2 മാസം കൊണ്ട് 10 കിലോ കുറയ്ക്കാം, ഈ ഭക്ഷണം നന്നായി കഴിക്കൂ

ശരീരഭാരം കുറയ്ക്കുന്നത് പലർക്കും ഒരു വെല്ലുവിളിയായിരിക്കാം. എന്നാൽ ലളിതവും ഫലപ്രദവുമായ ചില ശീലങ്ങൾ സ്വീകരിക്കുന്നതിലൂടെ, ആരോഗ്യകരമായ രീതിയിൽ ശരീരഭാരം കുറയ്ക്കാൻ കഴിയും. രണ്ട് മാസത്തിനുള്ളിൽ 10 കിലോ വരെ കുറയ്ക്കണമെങ്കിൽ എന്ത് കഴിക്കണമെന്ന് ഒരു ഫിറ്റ്നസ് പരിശീലകൻ പറഞ്ഞുതരുന്നു.

1. പ്രോട്ടീൻ അടങ്ങിയ ഭക്ഷണങ്ങൾ കഴിക്കുക

പ്രോട്ടീൻ കൂടുതൽ നേരം വയറു നിറഞ്ഞതായി തോന്നിപ്പിക്കും. ഇത് ദഹനത്തെ മന്ദഗതിയിലാക്കുകയും വിശപ്പ് ഹോർമോണുകളെ കുറയ്ക്കുകയും ചെയ്യുന്നു. ഭക്ഷണത്തിനിടയിൽ അമിതമായി ഭക്ഷണം കഴിക്കുന്നത് ഒഴിവാക്കാൻ സഹായിക്കുന്നു. പച്ചക്കറികളും പഴങ്ങളും പോലുള്ള പ്രോട്ടീൻ കൂടുതലുള്ള ഭക്ഷണങ്ങളിൽ കലോറി കുറവും നാരുകൾ കൂടുതലുമാണ്. ഇവ ധാരാളം കഴിച്ചാലും അമിതമായി ഭക്ഷണം കഴിക്കുന്നത് ഒഴിവാക്കാൻ സഹായിക്കും.

Also Read: ചരിഞ്ഞ് കിടക്കുന്നതോ അതോ മലർന്നു കിടന്ന് ഉറങ്ങുന്നതോ?: ആരോഗ്യത്തിന് ഏതാണ് നല്ലത്?

2. ചെറിയ പ്ലേറ്റുകൾ ഉപയോഗിക്കുക

ചെറിയ പ്ലേറ്റുകളിൽ ഭക്ഷണം കഴിക്കുന്നത് വയർ നിറഞ്ഞുവെന്ന സൂചന തലച്ചോറിലേക്ക് അയയ്ക്കുന്നു. ഇതിലൂടെ ചെറിയ അളവിൽ കഴിക്കുമ്പോൾ തന്നെ തലച്ചോറിനെ വയറു നിറഞ്ഞതായി തോന്നിപ്പിക്കും. 

3. പഞ്ചസാര പൂർണ്ണമായും ഒഴിവാക്കുക

പഞ്ചസാര അടങ്ങിയ ഭക്ഷണങ്ങൾ വെറും ശൂന്യമായ കലോറികളാണ്. അവ ഒരിക്കലും നിങ്ങളെ വയറു നിറയ്ക്കുന്നതായി തോന്നിപ്പിക്കില്ല. ഇത് കൂടുതൽ കലോറി ഉപഭോഗം ചെയ്യാൻ പ്രേരിപ്പിക്കും, ഇതിലൂടെ ശരീരഭാരം വർധിപ്പിക്കാൻ കാരണമാകും. ഭക്ഷണത്തിൽ നിന്ന് പഞ്ചസാര ഒഴിവാക്കുന്നത് ശരീര ഭാരം കുറയ്ക്കാൻ സഹായിക്കുക മാത്രമല്ല, രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കും.

Also Read: ശരീരഭാരം പെട്ടെന്ന് കുറയ്ക്കണോ? ഈ 6 ഭക്ഷണങ്ങൾ ഇങ്ങനെ കഴിച്ചോളൂ

4. ഇന്റർമിറ്റന്റ് ഫാസ്റ്റിങ്

നിങ്ങൾ ഉപവസിക്കുമ്പോൾ, ശരീരം ഊർജത്തിനായി ഗ്ലൂക്കോസിന് പകരം കൊഴുപ്പ് കത്തിക്കാൻ തുടങ്ങുന്നു. ഇത് കൊഴുപ്പ് ഫലപ്രദമായി കത്തിക്കാൻ സഹായിക്കുന്നു. കൂടാതെ, കുറച്ച് ഭക്ഷണം കഴിക്കാൻ സഹായിക്കുന്നു.

5. പതിവായി വെള്ളം കുടിക്കുക

ഭക്ഷണത്തിന് മുമ്പ് വെള്ളം കുടിക്കുന്നത് ഭക്ഷണത്തിന്റെ അളവ് കുറയ്ക്കാൻ സഹായിക്കുന്നു. വയർ നിറഞ്ഞുവെന്ന തോന്നൽ നൽകുകയും ഭക്ഷണത്തിൽ നിന്ന് ലഭിക്കുന്ന സംതൃപ്തി വർധിപ്പിക്കുകയും ചെയ്യുന്നു. അതിലൂടെ മൊത്തത്തിലുള്ള കലോറി ഉപഭോഗം കുറയ്ക്കുന്നു.

Also Read: മഞ്ഞൾ കഴിക്കുന്നത് വൃക്കകൾക്ക് ദോഷകരമാണോ?

6. വ്യായാമം

ഇഷ്ടമുള്ള വ്യായാമങ്ങൾ ചെയ്യുക. ഇത് ഉന്മേഷത്തോടെ നിലനിർത്താൻ സഹായിക്കും. നടത്തം പോലുള്ള ആയാസം കുറഞ്ഞ വ്യായാമങ്ങൾ തിരഞ്ഞെടുക്കുന്നതാണ് നല്ലത്. ഇത്തരത്തിലുള്ള വ്യായാമങ്ങൾ പതിവായി ചെയ്യാനും സ്ഥിരത നിലനിർത്താനും സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: 5 വെളുത്തുള്ളി അല്ലി ചതച്ചെടുക്കൂ, വണ്ണം പെട്ടെന്ന് കുറയ്ക്കാനൊരു അദ്ഭുത പാനീയം