പരന്ന വയർ ആഗ്രഹിക്കുന്നുണ്ടോ? ഈ 7 കാര്യങ്ങൾ ശീലമാക്കൂ

ശരീര ഭാരം കുറയ്ക്കാൻ ശ്രമിക്കുന്നവർ ആദ്യം ലക്ഷ്യമിടുന്നത് വയറിലെ കൊഴുപ്പ് കുറയ്ക്കാനാണ്. മൊത്തത്തിലുള്ള ആരോഗ്യം മെച്ചപ്പെടുത്തുന്നതിനും വിട്ടുമാറാത്ത രോഗങ്ങളുടെ സാധ്യത കുറയ്ക്കുന്നതിനും വയറിലെ കൊഴുപ്പ് കുറയ്ക്കുന്നത് സഹായിക്കും. വയറിലെ കൊഴുപ്പ് കത്തിക്കാൻ സഹായിക്കുന്ന ചില ഭക്ഷണക്രമങ്ങളെക്കുറിച്ചും ജീവിതശൈലിയിലെ മാറ്റങ്ങളെക്കുറിച്ചും ട്രെയിനർ നേഹ ഇൻസ്റ്റഗ്രാമിൽ വിശദീകരിച്ചിട്ടുണ്ട്. ശരീരഭാരം കുറയ്ക്കാനും കൊഴുപ്പ് കുറയ്ക്കാനുമുള്ള നുറുങ്ങുകളും തന്ത്രങ്ങളും നേഹ ഫൺ ആൻഡ് ഫിറ്റ്നസ് എന്ന തന്റെ ഇൻസ്റ്റാഗ്രാം പേജിലാണ് പങ്കുവച്ചത്.

1. മൂന്നു നേരം വലിയ അളവിൽ ഭക്ഷണം കഴിക്കുന്നതിനുപകരം 4-5 തവണ ചെറിയ അളവിൽ കഴിക്കുക. ചെറിയ അളവിൽ പല തവണയായി ഭക്ഷണം കഴിക്കുന്നത് ഉപാപചയപ്രവർത്തനം നിലനിർത്താനും വയറിലെ കൊഴുപ്പ് കത്തിക്കാനും സഹായിക്കും.

2. ഓരോ തവണയും ഭക്ഷണത്തിനു മുൻപായി ഒരു ഗ്ലാസ് വെള്ളം കുടിക്കുക. ശരീരത്തിൽനിന്നും വിഷവസ്തുക്കളെ പുറന്തള്ളാനും ഉപാപചയപ്രവർത്തനം വർധിപ്പിക്കാനും സഹായിക്കും.

3. എല്ലാ ദിവസവും 30-40 മിനിറ്റ് വ്യായാമം ചെയ്യുക.

4. കൂടുതൽ പ്രോട്ടീനും നാരുകളും അടങ്ങിയ ഭക്ഷണങ്ങൾ കഴിക്കുക. ചിക്കൻ, മത്സ്യം തുടങ്ങിയ മെലിഞ്ഞ പ്രോട്ടീനുകൾ ഭക്ഷണത്തിൽ ഉൾപ്പെടുത്തുക.

5. പഴങ്ങളും പച്ചക്കറികളും അടങ്ങിയ സമീകൃതാഹാരം കഴിക്കുക. പഴങ്ങൾ, പച്ചക്കറികൾ, തവിടുകളയാത്ത ധാന്യങ്ങൾ എന്നിവയിൽ നാരുകൾ ധാരാളം അടങ്ങിയിട്ടുണ്ട്. ഇവ വീക്കം കുറയ്ക്കാനും ശരീരഭാരം കുറയ്ക്കാനും സഹായിക്കുന്നു.

6. രാത്രിയിൽ 7-8 മണിക്കൂർ ഉറങ്ങുക. ഹോർമോണുകളെ നിയന്ത്രിക്കാനും ശരീരഭാരം കുറയ്ക്കാനും സഹായിക്കും.

7. സമ്മർദം ഒഴിവാക്കുക. യോഗ, ധ്യാനം, അല്ലെങ്കിൽ ശ്വസന വ്യായാമങ്ങൾ പോലുള്ള സമ്മർദം കുറയ്ക്കുന്ന പ്രവർത്തനങ്ങളിൽ ഏർപ്പെടുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• 30-ാം വയസിൽ കൊളസ്ട്രോൾ? എങ്ങനെ നിയന്ത്രിക്കാം
• മഖാനയാണ് ബജറ്റിലെ താരം; അറിയാം ആരോഗ്യ ഗുണങ്ങൾ
• ഫാറ്റി ലിവറിൽനിന്നും രക്ഷ നേടാം, രാവിലെ ഈ കാര്യങ്ങൾ ശീലമാക്കൂ
• വിറ്റാമിൻ മരുന്നുകൾ കഴിച്ചിട്ടും ഗുണമില്ലേ? കഴിക്കുന്ന സമയം ശ്രദ്ധിക്കൂ