ദാഹം അകറ്റാൻ മാത്രമല്ല, നാരങ്ങ വെള്ളത്തിന് മറ്റ് പല ഗുണങ്ങളുമുണ്ട്; കൂടുതൽ അറിയാം

ക്ഷീണം തോന്നിയാൽ അല്ലെങ്കിൽ അമിതമായ ചൂട് അനുഭവപ്പെട്ടാൽ ഒരു നാരങ്ങ പിഴിഞ്ഞ് കുടിച്ചാലോ എന്ന് ഓർക്കാത്തവരുണ്ടാകില്ല. ശരീരത്തിലെ ജലാംശം വർധിപ്പിക്കും ദാഹശമനം അകറ്റും എന്നതിപുരി സ്ഥിരമായി നാരങ്ങാ വെള്ളം കുടിക്കുന്നത് നിങ്ങളുടെ ആരോഗ്യത്തെ എങ്ങനെ സ്വാധീനിക്കും എന്ന് അറിയാമോ?

വിറ്റാമിൻ സിയുടെ സമ്പന്നമായ ഉറവിടമാണ് നാരങ്ങ. അത് ശരീരത്തിനും ചർമ്മത്തിനും ഏറെ ഗുണങ്ങൾ നൽകുന്നു. പതിവായി നാരങ്ങ വെള്ളം കുടിക്കുന്നത് രോഗപ്രതിരോധ സംവിധാനത്തെ പിന്തുണയ്ക്കുകയും മുറിവ് ഉണക്കാൻ സഹായിക്കുകയും ചെയ്യും. കൊളാജൻ ഉത്പാദനത്തിനും ഇവ ഉപകാരപ്രദമാണ്. അതിനാൽ ചർമ്മാരോഗ്യം മെച്ചപ്പെടുത്തും. ഇത് കോശങ്ങളെ കേടുപാടുകളിൽ നിന്നും സംരക്ഷിച്ച് പുനരുജ്ജീവിപ്പിക്കുന്നു.

അമിതമായ വിശപ്പ് ശമിപ്പിക്കുന്നതിന് നാരങ്ങ വെള്ളം സഹായിക്കുമെന്ന് പഠനങ്ങൾ പറയുന്നു. ഇത് വിശപ്പി ശമിപ്പിക്കുന്നതിനൊപ്പം കലോറിയുടെ ഉപഭോഗം കുറയ്ക്കുന്നു. ഇത് ശരീരഭാര നിയന്ത്രണത്തിന് അനുകൂലമാണ്. നാരങ്ങയിൽ അടങ്ങിയിരിക്കുന്ന സിട്രിക് ആസിഡ് ശരിയായ ദഹനത്തെയും മെറ്റാബോളിസത്തെയും പിന്തുണയ്ക്കും. ഇത് രണ്ടും ഭാര നിയന്ത്രണത്തിന് സഹായിക്കും. 

ഇതിൽ അടങ്ങിയിരിക്കുന്ന പൊട്ടാസ്യം, രക്തസമ്മർദ്ദം കുറയ്ക്കാൻ സഹായിക്കും. കൂടാതെ ആൻ്റി ഓക്സിഡൻ്റുകൾ രക്തധമനികളെ ഓക്സിഡേറ്റീവ് കേടുപാടുകൾ തടയുന്നതിലൂടെ ഹൃദയാരോഗ്യം സാധ്യത കൂട്ടുന്നു. ശരീരത്തിലെ ശരിയായ അളവിൽ ജലാംശം നിലനിർത്തുന്നതും ഹൃദയ സംബന്ധമായ രോഗങ്ങളെ തടയും. 

നാരങ്ങ വെള്ളത്തിലെ വിറ്റാമിൻ സി ചുളിവുകളും പാടുകളും കുറയ്ക്കുന്നു, അതിലൂടെ അകാലവാർധക്യത്തിൻ്റെ ലക്ഷണങ്ങളിൽ നിന്നും ചർമ്മത്തെ സംരക്ഷിക്കാൻ സാധിക്കും. ശരീരത്തിൽ ഈർപ്പ നിലനിർത്തുന്നതിനാൽ ചർമ്മ കോശങ്ങളുടെ ശരിയായ പ്രവർത്തനം സാധ്യമാകും. നാരങ്ങയുടെ സുഗന്ധത്തിന് സമ്മർദ്ദവും ഉത്കണ്ഠയും കുറയ്ക്കാനും കഴിയും. ചെറുചൂടുള്ള നാരങ്ങാവെള്ളം, പിരിമുറുക്കം ലഘൂകരിക്കാനും സഹായിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഈ ലക്ഷണങ്ങൾ അറിയാതെ പോകരുത്, മഗ്നീഷ്യത്തിൻ്റെ കുറവാകാം കാരണം
• കുതിർത്ത 6 കറുത്ത ഉണക്ക മുന്തിരി കഴിക്കാം, അറിയാം ഗുണങ്ങൾ
• കൊളസ്ട്രോൾ കുറയ്ക്കണോ? ഈ 6 പ്രഭാത ശീലങ്ങൾ പിന്തുടരൂ
• ഷുഗർ ഫ്രീ ഉത്പന്നങ്ങളിൽ പഞ്ചസാര അടങ്ങിയിട്ടുണ്ടോ? അവ പ്രമേഹ രോഗികൾക്ക് ഗുണകരമോ?