35 കിലോ കുറച്ച് ഞെട്ടിച്ച് ഭൂമി പട്നേക്കർ; ശരീര ഭാരം കുറയ്ക്കാൻ ചെയ്തത് ഈ 6 കാര്യങ്ങൾ

ബോളിവുഡ് നടി ഭൂമി പട്നേക്കർ ശരീര ഭാരം കുറച്ചത് എങ്ങനെയെന്ന് ഇപ്പോഴും അതിശയത്തോടെ നോക്കിക്കാണുന്ന നിരവധി പേരുണ്ട്. താരത്തിന്റെ ശരീരഭാരം കുറയ്ക്കൽ യാത്ര പലർക്കും പ്രചോദനമായിട്ടുണ്ട്. 2015-ൽ പുറത്തിറങ്ങിയ 'ദം ലഗാ കെ ഹെയ്ഷ' എന്ന ചിത്രത്തിലൂടെ അരങ്ങേറ്റം കുറിച്ച നടി, ആ ചിത്രത്തിലെ തന്റെ കഥാപാത്രത്തിനായി 30 കിലോയിലധികം ശരീര ഭാരം കൂട്ടിയിരുന്നു. പിന്നീട്, കർശനമായ ഡയറ്റോ കുറുക്കുവഴികളോ ഇല്ലാതെ 35 കിലോ കുറയ്ക്കുകയും ചെയ്തു. 

ഭൂമി പട്നേക്കർ ശരീര ഭാരം കുറച്ചതിനു പിന്നിലെ രഹസ്യം എന്താണ്?. ഭക്ഷണക്രമത്തിലെ മാറ്റങ്ങൾ മുതൽ ഫിറ്റ്നസ് ദിനചര്യകൾ വരെ, ശരീരഭാരം കുറയ്ക്കാൻ നടിയെ സഹായിച്ച കാര്യങ്ങൾ എന്തൊക്കെയാണെന്ന് അറിയാം. 

Also Read: 40 കിലോ സിംപിളായി കുറയ്ക്കാം; പാത്രത്തിൽ അവശേഷിക്കുന്നത് കഴിക്കാതിരിക്കൂ

1. ആരോഗ്യകരമായ ഭക്ഷണക്രമവും ഭാഗ നിയന്ത്രണവും

ശരീര ഭാരം കുറയ്ക്കാൻ ഭക്ഷണം ഒഴിവാക്കി ചെറിയ അളവിൽ കഴിക്കേണ്ട ആവശ്യമില്ല. പോഷകാഹാരത്തിലും ഭാഗനിയന്ത്രണത്തിലും ശ്രദ്ധിച്ചാൽ മതിയെന്നാണ് ഭൂമി പട്നേക്കറുടെ അഭിപ്രായം. "ഭക്ഷണം ഒരിക്കലും എനിക്ക് ശത്രുവായിരുന്നില്ല," ഭൂമി ഒരിക്കൽ ടൈംസ് ഓഫ് ഇന്ത്യയോട് പറഞ്ഞു, ഭക്ഷണത്തിൽ നിയന്ത്രണം വരുത്തുന്നതിനു പകരം ഭാഗ നിയന്ത്രണത്തിനും വീട്ടിൽ പാകം ചെയ്ത ഭക്ഷണത്തിനും മുൻഗണന നൽകി. ലീൻ പ്രോട്ടീനുകൾ, സബ്സി, സീസണൽ പഴങ്ങൾ എന്നിവയ്ക്ക് പ്രാധാന്യം കൊടുത്തു. 

2. പ്രഭാതഭക്ഷണം

എല്ലാ ദിവസവും രാവിലെ ആരോഗ്യകരമായ എന്തെങ്കിലും കഴിച്ചുതുടങ്ങി. പഴങ്ങൾ, ടോസ്റ്റ്, ഒരുപിടി കുതിർത്ത ബദാം എന്നിവ ദൈനംദിന ജീവിതത്തിന്റെ ഭാഗമാക്കി. നേരത്തെ ഭക്ഷണം കഴിക്കുന്നതിലൂടെ, ഊർജസ്വലത കുറയുന്നതും പിന്നീട് ആവശ്യമില്ലാത്ത ലഘുഭക്ഷണങ്ങളും ഒഴിവാക്കാൻ ഭൂമി പട്നേക്കറിന് കഴിഞ്ഞു.

