30 കിലോ കുറയ്ക്കണോ, 6 മാസം മതി; തെളിയിച്ച് 24 കാരി

ശരീര ഭാരം കുറയ്ക്കാൻ കഷ്ടപ്പെടുന്ന ഒരുപാട് പേർ നമുക്ക് ചുറ്റിലുമുണ്ട്. ഡയറ്റും വ്യായാമവും ഒക്കെ ശരീര ഭാരം കുറയ്ക്കുന്നതിൽ പ്രധാന പങ്ക് വഹിക്കുന്നുണ്ട്. ക്ഷമയോടെ പരിശ്രമിച്ചാൽ ശരീര ഭാരം കുറയ്ക്കാൻ സാധിക്കുമെന്ന് തെളിയിക്കുകയാണ് 24 കാരിയായ സോണിയ. വെറും 6 മാസത്തിനുള്ളിൽ 30 കിലോ കുറച്ചാണ് സോണിയ സോഷ്യൽ മീഡിയയിൽ താരമായി മാറിയത്. 

പതിവായുള്ള വ്യായാമവും സമീകൃതാഹാരവുമാണ് സോണിയയെ ശരീര ഭാരം കുറയ്ക്കാൻ സഹായിച്ചത്. ശരീരഭാരം കുറയ്ക്കാനുള്ള ചില നുറുങ്ങുകളും സോണിയ ഇൻസ്റ്റഗ്രാമിൽ ഷെയർ ചെയ്തിട്ടുണ്ട്. പരമ്പരാഗത ഇന്ത്യൻ ഭക്ഷണം ആസ്വദിച്ചുകൊണ്ട് കലോറി കുറവ് എങ്ങനെ നിലനിർത്താൻ കഴിഞ്ഞെന്നും ശരീര ഭാരം കുറയ്ക്കാൻ സഹായിച്ചത് എങ്ങനെയെന്നും അവർ വിശദീകരിച്ചിട്ടുണ്ട്. 

ഓരോ തവണയും ഭക്ഷണത്തിനും മുമ്പ് രണ്ടു ഗ്ലാസ് വെള്ളം കുടിക്കും. ഭക്ഷണത്തിന്റെ അളവ് നിയന്ത്രിക്കാൻ ചെറിയ പാത്രങ്ങൾ ഉപയോഗിച്ചു. പ്ലേറ്റിന്റെ പകുതി ഭാഗം സാലഡും പച്ച പച്ചക്കറികളും കൊണ്ട് നിറച്ചു, കാൽ ഭാഗം പ്രോട്ടീൻ സമ്പുഷ്ടമായ കടല, പരിപ്പ്, സോയാബീൻ തുടങ്ങിയ ഭക്ഷണങ്ങളും, ബാക്കി കാൽ ഭാഗം നെയ്യ് പോലുള്ള ആരോഗ്യകരമായ കൊഴുപ്പുകളും റൊട്ടി അല്ലെങ്കിൽ ചോറ് പോലുള്ള കാർബോഹൈഡ്രേറ്റുകളും ഉൾപ്പെടുത്തി. തന്റെ ഭക്ഷണക്രമത്തെക്കുറിച്ച് സോണിയ പറഞ്ഞ കാര്യങ്ങളാണിവ.

View this post on Instagram

A post shared by its.sonia (@its.sonia086)

ശരീരഭാരം കുറയ്ക്കാൻ താൻ പിന്തുടർന്ന ദിനചര്യയെക്കുറിച്ചും സോണിയ വിശദീകരിച്ചിട്ടുണ്ട്. എല്ലാ ദിവസവും രാവിലെ 5 മണിക്ക് ഉണരും. വ്യായാമത്തിനുശേഷം സമീകൃതാഹാരം കഴിക്കും. ദിവസം മുഴുവൻ 3-4 ലിറ്റർ വെള്ളം കുടിക്കും. വൈകുന്നേരം വീട്ടിൽവച്ച് കാർഡിയോ വ്യായാമങ്ങൾ ചെയ്യും. അത്താഴത്തിന് സൂപ്പ്, ചിക്കൻ ബ്രെസ്റ്റ്, പനീർ, മുട്ട തുടങ്ങിയ വിഭവങ്ങൾ കഴിക്കും. ഇതിനൊപ്പം സാലഡും ഉണ്ടാകും. അത്താഴത്തിനുശേഷം ചെറിയൊരു നടത്തവും കൂടി ചേർന്നതാണ് തന്റെ ദിനചര്യയെന്ന് അവർ പറഞ്ഞു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വണ്ണം കുറയ്ക്കാനൊരു എളുപ്പ വഴി, ബദാം ഈ രീതിയിൽ കഴിക്കൂ
• ഡയറ്റ് നോക്കിയിട്ടും വ്യായാമം ചെയ്തിട്ടും വണ്ണം കുറയുന്നില്ലേ? ഈ 5 അബദ്ധങ്ങൾ മനസിലാക്കൂ
• ദിവസത്തിൽ ഏതു സമയത്തും കുടിക്കാം; നാരങ്ങ വെള്ളത്തിന്റെ ഗുണങ്ങൾ
• 40 കിലോ കുറച്ചു, മുഖം ആകെ മാറി; അമ്പരപ്പിച്ച് യുവതിയുടെ മാറ്റം