ശരീര ഭാരം കൂടും, അലർജി; ദിവസവും ഒരു പിടി നിലക്കടല കഴിച്ചാൽ എന്ത് സംഭവിക്കും?

നിലക്കടല ജനപ്രിയമായൊരു ലഘുഭക്ഷണമാണ്. വറുത്തോ വേവിച്ചോ പലരും ഇത് കഴിക്കാറുണ്ട്. ഈ ചെറിയ പയർവർഗം പോഷകങ്ങളാൽ നിറഞ്ഞതാണ്. പലർക്കും മികച്ചൊരു ലഘുഭക്ഷണ തിരഞ്ഞെടുപ്പാണ്. നിലക്കടല പതിവായി കഴിക്കുന്നത് ആരോഗ്യത്തെ ദോഷകരമായി ബാധിക്കാനിടയുണ്ട്.

ദിവസവും നിലക്കടല കഴിച്ചാലുള്ള ആരോഗ്യ ഗുണങ്ങൾ

നിലക്കടലയിൽ കാണപ്പെടുന്ന ധാതുക്കൾ ആരോഗ്യത്തിൽ വലിയ സ്വാധീനം ചെലുത്തുമെന്ന് ഡയറ്റീഷ്യൻ കനിക്ക മൽഹോത്ര പറഞ്ഞു. അവയുടെ മോണോസാച്ചുറേറ്റഡ് കൊഴുപ്പുകൾ, പ്രത്യേകിച്ച്, എച്ച്ഡിഎൽ (നല്ല) കൊളസ്ട്രോൾ അളവ് വർധിപ്പിക്കുകയും എൽഡിഎൽ (മോശം) കൊളസ്ട്രോൾ കുറയ്ക്കുകയും ചെയ്യുന്നു, അതിനാൽ ഹൃദ്രോഗ സാധ്യത കുറയ്ക്കുന്നു. ഉയർന്ന നാരുകളും പ്രോട്ടീനും ഉള്ളതിനാൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ നിലക്കടലയ്ക്ക് കഴിയും. ഇതിലൂടെ പ്രമേഹമുള്ളവർക്ക് ആരോഗ്യകരമായ ലഘുഭക്ഷണമായി മാറുന്നുവെന്ന് അവർ പറഞ്ഞു.

ഹൃദയാരോഗ്യത്തിനും രക്തത്തിലെ പഞ്ചസാരയുടെ നിയന്ത്രണത്തിനും ഗുണം ചെയ്യുന്നതിനപ്പുറം, റെസ്‌വെറാട്രോൾ ഉൾപ്പെടെ നിലക്കടലയിൽ കാണപ്പെടുന്ന ആന്റിഓക്‌സിഡന്റുകൾ മസ്തിഷ്ക കോശങ്ങളെ ഓക്‌സിഡേറ്റീവ് സമ്മർദത്തിൽ നിന്ന് സംരക്ഷിക്കുമെന്ന് അവർ പറഞ്ഞു. ശരീരത്തിലെ വിവിധ പ്രക്രിയകളെ പിന്തുണയ്ക്കുന്ന വൈറ്റമിൻ ഇ, പൊട്ടാസ്യം, മഗ്നീഷ്യം തുടങ്ങിയ വിറ്റാമിനുകളും ധാതുക്കളും നിലക്കടലയിലുണ്ടെന്ന് അവർ വ്യക്തമാക്കി.

ദിവസവും നിലക്കടല കഴിക്കുന്നതിന്റെ പ്രതികൂല ഫലങ്ങളെക്കുറിച്ചും മൽഹോത്ര വിശദീകരിച്ചിട്ടുണ്ട്. അമിതമായി നിലക്കടല കഴിച്ചാൽ ഉണ്ടാകാൻ സാധ്യതയുള്ള ദോഷഫലങ്ങൾ ഇവയാണ്.

ശരീരഭാരം: കലോറി ഉള്ളടക്കം കാരണം, അമിതമായി നിലക്കടല കഴിക്കുന്നത് ശരീരഭാരം വർധിപ്പിക്കും.

അലർജി: നിലക്കടലയോട് അലർജിയുള്ള വ്യക്തികൾ അവ പൂർണമായും ഒഴിവാക്കണം.

ദഹനസംബന്ധമായ പ്രശ്നങ്ങൾ: നിലക്കടല കഴിച്ചതിന് ശേഷം ചില വ്യക്തികൾക്ക് ദഹനസംബന്ധമായ അസ്വസ്ഥതകൾ അനുഭവപ്പെടാറുണ്ട്.

നിലക്കടലയിൽ നല്ല കൊഴുപ്പ് കൂടുതലാണെങ്കിലും, അവ അമിതമായി കഴിക്കുന്നത് ശരീരഭാരം വർധിപ്പിക്കുമെന്ന് മൽഹോത്ര സമ്മതിച്ചു. ഉയർന്ന കലോറി ഉള്ളടക്കം കാരണം, നിലക്കടല ഒരു കലോറി അടങ്ങിയ ഭക്ഷണമായി കണക്കാക്കപ്പെടുന്നു. നിലക്കടല അമിതമായി കഴിക്കുന്നത് അധിക കലോറി ഉപഭോഗത്തിന് കാരണമാകും. ഇത് കാലക്രമേണ ശരീരഭാരം വർധിപ്പിക്കും. ഒരു പിടി ലഘുഭക്ഷണമായി കഴിക്കുകയോ ഭക്ഷണത്തിൽ മിതമായി ഉൾപ്പെടുത്തുകയോ ചെയ്താൽ കൂടുതൽ കലോറി ഉപഭോഗം ചെയ്യാതെ തന്നെ അവയുടെ ആരോഗ്യ ആനുകൂല്യങ്ങൾ ലഭിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഐസ് കഴിക്കുന്ന ശീലമുണ്ടോ? അത് ആരോഗ്യത്തിന് ഗുണകരമോ? കൂടുതൽ അറിയാം
• എരിവുള്ള ഭക്ഷണം കഴിക്കൂ, ഹൃദയത്തിന് ഗുണകരം
• വണ്ണം പെട്ടെന്ന് കുറയണോ? രാത്രിയിൽ ഈ 5 ഭക്ഷണങ്ങൾ ഒഴിവാക്കൂ
• പ്രമേഹമുള്ളവർക്ക് ശർക്കര കഴിക്കാമോ?