ക്രൂസിഫറസ് പച്ചക്കറികൾ പാചകം ചെയ്യുമ്പോൾ കടുക് ചേർക്കണം, എന്തുകൊണ്ട്?

കാൻസർ പ്രതിരോധ ഗുണങ്ങൾക്ക് പേരുകേട്ടതാണ് ക്രൂസിഫറസ് പച്ചക്കറികൾ. ഇവയിൽ പൊതുവെ കലോറി കുറവാണ്, കൂടാതെ നാരുകൾ, ഫോളേറ്റ്, വിറ്റാമിനുകൾ സി, ഇ, കെ എന്നിവയാൽ സമ്പന്നവുമാണ്. ക്രൂസിഫറസ് പച്ചക്കറികൾ ആന്റിഓക്‌സിഡന്റുകളും ആന്റി ഇൻഫ്ലാമേറ്ററി ഗുണങ്ങളും അടങ്ങിയ ഗുണകരമായ സസ്യ സംയുക്തങ്ങളുടെ നല്ല ഉറവിടമാണ്. ഇവ പതിവായി കഴിക്കുന്നത് കാൻസർ, ഹൃദ്രോഗം എന്നിവയുൾപ്പെടെ നിരവധി വിട്ടുമാറാത്ത രോഗങ്ങളുടെ സാധ്യത കുറയ്ക്കുന്നു.

ബ്രോക്കോളി, കാബേജ്, കോളിഫ്‌ളവർ, കാലെ തുടങ്ങിയവ ക്രൂസിഫറസ് പച്ചക്കറികളിൽ ഉൾപ്പെടുന്നു. ക്രൂസിഫറസ് പച്ചക്കറികൾക്ക് സാധാരണയായി ആന്റി-ഇൻഫ്ലമേറ്ററി ഗുണങ്ങളുണ്ട്. എന്നിരുന്നാലും, അവ തയ്യാറാക്കുമ്പോൾ ഒരു ചേരുവ ചേർത്തുകൊണ്ട് ഈ ഗുണങ്ങൾ വർധിപ്പിക്കാൻ കഴിയും. ഗ്യാസ്ട്രോഎൻട്രോളജിസ്റ്റ് ഡോ.സൗരഭ് സേഥി ക്രൂസിഫറസ് പച്ചക്കറികൾ തയ്യാറാക്കുമ്പോൾ കടുക് ചേർക്കുന്നത് അവയുടെ ആന്റി ഇൻഫ്ലാമേറ്ററി ഗുണങ്ങൾ വർധിപ്പിക്കുമെന്ന് അഭിപ്രായപ്പെട്ടു.

Also Read: 8 ആഴ്ച കൊണ്ട് 8 കിലോ സിംപിളായി കുറയ്ക്കാം, ഈ 8 കാര്യങ്ങൾ ചെയ്യൂ

"കാബേജ്, കോളിഫ്ലവർ തുടങ്ങിയ ക്രൂസിഫറസ് പച്ചക്കറികൾ പാചകം ചെയ്യുമ്പോൾ കടുക് ചേർക്കുകയാണെങ്കിൽ, എൻസൈമുകൾ പ്രകൃതിദത്ത ആന്റി ഇൻഫ്ലാമേറ്ററി സംയുക്തമായ സൾഫോറാഫെയ്ൻ വർധിപ്പിക്കുമെന്ന് അദ്ദേഹം വീഡിയോയിൽ വ്യക്തമാക്കി. കടുകിന് വീക്കം തടയാനുള്ള ഗുണങ്ങളുണ്ട്. ചെമ്പ്, കാൽസ്യം, ഇരുമ്പ്, മഗ്നീഷ്യം, ഫോസ്ഫറസ്, പൊട്ടാസ്യം, സോഡിയം, സിങ്ക്, മാംഗനീസ്, വിറ്റാമിൻ സി, വിറ്റാമിൻ ബി6, ഫോളിക് ആസിഡ്, സെലിനിയം തുടങ്ങിയ നിരവധി അവശ്യ വിറ്റാമിനുകളും ധാതുക്കളും ഇവയിൽ ധാരാളമായി അടങ്ങിയിട്ടുണ്ടെന്നും അദ്ദേഹം പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More

• കൊഴുപ്പ് നീക്കി അരക്കെട്ട് ഭംഗിയാക്കാൻ ഈ ഭക്ഷണത്തോട് 'നോ' പറഞ്ഞോളൂ
• പാചകത്തിന് ഏത് എണ്ണയാണ് ഏറ്റവും നല്ലത്?
• അത്താഴം 7 മണിക്കോ 9 നോ? ശരീര ഭാരം കുറയാൻ എപ്പോൾ കഴിക്കണം