ഒരു ദിവസം മൂന്ന് തവണ വയറ്റിൽനിന്ന് പോകുന്നത് സാധാരണമാണോ?

ദിവസത്തിൽ ഒന്നോ രണ്ടോ തവണ വയറ്റിൽനിന്ന് പോകുന്നത് സ്വാഭാവികമാണ്. എന്നാൽ ചിലർക്ക് ദിവസത്തിൽ മൂന്നു തവണയൊക്കെ വയറ്റിൽനിന്ന് പോകാറുണ്ട്. മറ്റു ചിലർക്ക് രണ്ടോ മൂന്നോ ദിവസം കൂടുമ്പോഴാണ് വയറ്റിൽനിന്ന് പോവുക. "ചിലർക്ക് എല്ലാ ദിവസവും വയറ്റിൽനിന്ന് പോകുന്നത് സാധാരണമാണ്, ചിലർക്ക് രണ്ടു ദിവസം കൂടുമ്പോഴായിരിക്കും, മറ്റു ചിലർക്ക് ആഴ്ചയിൽ ഒരിക്കലായിരിക്കും. ആളുകളിൽ പലതരത്തിലായിരിക്കും ഇത് സംഭവിക്കുന്നത്. ഒരാൾക്ക് സാധാരണമായി കണക്കാക്കുന്നത് മറ്റൊരാൾക്ക് അങ്ങനെയല്ല," ഡോ.ജതിൻ യെഗുർള പറഞ്ഞു.

ദിവസത്തിൽ മൂന്നു തവണ പോകുന്നത് പ്രശ്നമാണോ?

ഒരു ദിവസം മൂന്ന് തവണ മല വിസർജ്ജനം നടത്തിയാൽ, അതൊരു സ്ഥിരമായ ദിനചര്യയാണെങ്കിൽ കുഴപ്പമില്ല. അസ്വസ്ഥത, വേദന, അല്ലെങ്കിൽ മലം പോകുന്നതിന് ബുദ്ധിമുട്ട് എന്നിവ അപ്രതീക്ഷിതമായി സംഭവിക്കുമ്പോൾ ഒരു ഡോക്ടറെ സമീപിക്കുന്നത് നല്ലതാണെന്ന് ഡോ.ജതിൻ അഭിപ്രായപ്പെട്ടു. ആരോഗ്യകരമായ മലവിസർജനത്തിന് 5 ജീവിതശൈലി മാറ്റങ്ങളും അദ്ദേഹം ശുപാർശ ചെയ്തിട്ടുണ്ട്. 

Also Read: പൈൽസ് പൂർണമായും ചികിത്സിച്ച് മാറ്റാൻ പറ്റുമോ? വീണ്ടും തിരിച്ചുവരുമോ?

ഡയറ്റ്: പഴങ്ങൾ, പച്ചക്കറികൾ, പയർവർഗങ്ങൾ, തവിടുകളയാത്ത ധാന്യങ്ങൾ എന്നിവ ഉൾപ്പെടെ ധാരാളം നാരുകൾ അടങ്ങിയ ഭക്ഷണങ്ങൾ കഴിക്കുക. മലം മൃദുവാകാനും മലവിസർജനം സുഗമമാകാനും പകൽ സമയത്ത് ധാരാളം വെള്ളം കുടിക്കുക. തൈര്, സോർക്രാട്ട്, കെഫീർ തുടങ്ങി പ്രോബയോട്ടിക്സുകൾ കഴിക്കുക.

ശാരീരിക പ്രവർത്തനങ്ങൾ: സ്ഥിരമായ ശാരീരിക പ്രവർത്തനങ്ങൾ ദഹനവ്യവസ്ഥയെ നന്നായി പ്രവർത്തിപ്പിക്കുകയും പതിവായി ബാത്ത്റൂമിൽ പോകാനുള്ള സാധ്യത വർധിപ്പിക്കുകയും ചെയ്യും.

പതിവായി ഒരേ സമയം: എല്ലാ ദിവസവും ഒരേ സമയത്ത് ബാത്ത്റൂമിൽ പോകാൻ ശ്രദ്ധിക്കുക. ശരീരത്തെ സ്ഥിരമായി ഒരു സയത്ത് മലമൂത്ര വിസർജ്ജനം ചെയ്യാൻ പരിശീലിപ്പിച്ചാൽ അത് സഹായകരമാകും.

Also Read: വാഴപ്പഴം കഴിച്ചാൽ കൊളസ്ട്രോൾ കുറയുമോ?

ചില ഭക്ഷണങ്ങൾ ഒഴിവാക്കുക: മലബന്ധം അല്ലെങ്കിൽ വയറിളക്കത്തിന് കാരണമാകുന്ന ചില ഭക്ഷണങ്ങൾ ഒഴിവാക്കുക.

സമ്മർദം നിയന്ത്രിക്കുക: സ്ട്രെസ് കൂടുന്നത് ദഹനവ്യവസ്ഥയെ സാരമായി ബാധിക്കും. ധ്യാനം, യോഗ തുടങ്ങിയവയിലൂടെ സ്ട്രെസ് നിയന്ത്രിക്കാൻ സാധിക്കും. ടോയ്‌ലെറ്റിൽ പോകാൻ തോന്നുമ്പോൾ ഉടൻ പോവുക, വൈകി പോകുന്നത് മലബന്ധത്തിന് കാരണമാകും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• 7 മണിക്ക്​ ശേഷം ഭക്ഷണം കഴിക്കരുത്, അത്താഴശേഷം ഉടൻ പല്ല് തേയ്ക്കുക; 31 കിലോ കുറയ്ക്കാൻ യുവതി ചെയ്ത 8 കാര്യങ്ങൾ
• പങ്കാളിയുടെ അടുത്ത് ചെല്ലുമ്പോൾ പെട്ടെന്ന് ഉറങ്ങി പോകാറുണ്ടോ? കാരണം കേട്ട് സന്തോഷിക്കൂ