എല്ലാ ദിവസവും ചോറ് കഴിച്ചിട്ടും കുറച്ചത് 18 കിലോ; ശ്രദ്ധിച്ചത് ഒരേയൊരു കാര്യമെന്ന് യുവതി

ഫിറ്റ്‌നസ് നിലനിർത്താനും ശരീര ഭാരം കുറയ്ക്കാനും തീരുമാനിക്കുമ്പോൾ, ആളുകൾ ആദ്യം ഉപേക്ഷിക്കുന്ന കാര്യങ്ങളിൽ ഒന്ന് ചോറാണ്. എന്നാൽ, ചോറ് ഉപേക്ഷിക്കാതെ ശരീര ഭാരം കുറയ്ക്കാൻ കഴിയുമെന്ന് തെളിയിക്കുകയാണ് ഫിറ്റ്‌നസ് പരിശീലകയായ അംബിക ജെയിൻ. ചോറ് ഉൾപ്പെടെയുള്ള ഭക്ഷണക്രമം പിന്തുടർന്നുകൊണ്ടാണ് താൻ 18 കിലോ കുറച്ചതെന്ന് അവർ പറയുന്നു. എല്ലാ ദിവസവും താൻ ചോറ് കഴിക്കാറുണ്ടായിരുന്നുവെന്നും അവർ വെളിപ്പെടുത്തി.

Also Read: വയറിലെ കൊഴുപ്പ് പെട്ടെന്ന് ഉരുകും, ചുമരിൽ ചാരി നിന്ന് ഇങ്ങനെ ചെയ്യൂ

ശരീര ഭാരം കുറയ്ക്കാൻ സഹായിച്ചത് എന്തൊക്കെ?

• ചോറ് കഴിക്കുന്ന അളവ് വളരെ ശ്രദ്ധിച്ചു. ചോറിന്റെ അളവ് ഏകദേശം അളക്കാൻ എപ്പോഴും ഒരു അളവ് പാത്രം (ഏകദേശം 120-150 ഗ്രാം) ഉപയോഗിച്ചു.
• പാത്രത്തിന്റെ പകുതിയും ഫൈബർ കൊണ്ട് നിറച്ചു. സാലഡും എനിക്ക് ഇഷ്ടമുള്ള ഏതെങ്കിലും ഗ്രീൻ സബ്ജിയും. സബ്ജി പാചകം ചെയ്യാൻ സമയമില്ലെങ്കിൽ സാലഡ് മാത്രം.
• പാത്രത്തിൽ കുറഞ്ഞത് പനീർ / പരിപ്പ് / ബീൻസ് / കടല / സോയ / മുട്ട തുടങ്ങി ഒരു പ്രോട്ടീൻ സ്രോതസെങ്കിലും ഉൾപ്പെടുത്തി.
• ദഹനം മെച്ചപ്പെടുത്താനും വയറു നിറഞ്ഞതായി തോന്നാനും തൈര്, മോര്, അല്ലെങ്കിൽ പഞ്ചസാര രഹിത ലസി പോലുള്ള കുറച്ച് പ്രോബയോട്ടിക്സ് കഴിച്ചു.
• രുചിക്കായി പ്ലേറ്റിൽ കുറച്ചു വറുത്ത ഐറ്റം കൂടി ചേർത്തു. അവയുടെ അളവ് ഒരിക്കലും 50 കലോറിയിൽ താഴെയാകില്ല. അതെന്റെ ഭക്ഷണത്തിന് രുചി കൂട്ടി, എനിക്ക് സംതൃപ്തി തോന്നി.

ഇത് സാധ്യമാണോ?

''നിങ്ങൾ എത്രമാത്രം കഴിക്കുന്നുവെന്നതാണ് പ്രധാനം. സമീകൃതാഹാരത്തിന്റെ ഭാഗമായി, ചോറ് കഴിക്കുന്നത് ശരീ ഭാരം കുറയ്ക്കുന്നതിനും കൊഴുപ്പ് കുറയ്ക്കുന്നതിനുമുള്ള ലക്ഷ്യങ്ങളെ പിന്തുണയ്ക്കും, ” താനെയിലെ കിംസ് ഹോസ്പിറ്റലിലെ ചീഫ് ഡയറ്റീഷ്യൻ ഡി.ഗുൽനാസ് ഷെയ്ഖ് പറഞ്ഞു.

Also Read: രാത്രിയിൽ നെഞ്ചിൽ നെയ്യ് പുരട്ടുന്നതിന്റെ ഗുണങ്ങൾ അറിയാമോ?

ചോറ് കഴിക്കുമ്പോൾ എന്താണ് ശ്രദ്ധിക്കേണ്ടത്?

''ഏതു ഭക്ഷണമായാലും അളവ് ആണ് പ്രധാനം. ഒരാൾക്ക് ഒരു ഭക്ഷണത്തിനൊപ്പം ഏകദേശം 120 മുതൽ 150 ഗ്രാം വരെ ചോറ് കഴിക്കാം. നാരുകൾ അടങ്ങിയ പച്ചക്കറികൾ പാത്രത്തിന്റെ പകുതി ഭാഗം നിറയ്ക്കുക, പരിപ്പ്, പനീർ, ബീൻസ് അല്ലെങ്കിൽ മുട്ട പോലുള്ള നല്ല പ്രോട്ടീൻ ഉറവിടം, തൈര് അല്ലെങ്കിൽ മോര് പോലുള്ള ഒരു പ്രോബയോട്ടിക് എന്നിവയുമായി ഇത് സംയോജിപ്പിക്കുക. ഇങ്ങനെ ചെയ്യുന്നത് ദഹനം മന്ദഗതിയിലാക്കുന്നു, രക്തത്തിലെ പഞ്ചസാരയുടെ വർധനവ് നിയന്ത്രിക്കാൻ സഹായിക്കുന്നു, കൂടുതൽ നേരം വയറു നിറഞ്ഞതായി തോന്നിപ്പിക്കുന്നു,” ഷെയ്ഖ് പറഞ്ഞു.

Also Read: വണ്ണം ഒരിക്കലും കുറയില്ല, ഈ 6 കാര്യങ്ങൾ ചെയ്യാതിരിക്കൂ

View this post on Instagram

A post shared by Ambika Jain | Fitness Trainer | Dietician | Online Weight loss (@fitwithambika)

ഇതെല്ലാവർക്കും അനുയോജ്യമാണോ?

ആരോഗ്യമുള്ള മിക്ക മുതിർന്നവർക്കും അനുയോജ്യമാണ്. കൊഴുപ്പ് കുറയ്ക്കാൻ ആഗ്രഹിക്കുന്നവർക്ക് ചോറ് ദൈനംദിന ഭക്ഷണത്തിന്റെ ഭാഗമാക്കാം. എന്നിരുന്നാലും, പ്രമേഹമോ പിസിഒഎസോ ഉള്ളവർ അവരുടെ ശരീരം ചോറിനോട് എങ്ങനെ പ്രതികരിക്കുന്നു എന്നത് ശ്രദ്ധിക്കണം. ചെറിയ അളവിൽ കഴിക്കുന്നതിലൂടെയോ അധിക നാരുകളും പ്രോട്ടീനും ചേർത്ത് കഴിക്കുന്നതിലൂടെയോ അവർക്ക് പ്രയോജനം ലഭിച്ചേക്കാമെന്ന് അദ്ദേഹം അഭിപ്രായപ്പെട്ടു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പഴങ്ങൾ അമിതമായി കഴിക്കരുത്, എന്തുകൊണ്ട്?