Weight Loss Story: രണ്ടര വർഷം കൊണ്ട് 75 കിലോ കുറച്ചു, അമ്പരപ്പിച്ച് യുവാവിന്റെ മാറ്റം

Weight Loss Story: ശരീര ഭാരം കുറച്ച് സോഷ്യൽ മീഡിയയിൽ വൈറലായിരിക്കുകയാണ് രാജസ്ഥാനിൽനിന്നുള്ള ഒരു യുവാവ്. 150 കിലോ ശരീര ഭാരം 75 കിലോ ആക്കി കുറച്ചാണ് യുവാവ് അമ്പരപ്പിച്ചത്. 2021 ൽ ശരീര ഭാരം 150 കിലോയിൽ എത്തിയപ്പോഴാണ് നമാൻ ചൗധരി എന്ന ചെറുപ്പക്കാരൻ ശരീര ഭാരം കുറയ്ക്കാനുള്ള തീരുമാനമെടുത്തത്. അമിതവണ്ണം ആരോഗ്യപ്രശ്നങ്ങളും ആത്മവിശ്വാസക്കുറവും ഉണ്ടാക്കിയതാണ് യുവാവിനെ ഇത്തരമൊരു തീരുമാനത്തിലെത്തിച്ചത്.

ഇൻസ്റ്റഗ്രാം പേജിൽ തന്റെ ശരീര ഭാരം കുറയ്ക്കാനുള്ള യാത്രയെക്കുറിച്ച് യുവാവ് വിശദീകരിച്ചിട്ടുണ്ട്. പതിവായി വ്യായാമം ചെയ്യാൻ തുടങ്ങിയെന്നും പ്രോട്ടീൻ സമ്പുഷ്ടമായ വീട്ടിൽ പാകം ചെയ്ത ഭക്ഷണം കഴിക്കുന്ന രീതിയിലേക്ക് മാറിയെന്നും യുവാവ് പറയുന്നു. ഇതിലൂടെ രണ്ടര വർഷത്തിനുള്ളിൽ 75 കിലോ കുറയുകയും ആത്മവിശ്വാസം നേടുകയും ചെയ്തതായി യുവാവ് വ്യക്തമാക്കി.

View this post on Instagram

A post shared by Naman Chaudhary (@sweat_with_nc)

ആരോഗ്യകരമായ രീതിയിലുള്ള ഭക്ഷണക്രമം പിന്തുടർന്നതാണ് ശരീര ഭാരം കുറയ്ക്കാൻ തന്നെ സഹായിച്ചതെന്ന് യുവാവ് പറഞ്ഞു. പ്രഭാതഭക്ഷണത്തിന് മുട്ടയും പനീറും ഉൾപ്പെടുത്തി. ഉച്ചഭക്ഷണത്തിന് സോയയും ബ്രോക്കോളിയും ചപ്പാത്തിയും കഴിച്ചു. അത്താഴത്തിന് ചപ്പാത്തിയും ദാലും സലാഡും പനീറും കഴിച്ചു. പ്രതിദിന കലോറി 1300-1400 ൽ കൂടാതെയും പ്രോട്ടീൻ ഉപഭോഗം 120 ഗ്രാമിൽ കൂടാതെയും ശ്രദ്ധിച്ചതായി യുവാവ് അഭിപ്രായപ്പെട്ടു. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പുലർച്ചെയുള്ള നടത്തം, ഇന്റർമിറ്റന്റ് ഫാസ്റ്റിങ്; 54-ാം വയസിലെ മാധവന്റെ ഫിറ്റ്നസ് രഹസ്യം
• പ്രായം 40 ൽ ആണോ? ശരീര ഭാരം നിയന്ത്രിക്കാൻ ഈ 5 ഭക്ഷണങ്ങൾ ഒഴിവാക്കൂ
• ദിവസവും ബാർലി വെള്ളം കുടിക്കുന്നതിൻ്റെ ഗുണങ്ങൾ അറിയാമോ?
• കരിക്കിൻ വെള്ളമോ, നാരങ്ങ വെള്ളമോ; വേനൽക്കാലത്ത് കുടിക്കാൻ നല്ലത് ഏത്?