വൃക്ക രോഗികൾക്ക് സ്ട്രോബെറി കഴിക്കാമോ?

ആരോഗ്യ ഗുണങ്ങൾക്ക് പേരുകേട്ടതാണ് സ്ട്രോബെറി. വൃക്കകളുടെ ആരോഗ്യത്തിൽ ഭക്ഷണക്രമം പ്രധാന പങ്ക് വഹിക്കുന്നുണ്ട്. വിറ്റാമിനുകൾ, ധാതുക്കൾ, പ്രോട്ടീനുകൾ, കൊഴുപ്പ് എന്നിവ ആവശ്യത്തിന് ലഭിച്ചില്ലെങ്കിൽ വൃക്കകളുടെ പ്രവർത്തനം താറുമാറാകും. എല്ലാ അവശ്യ പോഷകങ്ങളും അടങ്ങിയ ആരോഗ്യകരമായ ഭക്ഷണം കഴിക്കേണ്ടത് വൃക്കകളുടെ ആരോഗ്യത്തിന് അത്യാവശ്യമാണ്. വൃക്കകളുടെ ആരോഗ്യത്തിനും വൃക്ക രോഗങ്ങളെ അകറ്റി നിർത്തുന്നതിനും ഏറ്റവും മികച്ച ഭക്ഷണങ്ങളിൽ ഒന്നാണ് സ്ട്രോബെറി. വൃക്കകളുടെ ആരോഗ്യം നിലനിർത്താൻ സ്ട്രോബെറി സഹായിക്കുന്നത് എങ്ങനെയെന്ന് അറിയാം. 

1. പൊട്ടാസ്യം കുറവ്

ശരീരത്തിൽ നിർണായക പങ്ക് വഹിക്കുന്ന ഒരു ധാതുവാണ് പൊട്ടാസ്യം. വൃക്ക രോഗികൾ പൊട്ടാസ്യം അടങ്ങിയ ഭക്ഷണങ്ങൾ കഴിക്കുന്നത് കുറയ്ക്കാൻ ആവശ്യപ്പെടാറുണ്ട്. പൊട്ടാസ്യം കുറഞ്ഞ ഭക്ഷണങ്ങൾ വൃക്ക രോഗ സാധ്യത കുറയ്ക്കാൻ സഹായിക്കുമെന്ന് കണ്ടെത്തിയിട്ടുണ്ട്. സ്ട്രോബെറിയിൽ പൊട്ടാസ്യം കുറവായതിനാൽ, വൃക്ക രോഗമുള്ളവർക്ക് നല്ലതാണ്.

2. ആന്റിഓക്‌സിഡന്റുകൾ 

സ്ട്രോബെറിയിൽ വിറ്റാമിൻ സി, ആന്തോസയാനിനുകൾ, ഫ്ലേവനോയ്ഡുകൾ തുടങ്ങിയ ആന്റിഓക്‌സിഡന്റുകൾ ധാരാളമായി അടങ്ങിയിട്ടുണ്ട്. ഈ സംയുക്തങ്ങൾ ഓക്‌സിഡേറ്റീവ് സമ്മർദവും വീക്കവും കുറയ്ക്കാൻ സഹായിക്കുകയും വൃക്കരോഗത്തിനുള്ള സാധ്യത കുറയ്ക്കുകയും ചെയ്യും.

3. ധാരാളം നാരുകൾ 

നാരുകൾ ധാരാളമായി അടങ്ങിയ ഭക്ഷണങ്ങൾ കഴിക്കുന്നത് ദഹനത്തെ മെച്ചപ്പെടുത്തുകയും രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുകയും ചെയ്യുന്നു, ഇത് പ്രത്യേകിച്ച് പ്രമേഹമുള്ളവർക്ക് ഗുണം ചെയ്യും. നാരുകൾ ധാരാളമായി അടങ്ങിയ ഭക്ഷണക്രമം വൃക്കരോഗത്തിനുള്ള സാധ്യത കുറയ്ക്കും. 

4. ഹൃദയാരോഗ്യം

വൃക്കകളെ ആരോഗ്യകരമായി നിലനിർത്താൻ ആരോഗ്യകരമായ ഹൃദയം പ്രധാനമാണ്. സ്ട്രോബെറി രക്തസമ്മർദവും കൊളസ്ട്രോളും കുറയ്ക്കുമെന്ന് വിശ്വസിക്കപ്പെടുന്നു. ഇവ രണ്ടും ഹൃദയാരോഗ്യം മെച്ചപ്പെടുത്തും. ഹൃദയാരോഗ്യം മെച്ചപ്പെടുത്തുന്നത് വൃക്കകളുടെ ആരോഗ്യത്തിന് ഗുണം ചെയ്യും.

5. ഫോസ്ഫറസും സോഡിയവും കുറവ്

വൃക്ക രോഗികൾക്ക് ഫോസ്ഫറസും സോഡിയവും കുറഞ്ഞ അളവിലുള്ള ഭക്ഷണം കഴിക്കാൻ നിർദേശിക്കാറുണ്ട്. അവർ സ്ട്രോബെറി ഭക്ഷണക്രമത്തിൽ ഉൾപ്പെടുത്തുന്നത് നല്ലതാണ്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ദിവസവും 2 വെളുത്തുള്ളി കഷ്ണം കഴിക്കണം, എന്തുകൊണ്ട്?
• ചർമ്മം തിളങ്ങാൻ മാത്രമല്ല, ആർത്തവ വേദന കുറയ്ക്കാനും കഞ്ഞിവെള്ളം, ആരോഗ്യ ഗുണങ്ങളേറെ
• 10 കിലോ എളുപ്പത്തിൽ കുറയ്ക്കാം; ഈ 4 കാര്യങ്ങൾ ചെയ്യൂ
• ഹൃദയത്തെ സംരക്ഷിക്കും, വയറിലെ അസ്വസ്ഥതകൾ അകറ്റും; തേനിൽ വെളുത്തുള്ളി ചേർത്ത് കഴിക്കൂ