പാവയ്ക്ക ജ്യൂസ് കുടിച്ചാൽ ഷുഗർ കുറയുമോ?

പാവയ്ക്കയ്ക്ക് അതിശയിപ്പിക്കുന്ന ആരോഗ്യ ഗുണങ്ങളുണ്ട്. ഇരുമ്പ് ധാരാളം അടങ്ങിയ പാവയ്ക്കയില്‍ പൊട്ടാസ്യം, വിറ്റാമിന്‍ സി, മഗ്നീഷ്യം, ഫോളേറ്റ് സിങ്ക്, ഫോസ്ഫറസ്, മാംഗനീസ്, ഭക്ഷ്യനാരുകൾ, കാത്സ്യം എന്നിവയും അടങ്ങിയിട്ടുണ്ട്. പാവയ്ക്ക ജ്യൂസ് കുടിച്ചാൽ ഷുഗർ കുറയുമോ എന്നൊരു ചോദ്യം പലരും ഡോക്ടർമാരോട് ചോദിക്കാറുണ്ട്. ഇതിനുള്ള മറുപടി ഇൻസ്റ്റഗ്രാം വീഡിയോയിലൂടെ നൽകിയിരിക്കുകയാണ് ഒരു സംഘം ഡോക്ടർമാർ.

പാവയ്ക്കയ്ക്ക് കയ്പുള്ളതിനാൽ ഷുഗർ കുറയ്ക്കാൻ സഹായിക്കുമെന്നും മരുന്ന് കഴിക്കുന്നത് നിർത്താമെന്നുമാണ് പലരും കരുതുന്നത്. രക്തത്തിൽ പഞ്ചസാരയുടെ അളവ് കൂടുമ്പോൾ, അത് നിയന്ത്രിക്കാൻ സഹായിക്കുന്നൊരു ഹോർമോൺ ആണ് ഇൻസുലിൻ. പാവയ്ക്കയിൽ ചരാന്റിൻ, മോമോഡൈർസിൻ, പോളിപെപ്റ്റൈ‍ഡ് പി എന്നീ സംയുക്തങ്ങൾ അടങ്ങിയിട്ടുണ്ട്. ഇതാണ് ഷുഗർ നിയന്ത്രിക്കാൻ സഹായിക്കുന്നത്. 

ചരാന്റിൻ ഇൻസുലിന്റെ ഉത്പാദനം ശരീരത്തിൽ കൂട്ടുന്നതിലൂടെ പഞ്ചസാരയുടെ അളവ് നിയന്ത്രണത്തിലാക്കാൻ സഹായിക്കുന്നു. മോമോഡൈർസിൻ ചെയ്യുന്നത് കോശങ്ങളിലേക്ക് ഗ്ലൂക്കോസിന്റെ ആഗിരണം കൂട്ടുന്നു. പോളിപെപ്റ്റൈ‍ഡ് പി ഇൻസുലിന്റെ പ്രവർത്തനത്തെ അനുകരിക്കുകയും രക്തത്തിലെ പഞ്ചസാരയുടെ അളവു കുറയ്ക്കുകയും ചെയ്യുന്നു.

Also Read: പാവങ്ങളുടെ ഇറച്ചിക്കറി, കടച്ചക്ക കിട്ടിയാൽ വിടല്ലേ... കഴിച്ചോളൂ

പ്രമേഹമുള്ളവർ പാവയ്ക്ക ജ്യൂസ് കുടിക്കരുത്. കാരണം, പ്രമേഹത്തിന് മരുന്ന് കഴിക്കുന്നവർ വീണ്ടും പാവയ്ക്ക ജ്യൂസ് കുടിച്ചാൽ ഷുഗർ കുറയാനുള്ള സാധ്യതയുണ്ട്. ദഹനപ്രശ്നങ്ങളുള്ളവർക്ക് വയറിളക്കം, ഗ്യാസ് പ്രശ്നങ്ങൾ എന്നിവ വരാനുള്ള സാധ്യതയുണ്ട്. കരൾ രോഗങ്ങൾ, കിഡ്നി രോഗമുള്ളവർ ഇത് കഴിക്കുന്നത് പ്രശ്നങ്ങൾ ഗുരുതരമാക്കും. ഒരു ഡോക്ടറുടെ നിർദേശമല്ലാതെ പാവയ്ക്ക് ജ്യൂസ് കുടിക്കാനേ പാടില്ല. 

View this post on Instagram

A post shared by Dr Febin Rony (@dr_febin_rony)

Also Read: അച്ഛന്റെ ആ വാക്കുകൾ നെഞ്ചിൽകൊണ്ടു; അദ്നാൻ സാമി 6 മാസം കൊണ്ട് കുറച്ചത് 120 കിലോ

ഷുഗർ നിയന്ത്രിക്കാനായി ഒരു കുറുക്കുവഴിയുമില്ല. ശരിയായ രീതിയിൽ ഭക്ഷണം കഴിച്ചും വ്യായാമം ചെയ്തും മാത്രമേ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സാധിക്കുകയുള്ളൂവെന്ന് ഡോക്ടർമാർ വീഡിയോയിൽ പറയുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• സ്വയംഭോഗം പുരുഷന്മാർക്ക് നല്ലതാണോ?
• മധുരക്കിഴങ്ങ് കഴിച്ചാൽ പ്രമേഹം കുറയുമോ?