പ്രായം 40 ൽ ആണോ? ശരീര ഭാരം നിയന്ത്രിക്കാൻ ഈ 5 ഭക്ഷണങ്ങൾ ഒഴിവാക്കൂ

ആരോഗ്യകരമായ ജീവിതത്തിന് ശരീര ഭാരത്തിലും ശ്രദ്ധ വേണം. അമിതവണ്ണം പലവിധ ആരോഗ്യ പ്രശ്നങ്ങൾക്ക് ഇടയാക്കും. ഏതു പ്രായത്തിലും ശരീര ഭാരം ആരോഗ്യകരമായ രീതിയിൽ നിലനിർത്താൻ ശ്രമിക്കണം. അതിനായി ആദ്യം ചെയ്യേണ്ടത് ഭക്ഷണക്രമത്തിൽ ശ്രദ്ധിക്കുകയെന്നതാണ്. പ്രായം കൂടും തോറും ശരീര ഭാരം നിയന്ത്രിക്കാൻ ഭക്ഷണകാര്യത്തിൽ നിയന്ത്രണം വേണം. 40 കളിൽ എത്തുമ്പോൾ ആരോഗ്യകരമായി തുടരാനും ശരീര ഭാരം നിലനിർത്താനും ചില ഭക്ഷണങ്ങൾ ഒഴിവാക്കണമെന്ന് ന്യൂട്രീഷ്യനിസ്റ്റ് സിമ്രൺ ചോപ്ര ഇൻസ്റ്റഗ്രാം പോസ്റ്റിൽ വിശദീകരിച്ചു. 

ഗ്രനോള

അവയിൽ കലോറി വളരെ കൂടുതലാണ്. ശർക്കര, തേൻ, ഈന്തപ്പഴം അല്ലെങ്കിൽ കൃത്രിമ മധുരപലഹാരങ്ങൾ ഉൾപ്പെടെം അവയിൽ മറഞ്ഞിരിക്കുന്ന ഷുഗറുണ്ട്. 2 ടേബിൾസ്പൂൺ ഗ്രനോള 130 മുതൽ 150 വരെ കലോറി വരും.

വറുത്ത ഭക്ഷണം

അവ കലോറി കൂട്ടുന്നു. ഇവ തയ്യാറാക്കാൻ ഉപയോഗിക്കുന്ന എണ്ണ വീക്കം വർധിപ്പിക്കുകയും വിഷാംശം ഉണ്ടാക്കുകയും ചെയ്യും. പിസിഒഎസ് ഉള്ളവരിൽ നെഗറ്റീവ് ഫലം ഉളവാക്കും. 

സോഡകൾ അല്ലെങ്കിൽ ജ്യൂസുകൾ

ഈ പാനീയങ്ങളിൽ ധാരാളം പഞ്ചസാരയും രാസവസ്തുക്കളും അടങ്ങിയിട്ടുണ്ട്. സോഡകൾക്ക് പകരം, പ്ലെയിൻ സോഡ, ഉപ്പും സോഡയും ചേർത്ത ഫ്രഷ് ലൈം എന്നിവ കുടിക്കുക.

കോക്ക്ടെയിലുകൾ അല്ലെങ്കിൽ മദ്യം

മദ്യം ശൂന്യമായ കലോറികൾ കൊണ്ട് നിറഞ്ഞിരിക്കുന്നു. ഇത് ആരോഗ്യത്തിന് ഗുണം ചെയ്യുന്നില്ല, വീക്കം ഉണ്ടാക്കും.

View this post on Instagram

A post shared by Simrun Chopra (@simrun.chopra)

മസാലകൾ അല്ലെങ്കിൽ സോസുകൾ

സോസുകളിൽ ഭൂരിഭാഗവും എണ്ണയും ധാരാളം ഉപ്പും പഞ്ചസാരയും ചേർന്നതാണ്. അവ ശരീരഭാരം വർധിപ്പിക്കാൻ കാരണമാകുന്ന ശൂന്യമായ കലോറികളാണ്. ഒരു പിടി കശുവണ്ടി അല്ലെങ്കിൽ യോഗർട്ട് കഴിക്കുന്നതാണ് നല്ലത്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ദിവസവും ബാർലി വെള്ളം കുടിക്കുന്നതിൻ്റെ ഗുണങ്ങൾ അറിയാമോ?
• കരിക്കിൻ വെള്ളമോ, നാരങ്ങ വെള്ളമോ; വേനൽക്കാലത്ത് കുടിക്കാൻ നല്ലത് ഏത്?
• 5 കാര്യങ്ങൾ ശീലമാക്കി; ശരീര ഭാരം 50 കിലോ കുറച്ച് അമ്പരപ്പിച്ച് യുവതി
• വണ്ണം കുറയ്ക്കുക ബുദ്ധിമുട്ടുള്ള കാര്യമല്ല, ഈ ചെറിയ കാര്യങ്ങൾ ചെയ്തു നോക്കൂ