പ്രായം 40 ലാണോ? ശരീരഭാരം കുറയ്ക്കാൻ ബുദ്ധിമുട്ടുന്നുണ്ടോ? 9 ടിപ്‌സുകൾ

പ്രായം കൂടുംതോറും ശരീര ഭാരം കുറയ്ക്കുകയെന്നത് എപ്പോഴും ബുദ്ധിമുട്ടാണ്. ഉപാപചയപ്രവർത്തനം മന്ദഗതിയിലാകുകയും ഹോർമോൺ മാറ്റങ്ങൾ പിടിമുറുക്കുകയും ചെയ്യുമ്പോൾ അധിക ഭാരം കുറയ്ക്കുക എന്നത് അസാധ്യമായ ഒരു കാര്യമായി തോന്നിയേക്കാം. ശരിയായ മാർഗങ്ങളിലൂടെ 40 വയസിനു മുകളിലുള്ള സ്ത്രീകൾക്ക് ശരീരഭാരം കുറയ്ക്കാനുള്ള ലക്ഷ്യങ്ങൾ നേടാനും ആരോഗ്യകരമായ ജീവിതശൈലി നിലനിർത്താനും കഴിയും. 

1. പോഷകസമൃദ്ധമായ ഭക്ഷണത്തിൽ ശ്രദ്ധിക്കുക

നാരുകൾ, ലീൻ പ്രോട്ടീൻ, ആരോഗ്യകരമായ കൊഴുപ്പ് എന്നിവനിറഞ്ഞ ഭക്ഷണം കഴിക്കുക. പച്ചക്കറികൾ, പഴങ്ങൾ, ധാന്യങ്ങൾ, നട്സ്, സീഡ്സ് എന്നിവ ഭക്ഷണത്തിൽ ഉൾപ്പെടുത്തുക. ശരീരഭാരം വർധിപ്പിക്കാൻ കാരണമാകുന്ന റിഫൈൻഡ് പഞ്ചസാരയും പ്രോസസ്ഡ് ഭക്ഷണങ്ങളും ഒഴിവാക്കുക.

2. പ്രോട്ടീൻ കഴിക്കുന്നതിന് മുൻഗണന നൽകുക

പ്രോട്ടീൻ പേശികളുടെ വളർച്ചയെ സഹായിക്കുകയും കൂടുതൽ നേരം വയറു നിറഞ്ഞ സംതൃപ്തി നിലനിർത്താനും സഹായിക്കുന്നു. മത്സ്യം, ചിക്കൻ, മുട്ട, പയർവർഗ്ഗങ്ങൾ, ടോഫു തുടങ്ങിയ ലീ പ്രോട്ടീനുകൾ ഭക്ഷണത്തിൽ ഉൾപ്പെടുത്തുക.

3. ജലാംശം നിലനിർത്തുക

ആവശ്യത്തിന് വെള്ളം കുടിക്കുന്നത് ഉപാപചയപ്രവർത്തനം വർധിപ്പിക്കുകയും ദഹനത്തെ സഹായിക്കുകയും ചെയ്യുന്നു. ദിവസവും കുറഞ്ഞത് 8-10 ഗ്ലാസ് വെള്ളമെങ്കിലും കുടിക്കുക.

4. സ്ട്രെങ്ത് ട്രെയിനിങ്

40 വയസിനു ശേഷം പേശികൾക്ക് ബലം കുറയുകയും ഉപാപചയ പ്രവർത്തനങ്ങൾ മന്ദഗതിയിലാകുകയും ചെയ്യുന്നു. സ്ട്രെങ്ത് ട്രെയിനിങ് പേശികളെ വളർത്താനും കൊഴുപ്പ് കത്തുന്നത് വർധിപ്പിക്കാനും സഹായിക്കുന്നു.

5. സമ്മർദം നിയന്ത്രിക്കുക

സമ്മർദം കോർട്ടിസോളിന്റെ അളവ് വർധിപ്പിക്കും. ഇത് ശരീരഭാരം വർധിക്കുന്നതിന് കാരണമാകും. സമ്മർദം കുറയ്ക്കുന്നതിനും മൊത്തത്തിലുള്ള ആരോഗ്യം മെച്ചപ്പെടുത്തുന്നതിനും യോഗ, ധ്യാനം തുടങ്ങിയവ പരിശീലിക്കുക.

6. നല്ല ഉറക്കം

നല്ല ഉറക്കം ലഭിക്കാത്തത് വിശപ്പ് ഹോർമോണുകളെ തടസപ്പെടുത്തുകയും അനാരോഗ്യകരമായ ഭക്ഷണങ്ങളോടുള്ള ആസക്തി വർധിപ്പിക്കുകയും ചെയ്യുന്നു. രാത്രിയിൽ 7-9 മണിക്കൂർ ഗുണനിലവാരമുള്ള ഉറക്കം ഉറപ്പാക്കുക.

7. ഭക്ഷണത്തിന്റെ അളവ് നിയന്ത്രിക്കുക

പ്രായം കൂടുന്തോറും ഉപാപചയപ്രവർത്തനം മന്ദഗതിയിലാകുന്നു, അതിനാൽ ഭാഗനിയന്ത്രണം ഉറപ്പാക്കണം. ഭക്ഷണം കഴിക്കാൻ ചെറിയ പാത്രങ്ങൾ ഉപയോഗിക്കുക, ശ്രദ്ധയോടെ ഭക്ഷണം കഴിക്കുക.

8. ദിവസം മുഴുവൻ സജീവമായിരിക്കുക

നടത്തം, നീന്തൽ അല്ലെങ്കിൽ സൈക്ലിംഗ് പോലുള്ള പതിവ് ശാരീരിക പ്രവർത്തനങ്ങൾ ആരോഗ്യകരമായ ഭാരം നിലനിർത്താൻ സഹായിക്കുന്നു. ആഴ്ചയിൽ കുറഞ്ഞത് 150 മിനിറ്റ് മിതമായ വ്യായാമം ചെയ്യുക.

9. ഹോർമോൺ ആരോഗ്യം നിരീക്ഷിക്കുക

ഹോർമോൺ അസന്തുലിതാവസ്ഥ ശരീരഭാരം കുറയ്ക്കലിനെ ബാധിച്ചേക്കാം. ക്ഷീണം, മാനസികാവസ്ഥയിലെ മാറ്റങ്ങൾ തുടങ്ങിയ ലക്ഷണങ്ങൾ അനുഭവപ്പെടുകയാണെങ്കിൽ ഒരു ആരോഗ്യ വിദഗ്‌ധനെ സമീപിക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• എത്ര ശ്രമിച്ചിട്ടും വണ്ണം കുറയാത്തതിന്റെ 4 കാരണങ്ങൾ
• ശരീരഭാരം കുറയ്ക്കും, ചർമ്മം തിളങ്ങും; ജീരകം കുതിർത്ത വെള്ളം കുടിക്കാം
• നെല്ലിക്ക ജ്യൂസിൽ ഒരു നുള്ള് കുരുമുളക് പൊടി ചേർത്തോളൂ, ഗുണങ്ങളേറെ
• കൊളസ്ട്രോൾ പേടി വേണ്ട; ഒരു ദിവസം ഇത്ര മുട്ടകൾ കഴിച്ചോളൂ