മലബന്ധം അകറ്റണോ? ഇടതുവശം ചരിഞ്ഞ് കിടന്നുറങ്ങിക്കോളൂ

കിടക്കുമ്പോൾ ഏതു വശം ചരിഞ്ഞ് കിടക്കണമെന്ന് നിങ്ങൾ ചിന്തിച്ചിട്ടുണ്ടോ?. ഇടത് വശം ചരിഞ്ഞ് കിടക്കുന്നത് ദഹനപ്രക്രിയയെ സഹായിക്കും. ആഹാരത്തെ മികച്ച രീതിയിൽ പ്രോസസ് ചെയ്യും എന്നതാണ് ഇതിന് കാരണം. ഉറങ്ങുമ്പോൾ ചില ചെറിയ മാറ്റങ്ങൾ വരുത്തുന്നത് ദഹനപ്രക്രിയയേയും മലബന്ധം അകറ്റാനും സഹായിക്കുമെന്ന് നൂട്രീഷ്യനിസ്റ്റ് ദീപ്ശിഖ ജെയിൻ ഇൻസ്റ്റഗ്രാം വീഡിയോയിൽ പറഞ്ഞിട്ടുണ്ട്. 

ഇടത് വശം ചരിഞ്ഞ് കിടക്കുക. മലബന്ധം തടയാനുള്ള മികച്ച മാർഗമാണ്. ചെറുകുടലിൽ നിന്ന് വൻകുടലിലേക്കുള്ള മലവിസർജ്ജനം വേഗത്തിലാക്കുന്നുവെന്ന് അവർ പറഞ്ഞു.

View this post on Instagram

A post shared by Deepsikha Jain (@fries.to.fit)

ആമാശയത്തിന്റെയും കുടലിന്റെയും ശരീരഘടന കാരണം ഇടതുവശം ചരിഞ്ഞ് കിടന്നുറങ്ങുന്നത് ദഹനത്തെ സഹായിക്കുമെന്ന് ഡയറ്റീഷ്യൻ കനിക മൽഹോത്ര അഭിപ്രായപ്പെട്ടു. ആമാശയം നിങ്ങളുടെ ഇടതുവശത്താണ്. ഭക്ഷണത്തെ ചെറുകുടലിലേയ്ക്ക് കൂടുതൽ കാര്യക്ഷമമായി എത്തിക്കാൻ ഈ പൊസിഷനിൽ കിടന്നുറങ്ങിയാൽ കഴിയും. കൂടാതെ, ചെറുകുടലിൽ നിന്ന് വൻകുടലിലേക്കുള്ള ദഹിപ്പിച്ച ഭക്ഷണങ്ങളുടെ ഒഴുക്ക് നിയന്ത്രിക്കുന്ന സ്ഫിൻക്റ്റർ വാൽവ് വലതുവശത്താണ്. ഇടതുവശം കിടന്നുറങ്ങുന്നത് ഈ വാൽവിലൂടെ മാലിന്യങ്ങൾ കടന്നുപോകാൻ ഗുരുത്വാകർഷണത്തെ സഹായിക്കുന്നുവെന്ന് കനികമൽഹോത്ര പറഞ്ഞു.

ഇടത് വശം തിരിഞ്ഞ് കിടക്കുന്നത് കൊണ്ടുള്ള നേട്ടങ്ങളെ സംബന്ധിച്ച് പരിമിതമായ ഗവേഷണങ്ങളേ ഉള്ളൂവെന്ന് മൽഹോത്ര പറഞ്ഞു. നിങ്ങളുടെ സുഖത്തിനാണ് പ്രാധാന്യം. ഇടത് വശം ചരിഞ്ഞ് കിടക്കുന്നത് നിങ്ങൾക്ക് അസ്വസ്ഥത ഉണ്ടാക്കുന്നുവെങ്കിൽ അത് തുടരാൻ ബുദ്ധിമുട്ടാവും. നന്നായി ഉറങ്ങാൻ നിങ്ങളെ സഹായിക്കുന്ന പൊസിഷൻ തിരഞ്ഞെടുക്കുക. ഹൃദയസംബന്ധമായ രോഗങ്ങൾ അല്ലെങ്കിൽ ഹിയാറ്റൽ ഹെർണിയയോ ഉള്ള ആളുകൾ ചികിത്സിക്കുന്ന ഡോക്ടറുടെ നിർദേശ പ്രകാരം ഉറങ്ങേണ്ട പൊസിഷൻ തീരുമാനിക്കുക. 

Read More

• വീണ്ടും ചൂടാക്കാൻ പാടില്ലാത്ത അഞ്ച് ഭക്ഷണങ്ങൾ ഇവയാണ്
• എത്ര തവണ നിങ്ങൾ രക്തസമ്മർദ്ദം പരിശോധിക്കണം? അതുകൊണ്ടുളള ഗുണങ്ങൾ എന്തൊക്കെ?
• തൊലിയോടുകൂടിയോ തൊലി കളഞ്ഞോ അതോ വേവിച്ചോ; ആപ്പിൾ എങ്ങനെയാണ് കഴിക്കേണ്ടത്?
• സാലഡ് വെറും വയറ്റിൽ കഴിക്കാമോ? എല്ലാ ദിവസവും രാവിലെ ഒരു ബൗൾ കഴിച്ചാൽ എന്ത് സംഭവിക്കും?