8 ആഴ്ച കൊണ്ട് 8 കിലോ സിംപിളായി കുറയ്ക്കാം, ഈ 8 കാര്യങ്ങൾ ചെയ്യൂ

ശരീരഭാരം കുറയ്ക്കാനായി പട്ടിണി കിടക്കുകയോ ജിമ്മിൽ മണിക്കൂറുകൾ ചെലവഴിക്കുകയോ ചെയ്യേണ്ടതില്ല. ജീവിതശൈലിയിൽ ശരിയായ ശീലങ്ങൾ ഉൾപ്പെടുത്തിയാൽ കൊഴുപ്പ് കുറയ്ക്കാൻ സാധിക്കും. വെറും 8 ആഴ്ചയ്ക്കുള്ളിൽ 8 കിലോ വരെ കുറയ്ക്കാൻ സഹായിക്കുന്ന 8 ജീവിതശൈലി ശീലങ്ങളെക്കുറിച്ച് അടുത്തിടെ ഫിറ്റ്‌നസ് കോച്ച് നേഹ പരിഹാർ തന്റെ ഇൻസ്റ്റഗ്രാം പേജിലൂടെ വിശദീകരിച്ചിരുന്നു.

1. ധാരാളം വെള്ളം കുടിക്കുക

ധാരാളം വെള്ളം ദിവസവും കുടിക്കുന്നത് ജലാംശം നിലനിർത്താൻ സഹായിക്കുന്നു, അനാവശ്യമായ വിശപ്പ് കുറയ്ക്കുന്നു, ആരോഗ്യകരമായ ഉപാപചയപ്രവർത്തനത്തിന് സഹായിക്കുന്നു. 

2. പ്രോട്ടീന് മുൻഗണന നൽകുക

ശരീരഭാരത്തിന്റെ ഒരു കിലോഗ്രാമിന് കുറഞ്ഞത് 1.2 ഗ്രാം പ്രോട്ടീൻ കഴിക്കുന്നത് പേശികളുടെ അളവ് നിലനിർത്തുന്നതിനും, കൂടുതൽ നേരം വയറുനിറഞ്ഞതായി തോന്നുന്നതിനും, ദിവസം മുഴുവൻ വിശപ്പ് നിയന്ത്രിക്കുന്നതിനും അത്യാവശ്യമാണ്.

Also Read: കൊഴുപ്പ് നീക്കി അരക്കെട്ട് ഭംഗിയാക്കാൻ ഈ ഭക്ഷണത്തോട് 'നോ' പറഞ്ഞോളൂ

3. കൊഴുപ്പ് അടങ്ങിയ പ്രഭാതഭക്ഷണം

നട്സ്, മുട്ട, അവോക്കാഡോ തുടങ്ങിയ ആരോഗ്യകരമായ കൊഴുപ്പിന്റെ ഉറവിടം ഉപയോഗിച്ച് ദിവസം ആരംഭിക്കുന്നത് രക്തത്തിലെ പഞ്ചസാരയുടെ അളവ് സ്ഥിരപ്പെടുത്താനും, ഊർജം നിലനിർത്താനും സഹായിക്കും.

4. സൂര്യപ്രകാശമേൽക്കുക

ദിവസവും 30 മിനിറ്റ് സൂര്യപ്രകാശം ഏൽക്കുന്നത് വിറ്റാമിൻ ഡിയുടെ അളവ് വർധിപ്പിക്കുകയും, മാനസികാവസ്ഥ ഉയർത്തുകയും, ശരീരത്തിന്റെ സ്വാഭാവിക ഉറക്ക-ഉണർവ് ചക്രം നിയന്ത്രിക്കാൻ സഹായിക്കുകയും ചെയ്യുന്നു.

5. കൂടുതൽ നടക്കുക

ഒരു ദിവസം കുറഞ്ഞത് 8,000 ചുവടുകളെങ്കിലും നടക്കുന്നത് കലോറി എരിച്ചുകളയുന്നത് വർധിപ്പിക്കുകയും, കഠിനമായ വ്യായാമങ്ങളില്ലാതെ ആക്ടീവായി നിലനിർത്താൻ സഹായിക്കുകയും ചെയ്യും. 

Also Read: പാചകത്തിന് ഏത് എണ്ണയാണ് ഏറ്റവും നല്ലത്?

6. അത്താഴത്തിനു ശേഷം ഭക്ഷണം കഴിക്കരുത്

രാത്രി വൈകിയുള്ള ലഘുഭക്ഷണം ഒഴിവാക്കാനും, ദഹനവ്യവസ്ഥയ്ക്ക് വിശ്രമം നൽകാനും, ഉറങ്ങുമ്പോൾ കൊഴുപ്പ് അടിഞ്ഞുകൂടാനുള്ള സാധ്യത കുറയ്ക്കാനും അത്താഴത്തിന് ശേഷം ഭക്ഷണം കഴിക്കുന്നത് ഒഴിവാക്കുക.

7. ലഘുഭക്ഷണങ്ങൾ ഒഴിവാക്കുക

ലഘുഭക്ഷണങ്ങൾ ഒഴിവാക്കുന്നത് കലോറി ഉപഭോഗം നിയന്ത്രിക്കാനും ഭക്ഷണക്രമം കൂടുതൽ ഫലപ്രദമാക്കാനും സഹായിക്കും.

View this post on Instagram

A post shared by Neha Parihar (@growithneha)

8. 80:20 നിയമം പാലിക്കുക

80% ആരോഗ്യകരമായ ഭക്ഷണം കഴിക്കുകയും 20% ഇഷ്ടമുള്ള ഭക്ഷണങ്ങൾ കഴിക്കുകയും ചെയ്തുകൊണ്ട് ആരോഗ്യകരമായ സന്തുലിതാവസ്ഥ നിലനിർത്തുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• അത്താഴം 7 മണിക്കോ 9 നോ? ശരീര ഭാരം കുറയാൻ എപ്പോൾ കഴിക്കണം
• ഡയറ്റും വ്യായാമവും വേണ്ട; വണ്ണവും വയറിലെ കൊഴുപ്പും കുറയ്ക്കാൻ ഈ പാനീയം കുടിച്ചോളൂ