വണ്ണം കുറയുന്നില്ലെന്ന് പരാതി പറയുന്നവരോട്... ഈ 5 കാര്യങ്ങൾ ശരിയാക്കൂ

ശരീര ഭാരം കുറയ്ക്കുകയെന്നത് ഫിറ്റ്നസ് കോച്ച് ക്രിസ്റ്റീന ഗ്ലോബിച്ചിനെ സംബന്ധിച്ചിടത്തോളം ആരോഗ്യകരമായ ഭക്ഷണം കഴിക്കുന്നതല്ല, മറിച്ച് സ്മാർട്ട് ആയി ഭക്ഷണം കഴിക്കുന്നതാണ്. ശരീര ഭാരം കുറയ്ക്കാൻ ശ്രമിക്കുമ്പോൾ സ്ത്രീകൾ നിരന്തരം വരുത്തുന്ന 5 ഭക്ഷണ തെറ്റുകളുണ്ട്. ഈ സാധാരണ തെറ്റുകൾ ഒഴിവാക്കിയാൽ എളുപ്പത്തിൽ ശരീര ഭാരം കുറയ്ക്കാമെന്ന് അവർ പറഞ്ഞു. 

പ്രഭാതഭക്ഷണം ഒഴിവാക്കുന്നത് അമിതമായി ഭക്ഷണം കഴിക്കാൻ കാരണമാകുമെന്ന് അവർ പറയുന്നു. വിശപ്പ് നിയന്ത്രിക്കാനും ശരീരഭാരം കുറയ്ക്കാനും പ്രോട്ടീനും നാരുകളും അടങ്ങിയ പ്രഭാതഭക്ഷണം തിരഞ്ഞെടുക്കുക. പോഷക സമ്പുഷ്ടമായ ഭക്ഷണങ്ങളിൽ ശ്രദ്ധ കേന്ദ്രീകരിക്കാനും ധാരാളം വെള്ളം കുടിക്കാനും അവർ നിർദേശിച്ചു. 

Also Read: ചപ്പാത്തിയും ചോറും ഒരുമിച്ച് കഴിക്കരുത്; കുടുംബത്തിൽ പ്രമേഹം നിയന്ത്രിക്കാനുള്ള 5 നുറുങ്ങുവഴികൾ

ഫാൻസി കോഫികൾ, ജ്യൂസുകൾ, സോഡ തുടങ്ങിയ കലോറി കൂടുതലുള്ള പാനീയങ്ങൾ കുടിക്കുമ്പോൾ ശ്രദ്ധിക്കണം. ഇവയ്ക്കു പകരം ജലാംശം നിലനിർത്താനും ശരീരഭാരം കുറയ്ക്കാനും വെള്ളമോ കലോറി കുറഞ്ഞ ഹെർബൽ ടീയോ തിരഞ്ഞെടുക്കുക. കൊഴുപ്പ് കുറവ് എന്നാൽ കലോറി കുറവാണെന്ന് കരുതരുത്. കലോറി, പഞ്ചസാര, കൊഴുപ്പ് എന്നിവയുടെ അമിത ഉപഭോഗം ഒഴിവാക്കാൻ പോഷകാഹാര ലേബലുകൾ പരിശോധിക്കാനും അവർ ആവശ്യപ്പെട്ടു.

1. പ്രഭാത ഭക്ഷണം ഒഴിവാക്കുക

പ്രഭാത ഭക്ഷണം ഒഴിവാക്കുന്നത് ഉപാപചയപ്രവർത്തനം മന്ദഗതിയിലാക്കുകയും പിന്നീട് അമിതമായി ഭക്ഷണം കഴിക്കുന്നതിന് ഇടയാക്കുകയും ചെയ്യും. സമീകൃത പ്രഭാതഭക്ഷണം കൊഴുപ്പ് സംഭരിക്കാൻ സഹായിക്കുന്നതിന് പകരം കത്തിക്കാൻ സഹായിക്കുന്നു.

2. കൊഴുപ്പ് കുറഞ്ഞ അല്ലെങ്കിൽ ഡയറ്റ് ഭക്ഷണങ്ങൾ

ഇവ പലപ്പോഴും പഞ്ചസാരയും കൊഴുപ്പ് നഷ്ടപ്പെടുത്തുന്നതിനെ തടസപ്പെടുത്തുന്ന കൃത്രിമ ചേരുവകൾ കൊണ്ട് നിറഞ്ഞിരിക്കുന്നു. 

3. ആരോഗ്യകരമായ കൊഴുപ്പുകൾ അമിതമായി കഴിക്കുക

അവക്കാഡോകൾ, നട്‌സ്, ഒലിവ് ഓയിൽ എന്നിവ നല്ലതാണ്. പക്ഷേ അമിതമാകുന്നത് കലോറി വർധിപ്പിക്കും. മിതത്വം പ്രധാനമാണ്.

Also Read: മെലിയും, ശക്തി കിട്ടും, ആരോഗ്യവും കൂടും; 'രഹസ്യം നിങ്ങളുടെ പാത്രത്തിലാണ്'

4. ഉയർന്ന കലോറി പാനീയങ്ങൾ കുടിക്കുക

ജ്യൂസുകൾ, സ്മൂത്തികൾ എന്നിവ രക്തത്തിലെ പഞ്ചസാരയുടെ അളവ് വർധിപ്പിക്കുകയും കൊഴുപ്പ് സംഭരിക്കുകയും ചെയ്യുന്നവയാണ്. മിതമായ അളവിൽ വെള്ളം, ഹെർബൽ ടീ അല്ലെങ്കിൽ കാപ്പി എന്നിവ കുടിക്കുക.

View this post on Instagram

A post shared by Fitness | Nutrition | Health (@powherbeat)

5. ആവശ്യത്തിന് പ്രോട്ടീനും നാരുകളും കഴിക്കുന്നില്ല

അവ വയറു നിറയ്ക്കുകയും രക്തത്തിലെ പഞ്ചസാരയുടെ അളവ് സ്ഥിരപ്പെടുത്തുകയും കൊഴുപ്പ് കുറയ്ക്കാൻ സഹായിക്കുകയും ചെയ്യുന്നു. എല്ലാ ഭക്ഷണത്തിലും ഇവ ഉൾപ്പെടുത്തുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മോഹൻലാൽ പറഞ്ഞത് നേരാ... ഈ പ്രായത്തിലും മലൈകയ്ക്ക് 'എന്നാ ഒരു സ്ട്രെക്ചറാ'
• അരക്കെട്ട് ഒതുങ്ങാൻ മുരിങ്ങപ്പൊടി, സ്തനവളർച്ചയ്ക്ക് ചിയ സീഡ്സ്: 5 മിഥ്യാധാരണകൾ പൊളിച്ചെഴുതി വിദഗ്‌ധർ