ഈ ഭക്ഷണ ഗ്രൂപ്പിലാണോ നിങ്ങൾ? കരൾ രോഗം പിടിപെടാം

ശരീരത്തിലെ വിഷാംശം ഇല്ലാതാക്കുന്നതിലും ശാരീരിക പ്രവർത്തനങ്ങളെ നിയന്ത്രിക്കുന്നതിലും കരൾ നിർണായക പങ്ക് വഹിക്കുന്നുണ്ട്. തെറ്റായ ഭക്ഷണക്രമം കരളിന്റെ ആരോഗ്യത്തെ ദോഷകരമായി ബാധിക്കും. ഇത് ഫാറ്റി ലിവർ രോഗം, സിറോസിസ്, കരൾ ക്ഷതം തുടങ്ങിയ അവസ്ഥകളിലേക്ക് കൊണ്ടെത്തിക്കും. ചില ഭക്ഷണ പാനീയങ്ങൾ അമിതമായി കഴിക്കുന്നത് കരൾ രോഗങ്ങൾക്കുള്ള സാധ്യത വർധിപ്പിക്കും. കരളിന്റെ ആരോഗ്യത്തെ പ്രതികൂലമായി ബാധിക്കുന്ന നാല് ഭക്ഷണ ഗ്രൂപ്പുകളെക്കുറിച്ച് അറിയാം.

1. മധുരമുള്ള പാനീയങ്ങൾ

സോഡ, എനർജി ഡ്രിങ്കുകൾ തുടങ്ങിയ മധുരമുള്ള പാനീയങ്ങളിൽ പഞ്ചസാരയുടെ അളവ് കൂടുതലായതിനാൽ കരളിന്റെ ആരോഗ്യത്തിന് ഹാനികരമാണ്. ഈ പാനീയങ്ങൾ കരളിൽ കൊഴുപ്പ് അടിഞ്ഞുകൂടുന്നതിന് കാരണമാകും. ഇത് നോൺ-ആൽക്കഹോളിക് ഫാറ്റി ലിവർ രോഗത്തിന് (NAFLD) ഇടയാക്കും. പഞ്ചസാരയുടെ അമിത ഉപഭോഗം ശരീരഭാരം, പൊണ്ണത്തടി, എന്നിവയ്ക്ക് കാരണമാകും. ഇവയെല്ലാം കരളിന്റെ പ്രവർത്തനത്തെ ബാധിക്കും. കാലക്രമേണ, കൊഴുപ്പ് അടിഞ്ഞുകൂടുന്നത് കരൾ വീക്കത്തിന് കാരണമാകും.  

2. സംസ്കരിച്ച മാംസം

സോസേജുകളും ഹോട്ട്‌ഡോഗുകളും പോലെയുള്ള സംസ്‌കരിച്ച മാംസങ്ങളിൽ പൂരിത കൊഴുപ്പുകളും സോഡിയവും അടങ്ങിയിട്ടുണ്ട്. ഇത് കരളിനെ ദോഷകരമായി ബാധിക്കും. സംസ്കരിച്ച മാംസത്തിൽ പലപ്പോഴും ട്രാൻസ് ഫാറ്റുകൾ അടങ്ങിയിട്ടുണ്ട്. സംസ്കരിച്ച മാംസം അമിതമായി കഴിക്കുന്നത് കരൾ വീക്കത്തിനും കേടുപാടുകൾക്കും കാരണമാകും.

3. വറുത്തതും കൊഴുപ്പുള്ളതുമായ ഭക്ഷണങ്ങൾ

കൊഴുപ്പുള്ളതും വറുത്തതുമായ ഭക്ഷണങ്ങൾ കരളിൽ കൊഴുപ്പ് അടിഞ്ഞുകൂടുന്നതിന് കാരണമാകുന്നതിലൂടെ കരളിന്റെ പ്രവർത്തനത്തെ തകരാറിലാക്കുന്നു. വറുത്ത ഭക്ഷണങ്ങളിൽ കലോറി കൂടുതൽ മാത്രമല്ല, പലപ്പോഴും കരളിന്റെ പ്രവർത്തനത്തെ മന്ദഗതിയിലാക്കുന്നു. 

4. അമിതമായ മദ്യപാനം

കരളിന് ഏറ്റവും ദോഷകരമായ ഒന്നാണ് മദ്യം. അമിതമായി കഴിക്കുമ്പോൾ വീക്കം, കോശങ്ങളുടെ കേടുപാടുകൾ എന്നിവയ്ക്ക് കാരണമാകുന്നു. കാലക്രമേണ, അമിതമായ മദ്യപാനം ഗുരുതരമായ കരൾ രോഗമായ സിറോസിസിലേക്ക് നയിച്ചേക്കാം.

Read More

• ഭക്ഷണത്തോടൊപ്പം വെള്ളം കുടിക്കുന്നത് ദഹനാരോഗ്യത്തെ എങ്ങനെ ബാധിക്കും?
• പ്രോട്ടീൻ ആവശ്യത്തിന് കഴിക്കുന്നില്ലേ? ഈ ലക്ഷണങ്ങൾ തിരിച്ചറിയൂ
• ഉറക്കം ഉണർന്നയുടൻ ആദ്യം ഫോൺ നോക്കാറുണ്ടോ? ഈ ആരോഗ്യപ്രശ്നങ്ങൾ അറിയുക
• കടുകിന്റെ ഈ ആരോഗ്യ ഗുണങ്ങൾ കേട്ടിട്ടുണ്ടോ?