6 ദിവസം കൊണ്ട് കുറച്ചത് 4 കിലോ; പുതിയ ഡയറ്റ് പരിചയപ്പെടുത്തി മോഡൽ

ശരീര ഭാരം കുറയ്ക്കാനായി പല കുറുക്കു വഴികളും തേടുന്നവരുണ്ട്. ചിലർ ഡയറ്റിന് വളരെയധികം പ്രാധാന്യം നൽകാറുണ്ട്. കെറ്റോ, ഇന്റർമിറ്റന്റ് ഫാസ്റ്റിങ് അല്ലെങ്കിൽ മറ്റെന്തെങ്കിലും തരത്തിലുള്ള ഡയറ്റിലൂടെ ശരീര ഭാരം കുറച്ച നിരവധി പേരുടെ കഥകളുണ്ട്. ഏതു ഡയറ്റ് പിന്തുടർന്നാലും ആരോഗ്യകരമായ രീതിയിൽ മാത്രമായിരിക്കണം. മറിച്ചായാൽ നിരവധി ആരോഗ്യപ്രശ്നങ്ങൾക്ക് ഇടയാക്കും.

സോഷ്യൽ മീഡിയയിൽ 'സ്വിച്ച് ഓൺ' ഡയറ്റ് എന്ന് വിളിക്കുന്ന ഒരു പുതിയ ഡയറ്റ് ലോകത്തിന് പരിചയപ്പെടുത്തിയിരിക്കുകയാണ് ദക്ഷിണ കൊറിയൻ മോഡൽ. സോളിൽ താമസിക്കുന്ന ഫ്രീലാൻസ് മോഡലായ ഷെറി, 6 ദിവസത്തിനുള്ളിൽ 4 കിലോ ഭാരം കുറയ്ക്കാൻ ഈ ഡയറ്റ് തന്നെ സഹായിച്ചതായി അവകാശപ്പെട്ടു.

"ആറ് ദിവസത്തിനുള്ളിൽ എനിക്ക് നാല് കിലോ കുറഞ്ഞു. ആദ്യം, 'സ്വിച്ച് ഓൺ (ഡയറ്റ്)' എന്തെന്ന് വിശദീകരിക്കാം. ഈ ഡയറ്റ് ദീർഘകാലം ശരീര ഭാരം നിലനിർത്താൻ എന്നെ സഹായിച്ചു. ഒരു കൊറിയൻ ഡോക്ടർ വികസിപ്പിച്ചെടുത്ത 4 ആഴ്ചത്തെ ഒരു പ്രോഗ്രാമാണിത്. പേശികളുടെ ആരോഗ്യവും ഇൻസുലിൻ പ്രതിരോധവും മെച്ചപ്പെടുത്തി കൊഴുപ്പ് കത്തിക്കുന്നത് വർധിപ്പിക്കാൻ സഹായിക്കുന്നു," വീഡിയോയിൽ മോഡൽ പറഞ്ഞു.

മസിൽ മാസ് നഷ്ടപ്പെടുത്താതെ ശരീരഭാരം കുറയ്ക്കാൻ ശരിയായ പോഷകാഹാരം ആവശ്യമാണ്. സ്ഥിരമായി പ്രോട്ടീൻ നിറഞ്ഞ ഭക്ഷണക്രമംഞാൻ കഴിച്ചു. കഫീൻ, മദ്യം, സംസ്കരിച്ച മാംസം, പഞ്ചസാര എന്നിവ ഒഴിവാക്കി. ചില ദിവസങ്ങളിൽ ഉപവാസം എടുത്തു. ആദ്യ ആഴ്ചയിൽ, പ്രോട്ടീൻ ഷേക്കുകൾ, പച്ചക്കറികൾ, ഉയർന്ന പ്രോട്ടീൻ അടങ്ങിയ ഭക്ഷണങ്ങൾ എന്നിവ കഴിച്ചു. രണ്ടാമത്തെ ആഴ്ച ഉയർന്ന പ്രോട്ടീൻ ഭക്ഷണങ്ങളും ഉപവാസങ്ങളും ശീലിച്ചു. മൂന്നാമത്തെ ആഴ്ച കൂടുതൽ ഉപവാസവും കൂടുതൽ പ്രോട്ടീൻ ഭക്ഷണങ്ങളും ഉപയോഗിച്ച് കൊഴുപ്പ് കത്തുന്നത് വർധിപ്പിച്ചുവെന്നും അവർ പറഞ്ഞു.

കൊറിയയിൽ സ്വിച്ച് ഓൺ ഡയറ്റിന് വലിയ സ്വീകാര്യതയാണുള്ളത്. ശരിയായ തരത്തിലുള്ള ഭക്ഷണക്രമവും വ്യായാമത്തിന്റെയും ഉപവാസത്തിന്റെയും സംയോജനവുമാണ് ഈ ഡയറ്റിലുള്ളത്. മാത്രമല്ല, ശരീരത്തിന്റെ ഇൻസുലിൻ റെസിസ്റ്റൻസ് മെച്ചപ്പെടുത്താനും ഇത് സഹായിക്കുന്നു. കഫീൻ, കാർബോഹൈഡ്രേറ്റ്, പാലുൽപ്പന്നങ്ങൾ, മദ്യം, പഞ്ചസാര, പൂരിത കൊഴുപ്പ്, സംസ്കരിച്ച മാംസം എന്നിവ ഈ ഡയറ്റിൽ കഴിക്കാൻ പാടില്ല. മൾട്ടി-ഗ്രെയിൻ റൈസ്, വേവിച്ച കൊഴുപ്പില്ലാത്ത മാംസം, മത്സ്യം, തൊലി നീക്കം ചെയ്ത ചിക്കൻ, നട്‌സ്, പാൽ, ബീൻസ്, ചീസ്, മുട്ട, പഴങ്ങൾ എന്നിവയാണ് ഒരാൾക്ക് കഴിക്കാൻ അനുവദനീയമായ ഭക്ഷണങ്ങൾ.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ദിവസവും രാവിലെ ഇതിൽ ഒരു ജ്യൂസ് കുടിച്ചു നോക്കൂ, കൊളസ്ട്രോൾ കുറയ്ക്കാൻ സഹായിക്കും
• ചായയോ കാപ്പിയോ കുടിച്ചാൽ തലവേദന മാറുമോ?
• മരുന്ന് മാത്രമല്ല കൊളസ്ട്രോൾ കൈപ്പിടിയിലാക്കാനുള്ള മറ്റ് വഴികൾ അറിയാമോ?
• ബ്ലഡ് ഷുഗർ നിയന്ത്രണത്തിലാക്കാൻ ഏത് ഇനം ഈന്തപ്പഴം തിരഞ്ഞെടുക്കണം?