വ്യായാമത്തിന് മുൻപ് കഴിക്കേണ്ടതും ഒഴിവാക്കേണ്ടതുമായ 5 ലഘുഭക്ഷണങ്ങൾ

വ്യായാമത്തിനു മുൻപ് നിങ്ങൾ കഴിക്കുന്ന ഭക്ഷണം പലവിധത്തിൽ ശരീരത്തെ ബാധിക്കും. ഒഴിഞ്ഞ വയറുമായി വ്യായാമം ചെയ്യാൻ പാടില്ല. അതിനാൽതന്നെ വ്യായാമത്തിനു മുൻപായി ആരോഗ്യകരമായ ലഘുഭക്ഷണം കഴിക്കണം. പോഷകാഹാരം ശരീരത്തിന് ഇന്ധനം നൽകുകയും നിങ്ങളുടെ പ്രകടനം വർധിപ്പിക്കാൻ സഹായിക്കുകയും ചെയ്യുന്നു. ഇത് പേശികളുടെ തകരാറിന്റെ സാധ്യതയും കുറയ്ക്കുന്നു.

വ്യായാമത്തിന് മുൻപ് കഴിക്കാൻ അനുയോജ്യവും ഒഴിവാക്കേണ്ടതുമായ ലഘുഭക്ഷണങ്ങളെക്കുറിച്ച് ന്യൂട്രീഷ്യനിസ്റ്റ് നമി അഗർവാൾ ഇൻസ്റ്റഗ്രാം പോസ്റ്റിൽ വിശദീകരിച്ചിട്ടുണ്ട്. ''വർക്കൗട്ടിന് മുമ്പ് കഴിക്കേണ്ട മികച്ച ഭക്ഷണങ്ങൾ, വ്യായാമത്തിന് മുമ്പ് കഴിക്കാൻ പാടില്ലാത്ത ഭക്ഷണങ്ങൾ ഏതൊക്കെയാണ്," എന്നാണ് വീഡിയോയ്ക്ക് താഴെയായി അവർ കുറിച്ചത്. 

വ്യായാമത്തിന് മുൻപ് കഴിക്കേണ്ടവ

• ആപ്പിളിനൊപ്പം പിനട്ട് ബട്ടർ
• ഗ്രീക്ക് യോഗർട്ടിനൊപ്പം വിത്തുകളും കുറച്ച് മാതളനാരങ്ങയും
• തേങ്ങാ വെള്ളത്തിൽ സബ്ജ വിത്തുകൾ ചേർത്തത്
• പുഴുങ്ങിയ മുട്ടകൾ
• ബ്ലാക്ക് കോഫി

ഇവയെല്ലാം ദഹിക്കാൻ എളുപ്പമാണ്, ഉയർന്ന പ്രോട്ടീൻ, ജലാംശം, സുസ്ഥിരമായ ഊർജം എന്നിവ നൽകുന്നുവെന്ന് അവർ പറഞ്ഞു.

ഒഴിവാക്കേണ്ടവ

• പഞ്ചസാര / പഞ്ചസാര അടങ്ങിയ ഭക്ഷണങ്ങൾ
• എണ്ണമയമുള്ളതോ കൊഴുപ്പുള്ളതോ ആയ ഭക്ഷണം
• പ്രോട്ടീൻ ഷേക്കുകൾ (എപ്പോഴും വ്യായാമത്തിന് ശേഷം ഇത് കഴിക്കണം)
• പാലുൽപ്പന്ന പാനീയങ്ങൾ
• വളരെ ഉയർന്ന കാർബോഹൈഡ്രേറ്റ് അടങ്ങിയ ഭക്ഷണങ്ങൾ

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കറുത്ത ഉണക്ക മുന്തിരി ഇങ്ങനെ കഴിക്കൂ, മലബന്ധം അകറ്റാം
• ഭക്ഷണത്തിനിടയിൽ ലഘുഭക്ഷണം കഴിക്കാറുണ്ടോ? നിർത്തേണ്ടത് എന്തുകൊണ്ട്?
• മത്സ്യം കഴിക്കുന്നത് പേശി വളർച്ചയെ സഹായിക്കുന്നതെങ്ങനെ?
• പച്ചക്കായ ആർക്കൊക്കെ ഗുണകരം