40 കിലോ കുറച്ചു, മുഖം ആകെ മാറി; അമ്പരപ്പിച്ച് യുവതിയുടെ മാറ്റം

ശരീര ഭാരം കുറയ്ക്കുകയെന്നു പറയുമ്പോൾ, പലരും കരുതുന്നത് ശരീരത്തിൽ മാത്രം മാറ്റം വരുമെന്നാണ്. എന്നാൽ, മുഖത്തിന്റെ രൂപത്തിലും ശരീര ഭാരം കുറയുന്നതിലൂടെ മാറ്റം വരുമെന്ന് തെളിയിച്ചിരിക്കുകയാണ് ഫിറ്റ്നസ് പരിശീലക സാച്ചി പൈ. ശരീരഭാരം കുറയുന്നതിലൂടെ മുഖത്തിന്റെ രൂപഭാവത്തിൽ, പ്രത്യേകിച്ച് താടി, കവിൾ, മൊത്തത്തിലുള്ള മുഖഘടന തുടങ്ങിയ ഭാഗങ്ങളിൽ സാരമായി മാറ്റം വരുമെന്ന് വീഡിയോ സഹിതം പങ്കുവച്ചുകൊണ്ട് യുവതി പറയുന്നു.

ശരീര ഭാരം കൂടുതൽ കുറച്ചാൽ, മുഖത്തിലെ മാറ്റങ്ങൾ കൂടുതൽ വ്യക്തമാകും. കവിളിലെ കൊഴുപ്പ് കുറയുന്നതിലൂടെ മുഖസൗന്ദര്യം കൂടും. 15 മാസത്തിനുള്ളിൽ 40 കിലോയാണ് സാച്ചി പൈ കുറച്ചത്. ''40 കിലോ കുറഞ്ഞാൽ എന്റെ മുഖം എത്രത്തോളം മാറും?" എന്ന തലക്കെട്ടോടെയാണ് സാച്ചി ശരീരഭാരം കുറച്ചതിനുശേഷം തന്റെ മുഖത്ത് വന്ന വലിയ വ്യത്യാസം കാണിക്കുന്ന വീഡിയോ ഇൻസ്റ്റഗ്രാമിൽ പോസ്റ്റ് ചെയ്തത്.

വ്യക്തിഗത മാറ്റങ്ങൾ വ്യത്യാസപ്പെടാമെന്നും ശരീര ഭാരം കുറയുമ്പോൾ മുഖത്തുണ്ടാകുന്ന മാറ്റങ്ങൾ ശരീരഘടന, മൊത്തത്തിലുള്ള ആരോഗ്യം എന്നിവയുൾപ്പെടെ നിരവധി ഘടകങ്ങളെ ആശ്രയിച്ചിരിക്കുമെന്നും സാച്ചി പറഞ്ഞിട്ടുണ്ട്. ശരീരഭാരം കുറയ്ക്കാൻ ശരിക്കും 3 കാര്യങ്ങൾ മാത്രമേ ആവശ്യമുള്ളൂവെന്നും അവർ പറയുന്നു. ഉയർന്ന പ്രോട്ടീനുള്ള കലോറി കുറവുള്ള ഭക്ഷണം, വ്യായാമം, ലക്ഷ്യം നേടാനുള്ള മാനസികാവസ്ഥ എന്നിവയാണ് അതെന്നും അവർ വ്യക്തമാക്കി. 

ശരീരഭാരം കൂടാതിരിക്കുന്ന കാര്യങ്ങൾ വീട്ടിൽനിന്നും തന്നെ തുടങ്ങണമെന്ന് സാച്ചി നിർദേശിച്ചു. വീട്ടിൽ നിന്ന് ജങ്ക് ഫുഡ് നീക്കം ചെയ്യുക, ആഴ്ചയിൽ രണ്ടുതവണ മാത്രം പുറത്തുനിന്നുള്ള ഭക്ഷണം കഴിക്കുന്ന തരത്തിൽ പരിമിതപ്പെടുത്തുക, ശീതളപാനീയങ്ങൾ, പഞ്ചസാര സോഡ, പഞ്ചസാര ചേർത്ത മദ്യം അല്ലെങ്കിൽ പഞ്ചസാര ചേർത്ത കോഫി എന്നിവ നിർത്തുക, ഒരു ദിവസം ഒരു നേരം മാത്രം വലിയ അളവിൽ ഭക്ഷണം കഴിക്കുന്നതിൽ ശ്രദ്ധ കേന്ദ്രീകരിക്കുക.

View this post on Instagram

A post shared by Saachi Pai | Fitness & Wellness (@saachi.pai)

 

ഉദാഹരണത്തിന്, പ്രഭാതഭക്ഷണത്തിൽ ഗ്രീക്ക് യോഗർട്ട്, പ്രോട്ടീൻ ഷേക്ക്, പഴങ്ങൾ അല്ലെങ്കിൽ മുട്ടയും അവോക്കാഡോ ടോസ്റ്റും കഴിക്കുക. ഉച്ചഭക്ഷണത്തിലും അത്താഴത്തിലും ശ്രദ്ധ കേന്ദ്രീകരിക്കരുത്, ഇങ്ങനെ ഒരു മാസത്തേക്ക് ഇത് ചെയ്യാൻ അവർ നിർദേശിച്ചു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പരന്ന വയർ ആണോ ലക്ഷ്യം, ഈ 7 കാര്യങ്ങൾ ശീലമാക്കൂ
• 30-ാം വയസിൽ കൊളസ്ട്രോൾ? എങ്ങനെ നിയന്ത്രിക്കാം
• മഖാനയാണ് ബജറ്റിലെ താരം; അറിയാം ആരോഗ്യ ഗുണങ്ങൾ
• ഫാറ്റി ലിവറിൽനിന്നും രക്ഷ നേടാം, രാവിലെ ഈ കാര്യങ്ങൾ ശീലമാക്കൂ