ഒരു യാത്ര ആസൂത്രണം ചെയ്യുക, നിങ്ങളുടെ പ്രിയപ്പെട്ട ഹോബിയിൽ മുഴുകാൻ ശ്രമിക്കുക.

നമ്പർ 5: ( 5, 14, 23 തീയതികളിൽ ജനിച്ചവർ)

 ഈ ആഴ്ച കുടുംബജീവിതത്തിലും ആഴത്തിലുള്ള വികാരങ്ങളിലും ശ്രദ്ധ കേന്ദ്രീകരിക്കാൻ അനുയോജ്യമാണെന്ന് ഗണേശൻ പറയുന്നു. ഈ ആഴ്ചയിൽ, വീടിന്റെ അന്തരീക്ഷവും ജീവിത നിലവാരവും മാറ്റാനുള്ള ശക്തമായ ആഗ്രഹം നിങ്ങൾക്കുണ്ടാകും. വീട് പുനർനിർമ്മിക്കുക, പുതിയ വീട്ടിലേക്ക് മാറുക, അല്ലെങ്കിൽ പുതിയ വസ്തു വാങ്ങുക തുടങ്ങിയ കാര്യങ്ങളിലേക്ക് നിങ്ങളുടെ ശ്രദ്ധ മാറിയേക്കാം. കുടുംബത്തിൽ സമാധാനവും ഐക്യവും ഉണ്ടാകും, എന്നാൽ അമ്മയുമായി ചില വാഗ്വാദങ്ങൾ ഉണ്ടാകാം. വിവാഹ ഉടമ്പടി ഉണ്ടാകും, നിങ്ങളുടെ ബന്ധത്തിലെ സ്നേഹവും കരുതലും നിലനിൽക്കും. ഈ ആഴ്ച സാമൂഹിക ജീവിതം അൽപ്പം മുഷിഞ്ഞതാവാം. എന്നാൽ ജോലിക്ക് വളരെ അനുകൂലമായിരിക്കും. ഈ ആഴ്ചയിൽ നിങ്ങൾ ഒരു നേതാവായി ഉയർന്നുവരും. നിങ്ങളുടെ ബിസിനസ്സ് വമ്പിച്ച വളർച്ചയും നല്ല ലാഭവും നേടും. ഒരു പുതിയ പ്രോജക്‌റ്റോ ഉത്തരവാദിത്തമോ ലഭിച്ചേക്കാം.   മുൻകാല പരിശ്രമങ്ങൾക്കും കഠിനാധ്വാനത്തിനും നിങ്ങൾ അഭിനന്ദിക്കപ്പെടും. നിങ്ങളുടെ ആരോഗ്യം ശക്തമായി നിലനിൽക്കും. എന്നിരുന്നാലും, ജോലി സമ്മർദ്ദം മൂലം സമ്മർദ്ദം ഉണ്ടാകാം. മികച്ച ഫലം ലഭിക്കാൻ ജോലി സമയത്ത് ചെറിയ ഇടവേളകൾ എടുക്കാൻ ഗണേശൻ നിർദ്ദേശിക്കുന്നു. വിശ്രമക്കുറവ് ഉണ്ടാകാം, ഒരുപാട് തടസ്സങ്ങൾ നേരിടേണ്ടി വരും എന്നതിനാൽ ജോലിക്കായി ഈ ആഴ്ച യാത്ര ചെയ്യരുതെന്നും ഗണേശൻ പറയുന്നു. 

നമ്പർ 6: ( 6, 15, 24 തീയതികളിൽ ജനിച്ചവർ)

