കുതിർത്ത ഉണക്കമുന്തിരിയോ കുതിർക്കാത്തതോ: ഏതാണ് ആരോഗ്യകരം, എന്തുകൊണ്ട്?

ഉണക്കമുന്തിരി പോഷകങ്ങളും പ്രകൃതിദത്ത മധുരവും നിറഞ്ഞ ഒരു ലഘുഭക്ഷണമാണ്. ഉണക്കമുന്തിരി കുതിർത്തും അല്ലാതെയും സാധാരണയായി ഉപയോഗിക്കാറുണ്ടെങ്കിലും, അവ കഴിക്കുന്ന രീതി രുചിയെ മാത്രമല്ല, അവ നൽകുന്ന ആരോഗ്യ ഗുണങ്ങളെയും ബാധിക്കും. അപ്പോൾ, ഉണക്കമുന്തിരി ഏത് രീതിയിൽ കഴിക്കുന്നതാണ് ആരോഗ്യകരം, കുതിർത്തതോ കുതിർക്കാത്തതോ?.

ഇരുമ്പ്, ആന്റിഓക്‌സിഡന്റുകൾ, പ്രകൃതിദത്ത പഞ്ചസാര തുടങ്ങിയ പോഷകങ്ങളുടെ കലവറയാണ് ഉണക്കമുന്തിരി. എന്നാൽ, അവയുടെ പരമാവധി ഗുണങ്ങൾ നേടാൻ കുതിര്‍ത്തത് കഴിക്കണമെന്ന് ആയുർവേദം പറയുന്നു. ഉണക്കമുന്തിരി രാത്രി മുഴുവൻ കുതിർക്കുന്നതിലൂടെ അവയുടെ പോഷക ഗുണങ്ങൾ പൂർണമായും നേടാൻ സഹായിക്കുമെന്ന് പോഷകാഹാര വിദഗ്ധർ അഭിപ്രായപ്പെടുന്നു. 

Also Read: ഈ 5 ഭക്ഷണങ്ങൾ ഒഴിവാക്കൂ; 2 മാസത്തിൽ 8 കിലോ കുറയ്ക്കാമെന്ന് യുവതി

ഉണക്കമുന്തിരിയിൽ ഫൈറ്റിക് ആസിഡ് അടങ്ങിയിട്ടുണ്ട്. ഇത് കാൽസ്യം, ഇരുമ്പ് തുടങ്ങിയ അവശ്യ ധാതുക്കളുടെ ആഗിരണം തടയും. കുതിർക്കുന്നതിലൂടെ ഇത് തടയാൻ സഹായിക്കുന്നു. മാത്രമല്ല, ശരീരത്തിന് പോഷകങ്ങൾ കൂടുതൽ ഫലപ്രദമായി ആഗിരണം ചെയ്യാൻ അനുവദിക്കുന്നു.

ഉണക്ക മുന്തിരി കുതിർത്ത് കഴിച്ചാലുള്ള ആരോഗ്യ ഗുണങ്ങൾ

പോഷകങ്ങളുടെ ആഗിരണം മെച്ചപ്പെടുത്തുന്നു: കുതിർക്കുന്നത് ഫൈറ്റിക് ആസിഡിനെ നിർവീര്യമാക്കുന്നു. ഇരുമ്പ്, മഗ്നീഷ്യം, മറ്റ് ധാതുക്കൾ എന്നിവയുടെ ആഗിരണം വർധിപ്പിക്കുന്നു.

Also Read: അടിവയറിലെ കൊഴുപ്പ് വേഗത്തിൽ ഉരുക്കാം; ഇരിക്കുമ്പോൾ ഇതൊന്ന് ചെയ്തു നോക്കൂ

ദഹിക്കാൻ എളുപ്പമാക്കുന്നു: കുതിർക്കുന്നതിലൂടെ ഉണക്കമുന്തിരി മൃദുവാകുകയും ദഹിക്കാൻ എളുപ്പമാവുകയും ചെയ്യുന്നു. രാവിലെ ഒഴിഞ്ഞ വയറ്റിൽ കഴിക്കാൻ അനുയോജ്യമാണ്.

ശരീരത്തെ തണുപ്പിക്കുന്നു: ഉണക്കമുന്തിരി ശരീരത്തിൽ ചൂട് വർധിപ്പിക്കുമെങ്കിലും, വെള്ളത്തിൽ കുതിർക്കുന്നത് അവയുടെ സ്വഭാവത്തെ പരിവർത്തനം ചെയ്യുന്നു. കുതിർത്ത് കഴിക്കുന്നത് ശരീരത്തെ തണുപ്പിക്കാനും അസിഡിറ്റി, മലബന്ധം, ചർമ്മ പ്രശ്നങ്ങൾ ലഘൂകരിക്കാനും സഹായിക്കുന്നു.

Also Read: ചപ്പാത്തിയോ ചോറോ; രാത്രിയിൽ കഴിക്കാൻ അനുയോജ്യമായ ഭക്ഷണം ഏത്?

കരളിന്റെ വിഷവിമുക്തമാക്കൽ പ്രക്രിയയെ പിന്തുണയ്ക്കുന്നു: കുതിർത്ത ഉണക്കമുന്തിരി അല്ലെങ്കിൽ ഉണക്കമുന്തിരി വെള്ളം ഒരു നേരിയ ഡീറ്റോക്സ് ടോണിക്ക് ആയി പ്രവർത്തിക്കുന്നു. കരളിന്റെ പ്രവർത്തനം മെച്ചപ്പെടുത്തുന്നതിനും, മെറ്റബോളിസം വർധിപ്പിക്കുന്നതിനും, ശരീരത്തിൽനിന്ന് വിഷവസ്തുക്കൾ പുറന്തള്ളുന്നതിനും സഹായിക്കുന്നു.

ദഹനത്തെ സന്തുലിതമാക്കാനോ, ശരീരത്തെ തണുപ്പിക്കാനോ, അല്ലെങ്കിൽ നിങ്ങളുടെ പ്രഭാതത്തിന് ആരോഗ്യകരമായ ഒരു തുടക്കം നൽകാനോ ആഗ്രഹിക്കുന്നുണ്ടെങ്കിൽ ഒരുപിടി കുതിർത്ത ഉണക്കമുന്തിരി മികച്ച തിരഞ്ഞെടുപ്പാണ്. രാത്രിയിൽ  6–8 മണിക്കൂർ കുതിർത്ത ഉണക്കമുന്തിരി രാവിലെ വെറും വയറ്റിൽ കഴിക്കാൻ ശ്രമിക്കുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഡയറ്റ് നോക്കിയില്ല, ഭക്ഷണത്തിൽ ചെറിയ മാറ്റങ്ങൾ വരുത്തി; യുവതി കുറച്ചത് 50 കിലോ