അടിവയറിലെ കൊഴുപ്പ് വേഗത്തിൽ ഉരുക്കാം; ഇരിക്കുമ്പോൾ ഇതൊന്ന് ചെയ്തു നോക്കൂ

ശരീരത്തിൽ അമിതമായി ചീത്ത കൊഴുപ്പ് അടിഞ്ഞുകൂടുന്നതാണ് പൊണ്ണത്തടിക്ക് കാരണം. ശരീരത്തിന്റെ എല്ലാ ഭാഗങ്ങളിലും കൊഴുപ്പ് അടിഞ്ഞുകൂടുന്നത് കുറയ്ക്കാൻ അൽപം പരിശ്രമിച്ചാൽ കഴിയും. എന്നാൽ, അടിവയറ്റിൽ അടിഞ്ഞുകൂടുന്ന കൊഴുപ്പ് കുറയ്ക്കുക കുറച്ചുകൂടി ബുദ്ധിമുട്ടാണ്. അത് എരിച്ചു കളയാൻ കൂടുതൽ പരിശ്രമം ആവശ്യമാണ്. എന്നാൽ, ശരിയായ ആസൂത്രണം, ഭക്ഷണ നിയന്ത്രണം, ചില വ്യായാമങ്ങൾ ദിവസവും ചെയ്താൽ വയറിലെ കൊഴുപ്പ് വേഗത്തിൽ ഉരുക്കാൻ കഴിയും.

നടത്തം ഏറ്റവും നല്ല കാർഡിയോ വ്യായാമമാണെന്ന് ഡോക്ടർമാർ പറയുന്നു. ശരീരം ഫിറ്റ് ആയി നിലനിർത്താനും വയറിലെ കൊഴുപ്പ് കുറയ്ക്കാനും നടത്തം അത്യാവശ്യമാണ്. ദിവസേനയുള്ള നടത്തത്തോടൊപ്പം സമീകൃതാഹാരം പിന്തുടരുമ്പോൾ വളരെ വേഗത്തിൽ ശരീരഭാരം കുറയ്ക്കാൻ കഴിയും. ഈ നടത്തം ശരീരത്തിന്റെ മെറ്റബോളിസം വർധിപ്പിക്കുകയും കൊഴുപ്പ് വേഗത്തിൽ കുറയ്ക്കാൻ സഹായിക്കുകയും ചെയ്യുന്നു.

Also Read: ചപ്പാത്തിയോ ചോറോ; രാത്രിയിൽ കഴിക്കാൻ അനുയോജ്യമായ ഭക്ഷണം ഏത്?

കഫീൻ, റിഫൈൻഡ് ഷുഗർ, ആൽക്കഹോൾ, സംസ്കരിച്ച ഭക്ഷണങ്ങൾ എന്നിവയോട് വിട പറയുക. ഇത്തരം ഭക്ഷണങ്ങളാണ് നിങ്ങളുടെ വയറിലെ കൊഴുപ്പ് വർധിക്കുന്നതിന് പ്രധാന കാരണം. ഈ ഭക്ഷണങ്ങൾ ശരീരത്തിൽ എളുപ്പത്തിൽ കൊഴുപ്പ് കൂട്ടുന്നു. അതിനാൽ, വയർ കുറയ്ക്കാൻ ആഗ്രഹിക്കുന്നവർ ആദ്യം ഈ ഭക്ഷണങ്ങൾ ഉപേക്ഷിക്കണമെന്ന് ഡോക്ടർമാർ പറയുന്നു.

Also Read: ഡയറ്റ് നോക്കിയില്ല, ഭക്ഷണത്തിൽ ചെറിയ മാറ്റങ്ങൾ വരുത്തി; യുവതി കുറച്ചത് 50 കിലോ

വിശക്കുമ്പോൾ ജങ്ക് ഫുഡ് ഇടയ്ക്കിടെ കഴിക്കുന്നതും വയറിലെ കൊഴുപ്പ് കൂടാൻ ഒരു കാരണമാണ്. അതിനാൽ ജങ്ക് ഫുഡ് കഴിക്കുന്നത് കുറയ്ക്കുക. സ്വയം നിയന്ത്രണം പാലിക്കാൻ ശ്രമിക്കുക. ക്രീം പാസ്ത, ചോക്ലേറ്റ് തുടങ്ങിയ ഭക്ഷണങ്ങൾ ആഴ്ചയിൽ ഒരിക്കൽ മാത്രം ഉൾപ്പെടുത്തുക. ഇത് ശരീരത്തിന്റെ മെറ്റബോളിസം വർധിപ്പിക്കും. ഇതിനെല്ലാം അപ്പുറം ഈ 3 വ്യായാമങ്ങൾ ദിവസവും ചെയ്താൽ തീർച്ചയായും വയർ പെട്ടെന്ന് ചുരുങ്ങും. 

Also Read:ഒരു മാസത്തേക്ക് ദിവസവും രാവിലെ നാരങ്ങ വെള്ളം കുടിക്കൂ; 5 അത്ഭുതകരമായ ഗുണങ്ങൾ

• ആദ്യം കാലുകൾ മാറിമാറി മുന്നോട്ടും പിന്നോട്ടും നീട്ടുക
• അടുത്തതായി ഇടത്തുനിന്ന് വലത്തോട്ട് കാലുകൾ നീക്കുക
• മൂന്നാമതായി വൃത്താകൃതിയിൽ കാലുകൾ നീക്കുക

ഈ മൂന്ന് വ്യായാമങ്ങളും 3 സെറ്റുകളിലായി 10 തവണ വീതം ചെയ്യുക. ഭക്ഷണക്രമീകരണവും മറ്റ് വ്യായാമങ്ങളും ചെയ്താൽ വയറിലെ കൊഴുപ്പ് തീർച്ചയായും കുറയും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: വണ്ണം കുറയ്ക്കണോ? ഭക്ഷണത്തിന് തൊട്ടുമുൻപായി ഇത് ഒരെണ്ണം കഴിക്കൂ