1 വർഷം കൊണ്ട് 43 കിലോ കുറയ്ക്കാം, ഇതാ 4 ടിപ്‌സുകൾ

കഠിനമായ ഡയറ്റോ പതിവ് വർക്ക്ഔട്ടുകളോ ഇല്ലാതെയാണ് ആൻഡ്രിയ എന്ന യുവതി ഒരു വർഷം കൊണ്ട് 43 കിലോ കുറച്ചത്. ശരീര ഭാരം കുറയ്ക്കാൻ ഒരു വർഷമായി താൻ പിന്തുടർന്ന ശീലങ്ങളെക്കുറിച്ചുള്ള പോസ്റ്റ് അവർ ഇൻസ്റ്റഗ്രാമിൽ ഷെയർ ചെയ്തിട്ടുണ്ട്. 12 മാസത്തിനുള്ളിൽ അമിതമായ ഭക്ഷണക്രമമോ വ്യായാമമോ ഇല്ലാതെ 43 കിലോ കുറയ്ക്കാൻ കഴിഞ്ഞതായി അവർ വെളിപ്പെടുത്തി. ഇതിന് തനിക്ക് സഹായകരമായ 4 ടിപ്സിനെക്കുറിച്ചും അവർ വിശദീകരിച്ചിട്ടുണ്ട്. 

Also Read: ഫിറ്റാണ്, പക്ഷേ ശരീരഭാരം കുറയ്ക്കാൻ കഴിയുന്നില്ലേ? ചൂടുവെള്ളത്തിൽ ഈ പൊടി ചേർത്ത് കുടിക്കൂ

1. കലോറി കുറവുള്ള ഭക്ഷണം കഴിക്കുക

ഒരു ദിവസം ആവശ്യമായ കലോറിയുടെ അളവ് മനസിലാക്കി. അതിനു താഴെയാണ് ഭക്ഷണം കഴിക്കുന്നതെന്ന് ഉറപ്പു വരുത്തി. ഇഷ്ടപ്പെട്ട ഭക്ഷണങ്ങളൊന്നും ഒഴിവാക്കിയില്ല. അവയെല്ലാം എന്റെ ഭക്ഷണക്രമത്തിൽ ഉൾപ്പെടുത്തി. പക്ഷേ, കഴിക്കുന്ന അളവും കലോറി ഉപഭോഗവും പരിധി കവിയുന്നില്ലെന്ന് ശ്രദ്ധിച്ചത് ശരീര ഭാരം കുറയ്ക്കുന്നത് എളുപ്പമാക്കി. 

2. പ്രോട്ടീനിന് മുൻഗണന നൽകുക

പല കാരണങ്ങളാൽ ശരീരഭാരം കുറയ്ക്കുന്നവർക്ക് പ്രോട്ടീൻ വളരെ പ്രധാനമാണ്. ഒന്നാമതായി, ഇത് സംതൃപ്തി വർധിപ്പിക്കുകയും കൂടുതൽ നേരം വയറുനിറഞ്ഞിരിക്കാൻ സഹായിക്കുകയും ചെയ്യുന്നു. രണ്ടാമതായി, ഉപാപചയപ്രവർത്തനത്തെ വർധിപ്പിക്കുന്നു. മൂന്നാമതായി, പേശികൾക്ക് ബലം നൽകുന്നു. 

Also Read: വെറും വയറ്റിൽ ഒരു കഷ്ണം ഇഞ്ചി ചവയ്ക്കാം, 7 ആരോഗ്യ ഗുണങ്ങൾ

3. നടത്തത്തിൽ ശ്രദ്ധിക്കുക

ശരീരഭാരം കുറയ്ക്കാൻ കാർഡിയോ ചെയ്യുന്നതിനുപകരം, മറ്റു ദൈനംദിന പ്രവൃത്തികളിൽ കൂടി ശ്രദ്ധ കേന്ദ്രീകരിക്കുക. ഒരു ദിവസം കുറഞ്ഞത് 10,000 ചുവടുകൾ നടക്കുക.

View this post on Instagram

A post shared by Andrea | CPT & Online Coach | YYC (@andimichellefit)

Also Read: രാവിലെ വ്യായാമം വേണ്ട, ഡയറ്റ് വേണ്ടേ വേണ്ട; വണ്ണം കുറയ്ക്കാൻ ഈ 11 കാര്യങ്ങൾ മതി

4. പതിവായുള്ള സ്ട്രെങ്ത് ട്രെയിനിങ്

ശരീരഭാരം കുറയ്ക്കുമ്പോൾ സ്ട്രെങ്ത് ട്രെയിനിങ് വളരെ പ്രധാനമാണ്. നടത്തം, ഓട്ടം, സൈക്ലിങ്‌ പോലുള്ള കാര്‍ഡിയോ വ്യായാമത്തിനൊപ്പം ഭാരം ഉയര്‍ത്തുന്നത്‌ പോലുള്ള സ്‌ട്രെങ്‌ത്‌ ട്രെയ്‌നിങ്‌ വ്യായാമങ്ങളും ചെയ്യുന്നത്‌ പേശികളുടെ ഘനം നിലനിര്‍ത്തിക്കൊണ്ട്‌ തന്നെ ഭാരം കുറയ്ക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: രക്തത്തിലെ പഞ്ചസാരയുടെ അളവ് പരിശോധിക്കാൻ സമയം നോക്കണോ?