കുടലിന്റെ ആരോഗ്യം കാക്കണോ? അടുക്കളയിലുള്ള ഈ 4 ഭക്ഷണങ്ങൾ കഴിക്കൂ

ശാരീരികവും മാനസികവുമായ ആരോഗ്യം പോലെ പ്രധാനമാണ് കുടലിന്റെ ആരോഗ്യവും. കുടലിന്റെ ശരിയായ പ്രവർത്തനം മൊത്തത്തിലുള്ള ആരോഗ്യത്തിന് അത്യന്താപേക്ഷിതമാണ്. നമ്മൾ കഴിക്കുന്ന ഭക്ഷണങ്ങളെ വിഘടിപ്പിക്കുകയും ശരീരത്തിന്റെ പ്രവർത്തനങ്ങൾക്ക് ആവശ്യമായ പോഷകങ്ങൾ ആഗിരണം ചെയ്യുകയും ചെയ്യുക എന്നതാണ് കുടലിന്റെ പ്രധാന ജോലി. ശരീരത്തിലെ എല്ലാ അവയവങ്ങളുടെയും പ്രവർത്തനത്തിന് കുടലിന്റെ ആരോഗ്യം പ്രധാനമാണെന്ന് വിദഗ്ധർ പറയുന്നു.

കുടലിന്റെ ആരോഗ്യം മെച്ചപ്പെടുത്താൻ കഴിക്കേണ്ട 4 ഭക്ഷണങ്ങളെക്കുറിച്ച് ന്യൂട്രീഷ്യനിസ്റ്റ് ദീപ്‌ശിഖ ജെയിൻ ഇൻസ്റ്റഗ്രാം വീഡിയോയിൽ വിശദീകരിച്ചിട്ടുണ്ട്. "കുടലിന്റെ ആരോഗ്യം മെച്ചപ്പെടുത്തുന്നതിന് ഫലപ്രദമായ നിരവധി ഭക്ഷണങ്ങളുണ്ട്, പക്ഷേ കുടലിന്റെ ആരോഗ്യം മെച്ചപ്പെടുത്താൻ വീട്ടിൽ തന്നെ ലഭ്യമായ ചില ഓപ്ഷനുകളാണിവ," അവർ വിശദീകരിച്ചു.

1. തൈര്

ദീപ്ഷിക ആദ്യം കഴിക്കാൻ നിർദേശിച്ചത് തൈര് അല്ലെങ്കിൽ യോഗർട്ട് ആണ്. രണ്ടും 'ലാക്ടോബാസിലസ് ബാക്ടീരിയയാൽ സമ്പന്നമായതിനാൽ അവ കുടലിന്റെ ആരോഗ്യം മെച്ചപ്പെടുത്താൻ സഹായിക്കുന്നു, കൂടാതെ പ്രോബയോട്ടിക്സിന്റെ ഉറവിടവുമാണ്.

2. നല്ല കൊഴുപ്പുകൾ

നല്ല കൊഴുപ്പ് അടങ്ങിയ ഭക്ഷണങ്ങൾ കഴിക്കുന്നത് കുടലിനെ സുഖപ്പെടുത്താനുള്ള മറ്റൊരു മാർഗമാണ്. നട്‌സ്, സീഡ്സ് അല്ലെങ്കിൽ ഒലിവ് ഓയിൽ എന്നിവ മികച്ച ഓപ്ഷനുകളാണ്. അവ കുടലിന്റെ ഭിത്തിയെ ശക്തിപ്പെടുത്തുകയും വീക്കം കുറയ്ക്കുകയും ചെയ്യുമെന്ന് ന്യൂട്രീഷ്യനിസ്റ്റ് പറഞ്ഞു.

3. പച്ചക്കറികളും ഉയർന്ന നാരുകളുള്ള ഭക്ഷണക്രമവും

ന്യൂട്രീഷ്യനിസ്റ്റ് മൂന്നാമത്തെ ഭക്ഷണമായി നിർദേശിച്ചത് പച്ചക്കറികളും ഉയർന്ന നാരുകളുള്ള ഭക്ഷണക്രമവുമാണ്. നാരുകൾ കുടലിന്റെ ഏറ്റവും നല്ല സുഹൃത്താണ്. ഇവ നല്ല കുടൽ ബാക്ടീരിയകളെ വളർത്തുകയും കുടലിന്റെ ആരോഗ്യം മെച്ചപ്പെടുത്തുകയും ചെയ്യുന്നു.

View this post on Instagram

A post shared by Deepsikha Jain (@fries.to.fit)

4. കാപ്പി

കുടലിന്റെ ആരോഗ്യം നിലനിർത്തുക എന്നതാണ് നിങ്ങളുടെ ലക്ഷ്യമെങ്കിൽ ഒരു കപ്പ് കട്ടൻ കാപ്പി കുടിക്കുക. ബ്ലാക്ക് കോഫിയിൽ പോളിഫെനോളുകൾ ധാരാളം അടങ്ങിയിട്ടുണ്ട്. ഇവ കുടലിന്റെ ആരോഗ്യം മെച്ചപ്പെടുത്തുകയും ശക്തിപ്പെടുത്തുകയും ചെയ്യുമെന്ന് ന്യൂട്രീഷ്യനിസ്റ്റ് അഭിപ്രായപ്പെട്ടു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• തൈറോയ്ഡ് പ്രശ്നമുള്ളവർക്ക് പേടി വേണ്ട, കഴിക്കാം ഈ 8 ഭക്ഷണങ്ങൾ
• അനന്യ പാണ്ഡ്യയുടെ ആരോഗ്യ രഹസ്യം ജീരക വെള്ളം; അറിയാം ഗുണങ്ങൾ
• പ്രായം 40 ലാണോ? ശരീരഭാരം കുറയ്ക്കാൻ ബുദ്ധിമുട്ടുന്നുണ്ടോ? 9 ടിപ്‌സുകൾ
• എത്ര ശ്രമിച്ചിട്ടും വണ്ണം കുറയാത്തതിന്റെ 4 കാരണങ്ങൾ