പൈനാപ്പിൾ, ഏത്തപ്പഴം, മാതളനാരങ്ങ; ഈ പഴങ്ങൾ ഏതു സമയത്ത് കഴിക്കണം?

പഴങ്ങൾ പോഷകങ്ങളുടെ കലവറകളാണെന്നും അവയ്ക്ക് ആരോഗ്യ ഗുണങ്ങളുണ്ടെന്നും എല്ലാവർക്കും അറിയാവുന്ന കാര്യമാണ്. ഊർജം നൽകുന്നതു മുതൽ ദഹനത്തെയും പ്രതിരോധശേഷിയെയും വർധിപ്പിക്കുന്നതു വരെയുള്ള പ്രവർത്തനങ്ങൾക്ക് പഴങ്ങൾ സഹായിക്കുന്നുണ്ട്. എന്നാൽ, പഴങ്ങൾ ശരിയായ സമയത്ത് കഴിക്കുന്നതിലൂടെ അവയുടെ ഗുണങ്ങൾ വർധിപ്പിക്കാനാവും. 

ശരീരഭാരം കുറയ്ക്കുന്നതിനെക്കുറിച്ചുള്ള ടിപ്സുകൾ പതിവായി പങ്കിടുന്ന ഫിറ്റ്നസ് പരിശീലകൻ മൈക്കൽ ഡീൻ പഴങ്ങളുടെ ഗുണങ്ങൾ പരമാവധി നേടാൻ അവ എപ്പോൾ കഴിക്കണം എന്നതിനെക്കുറിച്ച് ഒരു ഇൻസ്റ്റഗ്രാം പോസ്റ്റിൽ വിശദീകരിച്ചിട്ടുണ്ട്. 

Also Read: 10 കിലോ കുറയ്ക്കാൻ ജിമ്മിൽ പോയി കഷ്ടപ്പെടേണ്ട; ഈ 10 കാര്യങ്ങൾ ചെയ്യൂവെന്ന് യുവതി

1. പൈനാപ്പിൾ

വ്യായാമത്തിന് ശേഷം പൈനാപ്പിൾ കഴിക്കുക, കാരണം അതിൽ ബ്രോമെലൈൻ എന്ന ദഹന എൻസൈമുകൾ അടങ്ങിയിട്ടുണ്ട്. ഇത് പ്രോട്ടീൻ വിഘടിക്കാൻ സഹായിക്കുന്നു. പേശി വീണ്ടെടുക്കലിന് പ്രോട്ടീൻ ആവശ്യമുള്ളതിനാൽ, ബ്രോമെലൈൻ ഒരു സ്വാഭാവിക ദഹന ബൂസ്റ്ററായി പ്രവർത്തിക്കുന്നു, പ്രോട്ടീൻ എളുപ്പത്തിൽ ആഗിരണം ചെയ്യാൻ സഹായിക്കുന്നു.

2. മാതളനാരങ്ങ

വ്യായാമത്തിന് മുമ്പ് മാതളനാരങ്ങ കഴിക്കുന്നതാണ് നല്ലത്. "വ്യായാമത്തിന് മുമ്പ് മാതളനാരങ്ങ കഴിക്കുക, കാരണം പോളിഫെനോളുകളും നൈട്രേറ്റുകളും രക്തയോട്ടം വർധിപ്പിക്കാൻ സഹായിക്കും," അദ്ദേഹം പറഞ്ഞു.

Also Read: നെയ്യോ എണ്ണയോ: ദിവസേനയുള്ള പാചകത്തിന് എന്താണ് നല്ലത്?

3. ഏത്തപ്പഴം

ക്ഷീണം തോന്നുമ്പോൾ പഴുത്ത ഒരു ഏത്തപ്പഴം കഴിക്കുക. കാരണം അതിൽ പഞ്ചസാരയുടെ അളവ് ഏറ്റവും കൂടുതലായിരിക്കും. കുടലിന്റെ ആരോഗ്യം മെച്ചപ്പെടുത്താൻ പഴുക്കാത്തതോ പച്ചയോ ആയ ഒരു വാഴപ്പഴം കഴിക്കുക, കാരണം അതിൽ കൂടുതൽ പ്രതിരോധശേഷിയുള്ള അന്നജം അടങ്ങിയിരിക്കുന്നു.

4. നാരങ്ങ

രാവിലെ നാരങ്ങാവെള്ളം കുടിക്കുക. അവയിലെ വിറ്റാമിൻ സി രോഗപ്രതിരോധ ശേഷിയെ ഉത്തേജിപ്പിക്കുകയും ഉപാപചയപ്രവർത്തനം ആരംഭിക്കാനും ഇലക്ട്രോലൈറ്റുകളെ സന്തുലിതമാക്കാനും സഹായിക്കും. 

Also Read: ഉറക്കം, വ്യായാമം, അത്താഴം; ഈ 3 കാര്യങ്ങൾ ഇതുപോലെ ചെയ്യൂ, ശരീരഭാരം പെട്ടെന്ന് കുറയും

View this post on Instagram

A post shared by Michael Ꭰean | Online Fitness Coach (@michaeldean2.0)

5. ബ്ലൂബെറി

ബ്ലൂബെറി സമയബന്ധിതമായി കഴിക്കേണ്ടതില്ലെന്നും ദിവസത്തിലെ ഏത് സമയത്തും കഴിക്കാമെന്നും മൈക്കൽ നിർദ്ദേശിച്ചു, കാരണം അവയിൽ ആന്റിഓക്‌സിഡന്റുകൾ നിറഞ്ഞിരിക്കുന്നതിനാൽ വീക്കം കുറയ്ക്കും. ഓട്‌സ് മീൽസ്, സ്മൂത്തികൾ എന്നിവയിൽ ചേർക്കാം. വൈകുന്നേരത്തെ ലഘുഭക്ഷണമായി കഴിക്കാം. ആരോഗ്യകരവുമായൊരു ലഘുഭക്ഷണ ഓപ്ഷനാണിത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 7 ദിവസം കൊണ്ട് 5 കിലോ കുറയ്ക്കാം, രാവിലെ നാരങ്ങ വെള്ളം കുടിക്കൂ