ചപ്പാത്തിയും ചോറും ഒരുമിച്ച് കഴിക്കരുത്; കുടുംബത്തിൽ പ്രമേഹം നിയന്ത്രിക്കാനുള്ള 5 നുറുങ്ങുവഴികൾ

പ്രമേഹം നിയന്ത്രിക്കുകയെന്നത് ശ്രമകരമായൊരു കാര്യമാണ്. മരുന്നുകൾ കഴിക്കുന്നതും, സമീകൃതാഹാരം കഴിക്കുന്നതും, പതിവായി വ്യായാമം ചെയ്യുന്നതും ഗുണം ചെയ്യുമെങ്കിലും, ചിലപ്പോൾ ജീവിതശൈലിയിലെ ചെറിയ മാറ്റങ്ങൾ വലിയ മാറ്റമുണ്ടാക്കും. നൂട്രീഷ്യനിസ്റ്റ് ശ്വേത ജെ.പഞ്ചൽ പ്രമേഹമുള്ളവർക്ക് ദൈനംദിന ശീലങ്ങളിൽ വരുത്താവുന്ന അഞ്ച് ചെറിയ മാറ്റങ്ങളെക്കുറിച്ച് ഇൻസ്റ്റഗ്രാം പോസ്റ്റിൽ വിശദീകരിച്ചിട്ടുണ്ട്. “നിങ്ങളുടെ കുടുംബത്തിലെ ഒരാൾക്ക് പ്രമേഹമുണ്ടെങ്കിൽ, ചെറിയ മാറ്റങ്ങൾ വലിയ മാറ്റമുണ്ടാക്കും,” എന്നാണ് അവർ എഴുതിയത്. 

1. പഴങ്ങൾക്കൊപ്പം കറുവാപ്പട്ട

പഴങ്ങൾ കഴിക്കുമ്പോൾ, കഷ്ണങ്ങളിൽ കുറച്ച് കറുവാപ്പട്ട ചേർക്കാൻ ശ്രമിക്കുക. 
പഞ്ചസാരയുടെ അളവ് നിയന്ത്രിക്കാനും, പഴങ്ങളിൽ അടങ്ങിയിരിക്കുന്ന പഞ്ചസാരയുടെ പ്രവർത്തനങ്ങൾ കുറയ്ക്കാനും, ഇൻസുലിൻ സെൻസിറ്റിവിറ്റി മെച്ചപ്പെടുത്താനും ഇതിലൂടെ സാധിക്കും.

Also Read: മെലിയും, ശക്തി കിട്ടും, ആരോഗ്യവും കൂടും; 'രഹസ്യം നിങ്ങളുടെ പാത്രത്തിലാണ്'

2. അത്താഴം 7 മണിയോടെ പൂർത്തിയാക്കുക

രാത്രി ഏറെ വൈകി ഭക്ഷണം കഴിക്കരുത്; പകരം, അവസാന ഭക്ഷണം വൈകുന്നേരം 7 മണിയോടെ കഴിക്കുക. 7 മണിക്ക് ശേഷം ഭക്ഷണം കഴിച്ചാൽ, ഒരിക്കലും പഞ്ചസാരയുടെ അളവ് സ്ഥിരപ്പെടുത്താൻ കഴിയില്ല. വൈകി ഭക്ഷണം കഴിക്കുന്നത് നിങ്ങളുടെ രക്തത്തിലെ പഞ്ചസാരയുടെ അളവ് വർധിപ്പിക്കും.

3. ഭക്ഷണത്തിനുശേഷം നടക്കുക

വീടിന് അകത്താണെങ്കിൽ പോലും, ഓരോ ഭക്ഷണത്തിനു ശേഷവും 10 മിനിറ്റ് നടക്കുക.

Also Read: മോഹൻലാൽ പറഞ്ഞത് നേരാ... ഈ പ്രായത്തിലും മലൈകയ്ക്ക് 'എന്നാ ഒരു സ്ട്രെക്ചറാ'

4. ചോറും ചപ്പാത്തിയും ഒരുമിച്ച് കഴിക്കരുത്

ഒരിക്കലും ഒരേ ഭക്ഷണത്തിൽ ചോറും ചപ്പാത്തിയും ഉൾപ്പെടുത്തരുത്. അത് പഞ്ചസാരയുടെ അളവ് വർധിപ്പിക്കും.

View this post on Instagram

A post shared by Dietitian Shweta J Panchal | The Diet Therapy (@dt.shwetashahpanchal)

5. എല്ലാ ഭക്ഷണത്തിലും നാരുകൾ ഉൾപ്പെടുത്തി തുടങ്ങുക

ഭക്ഷണം കഴിക്കാൻ തുടങ്ങുമ്പോഴെല്ലാം, സാലഡുകൾ പോലുള്ള നാരുകൾ ചേർത്ത് തുടങ്ങാൻ ശ്രമിക്കുക. ഇത് പഞ്ചസാരയുടെ ആഗിരണം മന്ദഗതിയിലാക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• അരക്കെട്ട് ഒതുങ്ങാൻ മുരിങ്ങപ്പൊടി, സ്തനവളർച്ചയ്ക്ക് ചിയ സീഡ്സ്: 5 മിഥ്യാധാരണകൾ പൊളിച്ചെഴുതി വിദഗ്‌ധർ
• രാത്രിയിൽ ഇടയ്ക്കിടെ ഉണരാറുണ്ടോ? എന്തെങ്കിലും ശരിയല്ലെന്ന് ശരീരം പറയുന്നതാണോ?