ആശയവിനിമയ കഴിവുകൾ, ചെറു യാത്രകൾ, കരിയർ വളർച്ച എന്നിവയിൽ ഈ ആഴ്ച  സ്വാധീനം ചെലുത്തുമെന്ന് ഗണേശൻ പറയുന്നു. നിങ്ങൾ ഉന്നത ഉദ്യോഗസ്ഥരുടെയും മുതിർന്നവരുടെയും പ്രിയങ്കരനാകും.  തൊഴിലിൽ പുരോഗതി കൈവരിക്കാൻ കഴിയും. മേലധികാരികളിൽ നിന്നും സഹപ്രവർത്തകരിൽ നിന്നും പ്രശംസ ലഭിക്കും. കഠിനാധ്വാനവും പ്രതിബദ്ധതയുമുണ്ടെങ്കിൽ, എല്ലാ തടസ്സങ്ങൾക്കിടയിലും നിങ്ങൾക്ക് കാര്യങ്ങൾ പൂർത്തിയാക്കാൻ കഴിയും. എല്ലാ പുതിയ സംരംഭങ്ങളിലും നിങ്ങൾ വിജയം കൈവരിക്കും. ശത്രുക്കളും എതിരാളികളും പിന്മാറും. ശമ്പള വർദ്ധനയോ സ്ഥാനക്കയറ്റമോ ദീർഘകാലമായി തീർപ്പുകൽപ്പിക്കാതെ കിടക്കുന്നുണ്ടെങ്കിൽ അതിനെ കുറിച്ച് സംസാരിക്കാൻ ഈ ആഴ്ച നല്ല സമയമായിരിക്കും. ഈ ആഴ്ച നിങ്ങളുടെ സ്വകാര്യ ജീവിതവും വളരെ നല്ലതായിരിക്കും. സാമ്പത്തിക സ്ഥിതിയിൽ ആശങ്കകളൊന്നും ഉണ്ടാകില്ല. നിങ്ങളുടെ പങ്കാളിയുമായി നല്ല സമയം ആസ്വദിക്കാൻ കഴിയും. ആരോഗ്യകരമായ സംഭാഷണങ്ങൾ ഉണ്ടാകും, നിങ്ങളുടെ പങ്കാളിയുമായി വാരാന്ത്യത്തിൽ ഒരു ആത്മീയ യാത്ര ആസൂത്രണം ചെയ്യാൻ കഴിയും. സമൂഹത്തിൽ നിങ്ങളുടെ പ്രതിച്ഛായയും പദവിയും വർദ്ധിക്കും, നിങ്ങൾക്ക് മാന്യമായ സ്ഥാനം ലഭിക്കും. മാനസികാരോഗ്യവും ശാരീരിക ആരോഗ്യവും മികച്ചതായിരിക്കും. ആഴ്ച മുഴുവനും ഊർജ്ജവും ഉത്സാഹവും നിറഞ്ഞതായിരിക്കും. സഹോദരങ്ങളുമായുള്ള സംഭാഷണങ്ങൾ അൽപ്പം തർക്കത്തിന് ഇടയാകും. മറ്റൊരാളുടെ കാഴ്ചപ്പാട് വ്യക്തമായി മനസ്സിലാക്കാനും അവർക്കായി തീരുമാനങ്ങൾ എടുക്കാനും ഗണേശൻ നിങ്ങളെ ഉപദേശിക്കുന്നു.

നമ്പർ 7 ( 7, 16, 25 തീയതികളിൽ ജനിച്ചവർ)

