30 കിലോ കുറയ്ക്കാൻ ബുദ്ധിമുട്ടില്ല, ഈ ഭക്ഷണങ്ങൾ കഴിച്ചാൽ മതിയെന്ന് ന്യൂട്രീഷ്യനിസ്റ്റ്

ശരീര ഭാരം എങ്ങനെ കുറയ്ക്കാമെന്നതിനെക്കുറിച്ചും അതിനുള്ള ചില ടിപ്‌സുകളും ന്യൂട്രീഷ്യനിസ്റ്റ് നികിത ബാർദിയ ഇടയ്ക്കിടെ തന്റെ ഇൻസ്റ്റഗ്രാം പേജിൽ ഷെയർ ചെയ്യാറുണ്ട്. ഭക്ഷണക്രമം മുതൽ വ്യായാമം വരെയുള്ള കാര്യങ്ങളെക്കുറിച്ചെല്ലാം അവർ വിശദീകരിക്കാറുണ്ട്. പ്രസവശേഷം താൻ 30 കിലോ കുറച്ചത് എങ്ങനെയെന്ന് നികിത അടുത്തിടെ പറഞ്ഞിരുന്നു. ശരിയായ ഭക്ഷണക്രമവും വ്യായാമ രീതിയും പിന്തുടർന്നതോടെ ശരീര ഭാരം കുറയ്ക്കാൻ കഴിഞ്ഞതായി അവർ അവകാശപ്പെട്ടു.

കലോറി കുറവുള്ള ഭക്ഷണങ്ങൾ കൂടുതലായി കഴിക്കുക. കലോറി കുറയ്ക്കണം എന്നതുകൊണ്ട് നിങ്ങൾ വിശന്നിരിക്കേണ്ട ആവശ്യമില്ലെന്നും നികിത പറയുന്നു. ഉയർന്ന അളവിൽ കുറഞ്ഞ കലോറിയുള്ള ഭക്ഷണം കഴിക്കുമ്പോൾ വയർ നിറയാനും വിശപ്പ് നിയന്ത്രിക്കാനും സഹായിക്കുമെന്നും അവർ പറഞ്ഞു. 

നാരുകൾ കൂടുതലുള്ള ഭക്ഷണം കഴിക്കുക. ഇത് നിങ്ങൾക്ക് സംതൃപ്തി നൽകാനും ലഘുഭക്ഷണത്തോടുള്ള ആസക്തികളെ നിയന്ത്രിക്കാനും സഹായിക്കുന്നു. പ്രോട്ടീൻ വളരെ പ്രധാനമാണ്. കലോറി കുറഞ്ഞ ഭക്ഷണങ്ങൾ തിരഞ്ഞെടുക്കുക. ഉയർന്ന അളവിലുള്ളതും കുറഞ്ഞ കലോറിയുള്ളതുമായ ഭക്ഷണങ്ങൾ ശരീര ഭാരം നിയന്ത്രിക്കാൻ സഹായിക്കുന്നു. സംതൃപ്തി നൽകുന്നതും കലോറി വളരെ കുറവുള്ളതുമായ ഭക്ഷണങ്ങളുടെ ഒരു ലിസ്റ്റും നികിത പങ്കുവച്ചിട്ടുണ്ട്.

View this post on Instagram

A post shared by Nikita Bardia : Healthquo (@healthquoofficial)

ഭക്ഷണത്തിൽ ഉൾപ്പെടുത്തേണ്ട കുറഞ്ഞ കലോറി ഭക്ഷണങ്ങൾ

വെള്ളരിക്ക, ചുരയ്ക്ക, ആപ്പിൾ, സ്പിനച് പോലുള്ള ഇലക്കറികൾ, തണ്ണിമത്തൻ, മധുരക്കിഴങ്ങ്, തേങ്ങാവെള്ളം, കൊഴുപ്പ് കുറഞ്ഞ ഗ്രീക്ക് യോഗർട്ട്, ബട്ടർമിൽക്ക്, പപ്പായ, നാരങ്ങാവെള്ളത്തിൽ ചിയ സീഡ്സ് ചേർത്തത്, മുളപ്പിച്ച പയർവർഗങ്ങൾ, ബ്ലാക്ക് ബീൻസ്, ബെൽ പെപ്പർ, ബെറികൾ, പിയർ, കൊഴുപ്പ് കുറഞ്ഞ കോട്ടേജ് ചീസ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• 13 മാസം കൊണ്ട് 50 കിലോ കുറച്ചു, 1 വർഷം കൊണ്ട് 10 കിലോ കൂടി; ചില സത്യങ്ങൾ വെളിപ്പെടുത്തി യുവതി
• പ്രമേഹം എളുപ്പത്തിൽ നിയന്ത്രിക്കാം, ഈ ചെറിയ 5 മാറ്റങ്ങൾ വരുത്തി നോക്കൂ
• ക്രമം തെറ്റിയ ആർത്തവം, ഈ കാരണങ്ങൾ അറിയാമോ?
• ശരീരത്തിലെ കൊഴുപ്പ് കുറയ്ക്കാൻ ഈ 4 വ്യായാമങ്ങൾ ശീലമാക്കൂ