പ്രമേഹമുള്ളവർക്ക് നെയ്യ് കഴിക്കാമോ?

ഇന്ത്യൻ അടുക്കളകളിൽ സുലഭമായ ഒന്നാണ് നെയ്യ്. പ്രമേഹമുള്ളവർക്കു നെയ്യ് കഴിക്കുന്നത് നിരവധി ഗുണങ്ങൾ നൽകുമെന്ന് പറഞ്ഞാൽ നിങ്ങൾ ആശ്ചര്യപ്പെടും. നെയ്യിൽ കൊഴുപ്പും കലോറിയും കൂടുതലാണെങ്കിലും കുറഞ്ഞ ഗ്ലൈസെമിക് സൂചികയുണ്ട്. ആരോഗ്യകരമായ കൊഴുപ്പുകളും ആന്റിഓക്‌സിഡന്റുകളും ഇവയിൽ അടങ്ങിയിട്ടുണ്ട്. മിതമായ അളവിൽ കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് ഗുണം ചെയ്യും.

സാധാരണ വെണ്ണയിൽ നിന്ന് വ്യത്യസ്തമായി, നെയ്യ് ലാക്ടോസ്, കാസെയ്ൻ എന്നിവയിൽ നിന്ന് മുക്തമാണ്. ഇവ ദഹിപ്പിക്കാൻ എളുപ്പമാക്കുന്നു. പ്രമേഹ നിയന്ത്രണത്തിന് നെയ്യ് ഉപയോഗിക്കുന്നതിന്റെ 7 പ്രധാന ഗുണങ്ങൾ നോക്കാം.

1. കുറഞ്ഞ ഗ്ലൈസെമിക് സൂചിക

നെയ്യിന് കുറഞ്ഞ ഗ്ലൈസെമിക് ഇൻഡക്സ് (ജിഐ) ഉണ്ട്. അതായത് നെയ്യ് കഴിച്ചശേഷം രക്തത്തിലെ പഞ്ചസാരയുടെ അളവ് കുത്തനെ ഉയരാൻ കാരണമാകില്ല. മറ്റ് പല എണ്ണകളേയും കൊഴുപ്പുകളേയും അപേക്ഷിച്ച് പ്രമേഹരോഗികൾക്ക് സുരക്ഷിതമായ ഒന്നാണ് നെയ്യ്. 

2. ആരോഗ്യകരമായ കൊഴുപ്പുകൾ

ഹൃദയാരോഗ്യത്തിന് ഗുണം ചെയ്യുന്ന ആരോഗ്യകരമായ മോണോസാച്ചുറേറ്റഡ്, സാച്ചുറേറ്റഡ് കൊഴുപ്പുകളാൽ സമ്പന്നമാണ് നെയ്യ്. അനാരോഗ്യകരമായ കൊഴുപ്പുകൾക്ക് പകരം നെയ്യിലേത് പോലെയുള്ള ആരോഗ്യകരമായ കൊഴുപ്പുകൾ ഇൻസുലിൻ സെൻസിറ്റിവിറ്റി മെച്ചപ്പെടുത്താനും ടൈപ്പ് 2 പ്രമേഹ രോഗികളിൽ രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുമെന്ന് പഠനങ്ങൾ കാണിക്കുന്നു.

3. വൈറ്റമിനുകളും ആന്റിഓക്‌സിഡന്റുകളും കൊണ്ട് നിറഞ്ഞിരിക്കുന്നു

എ, ഡി, ഇ, കെ തുടങ്ങിയ വൈറ്റമിനുകളുടെ മികച്ച ഉറവിടമാണ് നെയ്യ്. മൊത്തത്തിലുള്ള ആരോഗ്യം നിലനിർത്തുന്നതിനും പ്രതിരോധശേഷി മെച്ചപ്പെടുത്തുന്നതിനും കണ്ണിന്റെ ആരോഗ്യത്തിനും ഈ വൈറ്റമിനുകൾ അത്യന്താപേക്ഷിതമാണ്. നെയ്യിൽ ആന്റിഓക്‌സിഡന്റുകൾ അടങ്ങിയിട്ടുണ്ട്. വീക്കം കുറയ്ക്കാനും ഓക്സിഡേറ്റീവ് സമ്മർദത്തിൽ നിന്ന് സംരക്ഷിക്കാനും സഹായിക്കുന്നു. 