Also Read: എന്താണ് 'സത്തു ചാസ്'? എങ്ങനെ തയ്യാറാക്കാം? സൂര്യാഘാതത്തിൽ നിന്ന് വരെ രക്ഷ നേടാം

3. വർക്ക്ഔട്ട്

ഒരേ തരത്തിലുള്ള വ്യായാമം ചെയ്യുന്നതിനുപകരം മാറി മാറി പരീക്ഷിച്ചു. ബുദ്ധിമുട്ടുള്ളതായി തോന്നിയ വ്യായാമങ്ങൾ ചെയ്യാതെ, പൈലേറ്റ്സ്, ഭാരോദ്വഹനം, നീണ്ട നടത്തം, നൃത്താധിഷ്ഠിത ദിനചര്യകൾ എന്നിവ പോലുള്ള ഇഷ്ടം തോന്നുന്ന വ്യായാമങ്ങൾ തിരഞ്ഞെടുത്തു.

4. മാനസികാരോഗ്യം

തന്റെ ആദ്യ സിനിമയ്ക്കായി ശരീരഭാരം കൂട്ടേണ്ടി വന്നിട്ടും, ആരാധകരുടെ സ്നേഹവും പിന്തുണയും ഭൂമി പട്നേക്കറെ മാനസികമായി ശക്തയാക്കി. ഭാരം കൂടിയത് ഒരു ബലഹീനതയായി കണക്കാക്കിയില്ല. എത്രയും വേഗത്തിൽ ശരീര ഭാരം കുറയ്ക്കുയെന്ന ലക്ഷ്യത്തിനായി അത് പ്രയോജനപ്പെടുത്തി. ലജ്ജയല്ല, ലക്ഷ്യബോധമാണ് ഈ മാറ്റത്തിന് കാരണമായത്. 

Also Read: വെറും വയറ്റിൽ ഇത്ര കറിവേപ്പില ചവയ്ക്കൂ, പ്രമേഹം നിയന്ത്രിക്കാം

5. ക്ഷമയും സമയവും

ഭാരം കുറയ്ക്കാനുള്ള യാത്രയിൽ ഭൂമി പട്നേക്കർ ആവശ്യത്തിന് സമയമെടുത്തു. ഒരു ക്രാഷ് ഘട്ടമോ സമയപരിധിയോ ഉണ്ടായിരുന്നില്ല. ഭാരം അളക്കുന്ന സ്കെയിലിലെ സംഖ്യയെക്കാൾ തന്റെ വസ്ത്രങ്ങൾ എങ്ങനെ യോജിക്കുന്നുവെന്നതിൽ ശ്രദ്ധിച്ചിരുന്നതായി നടി പറഞ്ഞു. വേഗത്തിൽ ശരീര ഭാരം കുറയ്ക്കുന്നതിന് ശ്രമിക്കാതിരുന്നതോടെ ശാശ്വതവും പാർശ്വഫലങ്ങളില്ലാത്തതുമായ പരിവർത്തനം നേടാൻ നടിക്ക് സാധിച്ചു.

View this post on Instagram

A post shared by Bhumi Pednekar (@bhumipednekar)

6. വികാരങ്ങളെക്കുറിച്ച് തുറന്നുപറയൽ

അതിരാവിലെയുള്ള സമ്മർദം, ആവശ്യമായ അച്ചടക്കം, വൈകാരികമായ ഭക്ഷണം കഴിക്കൽ, ഇടയ്ക്കിടെ സ്വയം സംശയം തോന്നുക എന്നിവയെക്കുറിച്ചുള്ള തന്റെ വികാരങ്ങൾ നടി തുറന്നുപറഞ്ഞു. ബോളിവുഡ് പോലൊരു ഗ്ലാമർ ലോകത്ത് അവർ സത്യസന്ധമായും യഥാർത്ഥമായും നിലനിൽക്കാൻ ശ്രമിച്ചു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: എല്ലാ ദിവസവും ചോറ് കഴിച്ചിട്ടും കുറച്ചത് 18 കിലോ; ശ്രദ്ധിച്ചത് ഒരേയൊരു കാര്യമെന്ന് യുവതി