ജീരകത്തെ മാറ്റി നിർത്തരുത്; കരൾ സംരക്ഷകരാണ്, ഉറക്കം നൽകുന്നു

നമ്മുടെയൊക്കെ വീടുകളിൽ മിക്ക വിഭവങ്ങളിലും ജീരകം ചേർക്കാറുണ്ട്. പാചക ഉപയോഗത്തിന് പുറമേ, ജീരകം വളരെക്കാലമായി പരമ്പരാഗത വൈദ്യശാസ്ത്രത്തിന്റെ ഭാഗമായ ഒരു സുഗന്ധവ്യഞ്ജനമാണ്. പ്രമേഹം, അന്നനാളത്തിലെ പ്രശ്നങ്ങൾ എന്നിവ ചികിത്സിക്കാൻ ജീരകം സഹായിക്കുമെന്ന് തെളിയിക്കപ്പെട്ടിട്ടുണ്ട്. ദഹന ആരോഗ്യത്തിന് ഏറ്റവും മികച്ചതാണ് ജീരകം. കരളിന് വളരെ നല്ലതാണ്. മാത്രമല്ല കൊഴുപ്പുകൾ വിഘടിക്കാനും കൊഴുപ്പുകൾ നന്നായി ദഹിപ്പിക്കാനും സഹായിക്കുന്നു.

ജീരകത്തിന് ആന്റിഓക്‌സിഡന്റും ആന്റിമൈക്രോബയൽ ഗുണങ്ങളും ഉള്ളതിനാൽ ചർമ്മത്തിന് വളരെ നല്ലതാണ്. ഉറക്കത്തിനും വളരെ നല്ലതാണ്. ഉറങ്ങുന്നതിനു ഒരു മണിക്കൂർ മുൻപ് ജീരകം ചേർത്ത ചായ കുടിക്കുന്നത് നല്ല ഉറക്കം നൽകാൻ സഹായിക്കുമെന്ന് ഫിറ്റ്നസ് കോച്ച് ലൂക്ക് പറഞ്ഞു.

ശ്വസന ആരോഗ്യത്തിനും, ശ്വാസകോശത്തിനും, വീക്കം കുറയ്ക്കുന്നതിനും വളരെ നല്ലതാണ്. ജീരകം പല രീതിയിൽ ഉപയോഗിക്കാമെന്നും അദ്ദേഹം പറഞ്ഞു. ജീരകം വെറുതെ ചവയ്ക്കാം, ജീരകം ചേർത്ത വെള്ളം തിളപ്പിച്ച് കുടിക്കാം, ജീരകം പൊടിച്ചത് കറികളിൽ ചേർക്കാം അല്ലെങ്കിൽ ഒരു ടീസ്പൂൺ ജീരകം വെള്ളത്തിൽ തിളപ്പിച്ച് ചായ തയ്യാറാക്കി കുടിക്കാം. അതിലേക്ക് കുറച്ച് ഇഞ്ചി പൊടിച്ചതും നാരങ്ങ നീരും ചേർക്കാമെന്നും അദ്ദേഹം അഭിപ്രായപ്പെട്ടു.

View this post on Instagram

A post shared by Luke Coutinho - Official (@luke_coutinho)

പ്രതിരോധശേഷി വർധിപ്പിക്കുന്ന ഗുണങ്ങളാൽ ജീരകം നിറഞ്ഞിരിക്കുന്നു. ദിവസവും വെറും വയറ്റിൽ ജീരകം കഴിക്കുന്നത് രോഗപ്രതിരോധശേഷി വർധിപ്പിക്കുന്നു. ഉപാപചയപ്രവർത്തനം വർധിപ്പിക്കാനും ശരീരഭാരം കുറയ്ക്കാനും ജീരകം സഹായിക്കും. വെറും വയറ്റിൽ കഴിക്കുമ്പോൾ ദിവസം മുഴുവൻ കലോറി കൂടുതൽ ഫലപ്രദമായി എരിച്ചു കളയുന്നതിന് സഹായിക്കുന്നു. രാവിലെ വെറും വയറ്റിൽ ജീരക വെള്ളം കുടിക്കുന്നത് ശരീര ഭാരം കുറയ്ക്കാൻ സഹായിക്കും. ജീരക വെള്ളത്തിൽ കലോറി കുറവാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• 30 കിലോ കുറയ്ക്കണോ, 6 മാസം മതി; തെളിയിച്ച് 24 കാരി
• വണ്ണം കുറയ്ക്കാനൊരു എളുപ്പ വഴി, ബദാം ഈ രീതിയിൽ കഴിക്കൂ
• ഡയറ്റ് നോക്കിയിട്ടും വ്യായാമം ചെയ്തിട്ടും വണ്ണം കുറയുന്നില്ലേ? ഈ 5 അബദ്ധങ്ങൾ മനസിലാക്കൂ
• ദിവസത്തിൽ ഏതു സമയത്തും കുടിക്കാം; നാരങ്ങ വെള്ളത്തിന്റെ ഗുണങ്ങൾ