സാമ്പത്തിക സ്ഥിരതയെയും നിക്ഷേപത്തെയും കുറിച്ച് ചർച്ച ചെയ്യാൻ ഈ ആഴ്ച പ്രധാനമാണ്.  ഈ ആഴ്ച നിങ്ങളുടെ പ്രധാന ശ്രദ്ധ ഭൗതിക സമ്പത്തിലായിരിക്കും. നിങ്ങൾക്ക് ധനകാര്യത്തിൽ കൂടുതൽ പ്രവർത്തിക്കാനും നിക്ഷേപിക്കാനും ശ്രമിക്കാം. അപകടസാധ്യതയുള്ള നിക്ഷേപങ്ങൾ ഒഴിവാക്കുന്നതാണ് നല്ലത്. നിങ്ങൾ ചില സാമ്പത്തിക മാറ്റങ്ങളിലൂടെ കടന്നുപോകുകയും സാമ്പത്തിക സ്ഥിരത കൈവരിക്കുന്നതിന് ബദൽ വരുമാന മാർഗ്ഗം കണ്ടെത്താൻ ശ്രമിക്കുകയും ചെയ്യും. സാമ്പത്തികവും വൈകാരികവുമായ സുരക്ഷിതത്വത്തിനായുള്ള ആഗ്രഹം നിങ്ങൾക്കുണ്ടാകും. നിങ്ങൾക്ക് ഉള്ളതും ഇല്ലാത്തതും നിങ്ങൾ ശ്രദ്ധിക്കും.  ജോലിയിൽ ഊർജ്ജം നിക്ഷേപിക്കൂ എന്നാണ് ഗണേശൻ നിങ്ങളെ ഉപദേശിക്കുന്നത്. ഈ ആഴ്ചയിൽ ആർക്കും പണം കടം കൊടുക്കരുത്,  ആർക്കെങ്കിലും കടം നൽകിയിട്ടുണ്ടെങ്കിൽ നിങ്ങളുടെ പണം സുരക്ഷിതമാക്കാൻ ശ്രമിക്കുക. കുടുംബത്തിൽ കൂട്ടായ ചില ചർച്ചകൾ നടക്കും. ഒരു കൂട്ടുകുടുംബ ബിസിനസിലാണെങ്കിൽ, ഈ ആഴ്ച ചില വലിയ തീരുമാനങ്ങൾ എടുക്കാം. നിങ്ങളുടെ ദേഷ്യവും സംസാരവും നിയന്ത്രിക്കേണ്ടതുണ്ട്. ജോലിസ്ഥലത്തും ധാർഷ്ട്യത്തോടെ പെരുമാറാതിരിക്കാൻ ശ്രദ്ധിക്കുക.  കുടുംബവുമായോ സുഹൃത്തുമായോ സംസാരിക്കുമ്പോൾ പോലും അൽപ്പം ക്ഷമയും ശാന്തതയും പുലർത്തുക. ഈ ആഴ്ച ഏകാഗ്രത കുറവായിരിക്കും. ആഴ്ചയുടെ മധ്യത്തിൽ തലവേദന നിങ്ങളെ അലട്ടും.

നമ്പർ 8: ( 8, 17, 26 തീയതികളിൽ ജനിച്ചവർ)

ഈ ആഴ്ച നിങ്ങളെക്കുറിച്ച് പഠിക്കുന്നതിനും സ്വയം മാറ്റത്തിലും സ്വയം കണ്ടെത്തലിലും ശ്രദ്ധ കേന്ദ്രീകരിക്കുക എന്നാണ് ഗണേശൻ പറയുന്നത്. ഈ ആഴ്ചയിൽ നിങ്ങളുടെ വ്യക്തിത്വം വളരെ ആകർഷകമായിരിക്കും. സഹപ്രവർത്തകർക്കിടയിൽ ഒരു നേതാവായി ഉയർന്നുവരാൻ നിങ്ങൾക്ക് കഴിയും. വ്യക്തിപരമായ മാറ്റങ്ങളിൽനിങ്ങൾ  ശ്രദ്ധ കേന്ദ്രീകരിക്കാൻ തുടങ്ങും, അതേ സമയം, ജോലിസ്ഥലത്ത് നഎങ്ങനെ കൂടുതൽ കാര്യക്ഷമമായി പ്രവർത്തിക്കാമെന്നും നിങ്ങൾ ആലോചിക്കും. മുതിർന്നവരുമായും മേലധികാരികളുമായും ഉള്ള ബന്ധം ഈ കാലയളവിൽ മെച്ചപ്പെടും. ജോലിസ്ഥലത്ത് നിങ്ങളുടെ പ്രശസ്തിക്കൊപ്പം,  സാമൂഹിക നിലയും മെച്ചപ്പെടും. നിങ്ങൾ ഉത്സാഹവും ഊർജ്ജവും നിറഞ്ഞവരായിരിക്കും. നിങ്ങളുടെ കഠിനാധ്വാനം ശമ്പള വർദ്ധനവിനും തൊഴിൽ പുരോഗതിക്കും കാരണമാകും. നിങ്ങൾ ചെയ്യുന്നതും ചെയ്യാൻ ആഗ്രഹിക്കുന്നതും മാനസിക സമ്മർദ്ദമില്ലാതെ സുഗമമായി നടക്കും. സ്വകാര്യ ജീവിതത്തിൽ, നിങ്ങൾക്ക് അഹങ്കാരവും ക്ഷോഭവും അനുഭവപ്പെടാം. പങ്കാളിയുമായി ചൂടേറിയ തർക്കമുണ്ടാകാം. കുടുംബത്തിലും ചില കാര്യങ്ങളിൽ തർക്കമുണ്ടാകാം. ശാന്തത പാലിക്കാനും കോപം നിയന്ത്രിക്കാനും ശ്രമിക്കണം. സ്വയം കേന്ദ്രീകൃതമായ ഒരു മനോഭാവം നിങ്ങളുടെ ജീവിതത്തിലെ ഏറ്റവും പ്രധാനപ്പെട്ട ചില കാര്യങ്ങളെ നശിപ്പിക്കും.

