വാഴപ്പഴമോ ആപ്പിളോ? ശരീരഭാരം കുറയ്ക്കാൻ ഏതാണ് നല്ലത്?

ശരീരഭാരം കുറയ്ക്കാനുള്ള ഭക്ഷണക്രമത്തിൽ പഴങ്ങൾ നല്ലൊരു ഓപ്ഷനാണ്. ഇവയിൽതന്നെ രണ്ട് പഴങ്ങളാണ് പട്ടികയിൽ മുന്നിലുള്ളത്, വാഴപ്പഴവും ആപ്പിളും. ഈ പഴങ്ങൾ പോഷകസമൃദ്ധമായ ഓപ്ഷനുകളാണ്. എന്നാൽ ശരീരഭാരം കുറയ്ക്കാൻ ഏറ്റവും അനുയോജ്യമായത് ഏതാണ്?. 

വാഴപ്പഴത്തിന്റെ ആരോഗ്യ ഗുണങ്ങൾ

1. പൊട്ടാസ്യം സമ്പുഷ്ടമാണ്: ഇവയിൽ ഉയർന്ന അളവിൽ പൊട്ടാസ്യം അടങ്ങിയിട്ടുണ്ട്. ഈ ധാതു ദ്രാവക സന്തുലിതാവസ്ഥ നിയന്ത്രിക്കാനും ഹൃദയത്തെ ആരോഗ്യകരമായി നിലനിർത്താനും സഹായിക്കുന്നു. പൊട്ടാസ്യം പക്ഷാഘാതത്തിനും ഹൃദയ സംബന്ധമായ അസുഖങ്ങൾക്കുമുള്ള സാധ്യത കുറയ്ക്കാൻ സഹായിക്കുമെന്ന് അമേരിക്കൻ ഹാർട്ട് അസോസിയേഷന്റെ ഗവേഷണങ്ങൾ കാണിക്കുന്നു.

Also Read: കുതിർത്ത ഉണക്കമുന്തിരിയോ കുതിർക്കാത്തതോ: ഏതാണ് ആരോഗ്യകരം, എന്തുകൊണ്ട്?

2. നാരുകളുടെ നല്ല ഉറവിടം: വാഴപ്പഴം നാരുകളാൽ നിറഞ്ഞതാണ്. പതിവായി കഴിക്കുന്നത് സംതൃപ്തി നൽകാൻ സഹായിക്കും. ലയിക്കുന്നതും ലയിക്കാത്തതുമായ നാരുകൾ ഇവയിൽ അടങ്ങിയിട്ടുണ്ട്. നാരുകൾ ദഹനത്തെ മന്ദഗതിയിലാക്കാൻ സഹായിക്കുന്നു, രക്തത്തിലെ പഞ്ചസാരയുടെ അളവിൽ ഉണ്ടാകുന്ന ഏറ്റക്കുറച്ചിലുകൾ തടയുന്നു.

3. നല്ലൊരു ലഘുഭക്ഷണം: നല്ലൊരു ലഘുഭക്ഷണമാണ് വാഴപ്പഴം. പെട്ടെന്ന് ഊർജം കിട്ടുന്നതിനോ വ്യായാമത്തിനു ശേഷമുള്ള ലഘുഭക്ഷണമായോ കഴിക്കാൻ അനുയോജ്യമാണ്.

Also Read: ഈ 5 ഭക്ഷണങ്ങൾ ഒഴിവാക്കൂ; 2 മാസത്തിൽ 8 കിലോ കുറയ്ക്കാമെന്ന് യുവതി

ആപ്പിളിന്റെ ആരോഗ്യ ഗുണങ്ങൾ

1. ഉയർന്ന അളവിൽ നാരുകൾ: ആപ്പിൾ നാരുകളുടെ പവർഹൗസാണ്. വയർ നിറഞ്ഞ സംതൃപ്തി നൽകും. ഫൈബർ അടങ്ങിയ ഭക്ഷണക്രമം കൊളസ്ട്രോൾ കുറയ്ക്കാനും മൊത്തത്തിലുള്ള ഹൃദയാരോഗ്യം മെച്ചപ്പെടുത്താനും സഹായിക്കുമെന്ന് ജേണൽ ഓഫ് ന്യൂട്രീഷനിൽ പ്രസിദ്ധീകരിച്ച ഒരു പഠനം പറയുന്നു.

2. ആന്റിഓക്‌സിഡന്റ് ഗുണങ്ങൾ: ആപ്പിളിൽ ക്വെർസെറ്റിൻ, കാറ്റെച്ചിനുകൾ തുടങ്ങിയ ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് ഓക്‌സിഡേറ്റീവ് സമ്മർദം, വീക്കം എന്നിവയിൽ നിന്ന് സംരക്ഷിക്കാൻ സഹായിക്കുന്നു. ഈ സംയുക്തങ്ങൾ കോശങ്ങളെ കേടുപാടുകളിൽ നിന്ന് സംരക്ഷിക്കാനും മൊത്തത്തിലുള്ള ആരോഗ്യം വർധിപ്പിക്കാനും സഹായിക്കും.

Also Read: അടിവയറിലെ കൊഴുപ്പ് വേഗത്തിൽ ഉരുക്കാം; ഇരിക്കുമ്പോൾ ഇതൊന്ന് ചെയ്തു നോക്കൂ

3. ആരോഗ്യകരമായ കുടൽ ബാക്ടീരിയകളുടെ വളർച്ചയ്ക്ക് സഹായിക്കുന്നു: ആപ്പിളിൽ പ്രീബയോട്ടിക് ഫൈബർ അടങ്ങിയിട്ടുണ്ട്. ഇത് കുടലിലെ നല്ല ബാക്ടീരിയകളുടെ വളർച്ച പ്രോത്സാഹിപ്പിക്കുകയും ആരോഗ്യകരമായ കുടൽ മൈക്രോബയോമിനെ പിന്തുണയ്ക്കുകയും ചെയ്യുന്നു. 

ഇവയിൽ ഏതാണ് ശരീര ഭാരം കുറയ്ക്കാൻ നല്ലത്?

ശരീരഭാരം കുറയ്ക്കാൻ വാഴപ്പഴവും ആപ്പിളും ഗുണം ചെയ്യും. എന്നാൽ, വാഴപ്പഴത്തെക്കാൾ ആപ്പിൾ കുറച്ചു കൂടി നല്ലതാണ്. കുറഞ്ഞ കാലറിയും കൂടുതൽ നാരുകളും ഉള്ളതിനാൽ, ആപ്പിൾ സംതൃപ്തിയും ശരീര ഭാരം നിയന്ത്രിക്കാനും സഹായിക്കും. എന്നാൽ, വാഴപ്പഴത്തിൽ പൊട്ടാസ്യം ധാരാളം അടങ്ങിയിട്ടുണ്ട്. ഇത് ദഹനത്തിന് സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ചപ്പാത്തിയോ ചോറോ; രാത്രിയിൽ കഴിക്കാൻ അനുയോജ്യമായ ഭക്ഷണം ഏത്?