4. കാർബോഹൈഡ്രേറ്റ് ഇല്ല

നെയ്യിൽ കാർബോഹൈഡ്രേറ്റ് അടങ്ങിയിട്ടില്ലാത്തതിനാൽ രക്തത്തിലെ പഞ്ചസാരയുടെ അളവിനെ ബാധിക്കില്ല. ഗ്ലൂക്കോസിന്റെ അളവ് വർധിപ്പിക്കാതെ നെയ്യ് ഊർജം നൽകുന്നു.

5. ലിനോലെനിക് ആസിഡ്

ഒമേഗ-3 ഫാറ്റി ആസിഡായ ലിനോലെനിക് ആസിഡിന്റെ ഉറവിടമാണ് നെയ്യ്. വീക്കം കുറയ്ക്കുകയും കൊളസ്ട്രോളിന്റെ അളവ് നിയന്ത്രിക്കാൻ സഹായിക്കുകയും ചെയ്തുകൊണ്ട് ഹൃദയാരോഗ്യത്തെ പിന്തുണയ്ക്കുന്നു. ഹൃദയ സംബന്ധമായ അസുഖങ്ങൾ വരാനുള്ള സാധ്യത കൂടുതലുള്ള പ്രമേഹരോഗികൾക്ക് ഇത് നല്ലതാണ്. 

6. ബ്യൂട്രിക് ആസിഡ്

കുടലിന്റെ ആരോഗ്യം പ്രോത്സാഹിപ്പിക്കുന്ന ബ്യൂട്രിക് ആസിഡ് നെയ്യിൽ അടങ്ങിയിട്ടുണ്ട്. ഇതിന് ആന്റി-ഇൻഫ്ലമേറ്ററി ഗുണങ്ങളുണ്ട്, ദഹനപ്രക്രിയ മെച്ചപ്പെടുത്താൻ സഹായിക്കുന്നു. 

7. ദഹനം മെച്ചപ്പെടുത്തുന്നു

നെയ്യ് ദഹനത്തിനും പോഷകങ്ങൾ ആഗിരണം ചെയ്യുന്നതിനും സഹായിക്കുന്നു. ആയുർവേദ ഔഷധങ്ങളിൽ അന്നനാളത്തിന്റെ ആരോഗ്യത്തിന് നെയ്യ് ഉപയോഗിക്കുന്നതായി ഗവേഷണങ്ങൾ കാണിക്കുന്നു. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു.

നെയ്യ് കഴിക്കുമ്പോൾ ശ്രദ്ധിക്കേണ്ട കാര്യങ്ങൾ

പ്രമേഹമുള്ളവർക്ക് നെയ്യ് കഴിക്കുന്നത് നല്ലതാണെങ്കിലും മിതമായി ഉപയോഗിക്കണം. ഇവയിൽ കലോറി കൂടുതലായതിനാൽ നെയ്യ് അമിതമായി കഴിക്കുന്നത് ശരീരഭാരം വർധിപ്പിക്കും. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നത് ബുദ്ധിമുട്ടാക്കും. നെയ്യിൽ പൂരിത കൊഴുപ്പുകളും അടങ്ങിയിട്ടുണ്ട്. ഈ കൊഴുപ്പിന്റെ അമിതമായ അളവ് ചീത്ത കൊളസ്‌ട്രോളിന്റെ അളവ് വർധിപ്പിക്കും. ഇത് ഹൃദയസംബന്ധമായ പ്രശ്‌നങ്ങളുടെ സാധ്യത വർധിപ്പിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വണ്ണം കുറയ്ക്കണോ? ഈ സമയത്ത് പഴങ്ങൾ കഴിച്ചോളൂ
• അമിതവണ്ണക്കാരിൽ ബീജങ്ങളുടെ എണ്ണം പൂജ്യമാകാനും വന്ധ്യതയ്ക്കും സാധ്യത, ശരിയാണോ?
• ദിവസവും തേൻ കഴിക്കാം, അദ്ഭുതപ്പെടുത്തും ഈ ഗുണങ്ങൾ
• ആപ്പിൾ കഴിക്കാൻ മടി കാട്ടേണ്ട; കൊളസ്ട്രോൾ നിയന്ത്രിക്കും, ദഹനം മെച്ചപ്പെടുത്തും