നമ്പർ 9: ( 9,18 , 27 എന്നീ ദിവസങ്ങളിൽ ജനിച്ചവർ)

 ഈ ആഴ്ച നിങ്ങളുടെ വികാരങ്ങളും ചില അനാവശ്യ ചെലവുകളും ആഴത്തിൽ പരിശോധിക്കാനുള്ള സമയമാണ്. ജോലിസ്ഥലത്ത് നിങ്ങൾക്ക് ബുദ്ധിമുട്ടുള്ള സമയങ്ങൾ നേരിടേണ്ടി വന്നേക്കാം. ഉദ്യോഗസ്ഥരും മുതിർന്ന ഉദ്യോഗസ്ഥരും നിങ്ങളുടെ ജോലിയിൽ തുടക്കത്തിൽ സന്തുഷ്ടരായിരിക്കില്ല. നിങ്ങളുടെ പരിശ്രമവും കഠിനാധ്വാനവും നല്ല ഫലമോ  പ്രതീക്ഷിച്ച അഭിനന്ദനമോ നൽകില്ല. ചില ഉത്തരവാദിത്തങ്ങൾ നിങ്ങളിൽ നിന്ന് എടുത്തുകളഞ്ഞേക്കാം, എന്നാൽ അർപ്പണബോധത്തോടെയും പ്രതിബദ്ധതയോടെയും മുന്നോട്ടു പോവാനും  ഉത്തരവാദിത്തങ്ങൾ തിരികെ നേടിയെടുക്കാനും  മുതിർന്നവരിൽ നിന്ന് അഭിനന്ദനം നേടാനും നിങ്ങൾക്കു കഴിയും. ശത്രുക്കൾ ജോലി നശിപ്പിക്കാൻ ശ്രമിക്കുമെങ്കിലും അവരെ കീഴ്പ്പെടുത്തുന്നതിൽ നിങ്ങൾ വിജയിക്കും. നിങ്ങളുടെ സ്വകാര്യ ജീവിതത്തിൽ, കിടപ്പുമുറിയിലെ കാര്യങ്ങൾ സമാധാനപരമായിരിക്കില്ല. ദമ്പതികൾക്കിടയിൽ കടുത്ത കലഹങ്ങൾ ഉണ്ടാകാം. നിങ്ങൾക്ക് കൂടുതൽ ശാരീരിക ഊർജ്ജം അനുഭവപ്പെടും, പക്ഷേ ലൈംഗിക അടുപ്പം കുറയും. അത് നിങ്ങളെ അസ്വസ്ഥരാക്കും.  കൂടാതെ, സാമ്പത്തിക കാര്യങ്ങളിൽ കൂടുതൽ ശ്രദ്ധാലുവായിരിക്കുക.  ആവേശത്തോടെ വാങ്ങികൂട്ടുന്ന രീതി ഒഴിവാക്കുക.  ചില അനാവശ്യ ചെലവുകൾ ഭാവിയിൽ ഖേദിക്കാൻ ഇടവരുത്തും. അപകടസാധ്യതയുള്ള എല്ലാ നിക്ഷേപങ്ങളും ഒഴിവാക്കുകയും ഈ ആഴ്ച നിക്ഷേപങ്ങളൊന്നും ആസൂത്രണം ചെയ്യാതിരിക്കുകയും ചെയ്യുക. ഈ കാലയളവിൽ, ഉറക്കക്കുറവ് നിങ്ങളെ വിഷമിപ്പിച്ചേക്കാം. 

Check out More Horoscope Stories Here 

• Monthly Horoscope December 2023: ഡിസംബർ മാസത്തെ നക്ഷത്രഫലം, അശ്വതി മുതൽ രേവതി വരെ
• അക്കങ്ങളിൽ തെളിയും ഭാവികാലം
• Aswathy Star Predictions: അശ്വതി നക്ഷത്രക്കാർ സാന്ത്വനശക്തിയുടെ ഉടമകൾ
• ദേവഗണത്തിലെ നക്ഷത്രങ്ങൾ