ഓർമ്മ ശക്തി വർധിപ്പിക്കാം; വാൽനട്ട് ഇങ്ങനെ കഴിച്ചു നോക്കൂ

സാധാരണ മധുരപലഹാരങ്ങളിൽ രുചിക്കായി ചേർക്കുന്നതിനു പുറമേ, വാൽനട്ട് ധാരാളം ആരോഗ്യ ആനുകൂല്യങ്ങൾ വാഗ്ദാനം ചെയ്യുന്നു. ആൻറി ഓക്സിഡൻറുകൾ, നാരുകൾ, ആരോഗ്യകരമായ കൊഴുപ്പുകൾ എന്നിവയാൽ നിറഞ്ഞ ഈ നട്സ് ഉയർന്ന പോഷകഗുണമുള്ളതാണ്. ഹൃദയാരോഗ്യം, തലച്ചോറിന്റെ പ്രവർത്തനം, ഭാരം നിയന്ത്രിക്കൽ, പ്രമേഹ നിയന്ത്രണം എന്നിവയിൽ വാൽനട്ടിലെ പോഷകങ്ങൾ സുപ്രധാന പങ്ക് വഹിക്കുന്നുണ്ട്. 

വാൽനട്ടിൽ നല്ല പ്രോബയോട്ടിക്സ് അടങ്ങിയിട്ടുണ്ട്. കുടലിന്റെ ആരോഗ്യത്തിന് ഇത് അത്യന്താപേക്ഷിതമാണ്. അവ കുടൽ ബാക്ടീരിയകളെ പോഷിപ്പിക്കുകയും മലബന്ധം തടയുകയും ചെയ്യുന്നു. ഇവയിലെ സംയുക്തങ്ങൾ ദഹനവ്യവസ്ഥയിലെ വീക്കം, കുടൽ തകരാറുകൾ എന്നിവയുടെ ലക്ഷണങ്ങൾ കുറയ്ക്കുന്നു.

വാൽനട്ട് തലച്ചോറിൻ്റെ പ്രവഞ്ഞത്തനത്തിന് ആവശ്യമായ ഇന്ധനം നൽകുന്നു എന്ന് വിദഗ്ധർ പറയുന്നു. വാൽനട്ട് കഴിക്കുന്നത് അറിവ്, ഓർമ്മശക്തി, ശ്രദ്ധ, ഏകാഗ്രത എന്നിവ  മെച്ചപ്പെടുത്തുമെന്ന് മനുഷ്യരിൽ നടത്തിയ പഠനങ്ങളിൽ കണ്ടെത്തിയതായി ഹൈദരാബാദിലെ അപ്പോളോ ഹോസ്പിറ്റൽസിലെ കൺസൾട്ടന്റ് ന്യൂറോളജിസ്റ്റ് ഡോ.സുധീർ കുമാർ അഭിപ്രായപ്പെട്ടു. ഓർമശക്തി വർധിപ്പിക്കുന്നതിന് ഏതൊക്കെ രീതിയിൽ വാൽനട്ട് ഉപയോഗിക്കാം എന്ന് പരിചയപ്പെടാം.

കുതിർത്തെടുത്ത വാൽനട്ട്

ഒരു രാതി മുഴുവൻ വാൽനട്ട് വെള്ളത്തിൽ കുതിർത്തു വയ്ക്കാം.​ ഇത് നട്സിലെ എൻസൈമുകളെ ആക്ടീവ് ആക്കുന്നു. വെള്ളത്തിൽ കുതിർത്തു വയ്ക്കുന്നതിലൂടെ കൂടുതൽ സോഫ്റ്റാകും. അതിനാൽ ദഹനാരോഗ്യം, ഒമേഗ 3 ഫാറ്റി ആസിഡ് എന്നിവയുടെ ആഗിരണം മെച്ചപ്പെടുത്തുന്നു. ഇത് ഓർമ്മ ശക്തി വർധിപ്പിക്കുന്നതിന് ഗുണകരമാണ്. 

സ്മൂത്തി

രാവിലെ തയ്യാറാക്കുന്ന സ്മൂത്തിയിലേയ്ക്ക് ഒരുപിടി വാൽനട്ട് ചേർക്കാം. ആരോഗ്യകരമായ കൊഴുപ്പും ധാരാളം ആൻ്റി ഓക്സിഡൻ്റുകളും ഇതിൽ അടങ്ങിയിരിക്കുന്നതിനാൽ ശരീരത്തിന് മാത്രമല്ല തലച്ചോറിന് ഉന്മേഷം പ്രദാനം ചെയ്യും. 

വാൽനട്ട് മിക്സ്

പൊടിച്ചെടുത്ത വാൽനട്ട് ഓട്സിലേയ്ക്കു ചേർത്ത് കഴിക്കാവുന്നതാണ്. ഓട്സിൽ ധാരാളം നാരുകൾ അടങ്ങിയിട്ടുണ്ട്. അതിനൊപ്പം വാൽനട്ടിലെ ഒമേഗ 3 ഫാറ്റി അഡിഡും ചേരുമ്പോൾ ആരോഗ്യകരമായ ബ്രേക്ക്ഫാസ്റ്റാക്കി മാറ്റാം. 

സീഡ് മിക്സ്

ബദാം, പിസ്ത, കശുവണ്ടി എന്നിങ്ങനെയുള്ള നട്സിനൊപ്പം വാൽനട്ട് പൊടിച്ചു ചേർക്കാം. അത് ഇടയ്ക്ക് സ്നാക്കായി കഴിക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• നെയ്യോ വെളിച്ചെണ്ണയോ: ആരോഗ്യ കാര്യത്തിൽ മുന്നിൽ ആര്?
• പ്രതിരോധ ശേഷി വർധിപ്പിക്കാൻ ഉണക്കമുന്തിരി ഇങ്ങനെ ഉപയോഗിക്കൂ
• പ്രമേഹ നിയന്ത്രണം മുതൽ ദഹനാരോഗ്യം വരെ: കാഴ്ചയിലും ഗുണത്തിലും വ്യത്യസ്തനാണ് ഡ്രാഗൺ ഫ്രൂട്ട്
• വാളൻ പുളി കഴിച്ച് ശരീര ഭാരം കുറയ്ക്കാം; പ്രമേഹമുള്ളവർക്കും ഗുണകരം