നെല്ലിക്കയ്ക്ക് ഒപ്പം കറിവേപ്പില കൂടി ചേർത്ത് കഴിക്കൂ, നേടാം 3 ആരോഗ്യ ഗുണങ്ങൾ

ആരോഗ്യകരമായ ഭക്ഷണക്രമത്തെക്കുറിച്ചും അവ എങ്ങനെയാണ് ശരീരത്തിന് ഗുണം ചെയ്യുന്നത് എന്നതിനെക്കുറിച്ചുമുള്ള ടിപ്സുകൾ ന്യൂട്രീഷ്യനിസ്റ്റ് ദീപ്‌സിഖ ജെയിൻ ഇൻസ്റ്റഗ്രാമിൽ ഇടയ്ക്കിടെ പോസ്റ്റ് ചെയ്യാറുണ്ട്. ആരോഗ്യത്തിന് ഗുണകരമായ ചില ഭക്ഷണ കോമ്പിനേഷനുകളെക്കുറിച്ചും അവർ പറയാറുണ്ട്. അടുത്തിടെ നെല്ലിക്കയും കറിവേപ്പിലയും കഴിക്കാൻ നിർദേശിക്കുകയും അവ നൽകുന്ന ഗുണങ്ങൾ പട്ടികപ്പെടുത്തുകയും ചെയ്യുന്നൊരു പോസ്റ്റ് ഷെയർ ചെയ്യുകയുണ്ടായി. 

ഈ കോമ്പിനേഷന് അത്ഭുതങ്ങൾ സൃഷ്ടിക്കാൻ കഴിയും. ആന്റിഓക്‌സിഡന്റുകളാൽ സമ്പന്നമായതിനാൽ നെല്ലിക്കയും കറിവേപ്പിലയും വളരെ ആരോഗ്യകരവും ശരീരത്തിന് ഗുണം ചെയ്യുന്നവയുമാണെന്ന് അവർ പറഞ്ഞു. ഇവ രണ്ടും ഒരുമിച്ച് ചേർത്താൽ കിട്ടുന്ന ആരോഗ്യ ഗുണങ്ങൾ എന്തൊക്കെയാണെന്ന് നോക്കാം.

Also Read: പ്രഭാത ഭക്ഷണം ഒഴിവാക്കുക, ഉറക്ക കുറവ്; ശരീരഭാരം വർധിപ്പിക്കുന്ന 6 ശീലങ്ങൾ

1. ആരോഗ്യമുള്ള മുടി

നെല്ലിക്കയിൽ വിറ്റാമിൻ സിയും കറിവേപ്പിലയിൽ ബീറ്റാ കരോട്ടിനും ധാരാളം ഉള്ളതിനാൽ നെല്ലിക്ക കറിവേപ്പിലയുമായി സംയോജിപ്പിക്കുന്നത് മുടിയുടെ ആരോഗ്യം മെച്ചപ്പെടുത്തും. ഇവ രണ്ടും മുടിയുടെ ഘടന മെച്ചപ്പെടുത്താനും ശക്തിപ്പെടുത്താനും അകാല നര കുറയ്ക്കാനും സഹായിക്കും.

Also Read: രാത്രിയിൽ 7 മണിക്ക് ഭക്ഷണം കഴിക്കും, 35 വർഷമായി തുടരുന്ന ശീലം: നാഗാർജുന

2. പ്രമേഹം മാറ്റാനും രക്തത്തിലെ പഞ്ചസാര നിയന്ത്രിക്കാനും

ഈ കോമ്പിനേഷൻ പ്രമേഹത്തെ മാറ്റാനും രക്തത്തിലെ പഞ്ചസാര നിയന്ത്രിക്കാനും സഹായിക്കും. കാരണം രണ്ടിലും നാരുകൾ ധാരാളമായി അടങ്ങിയിട്ടുണ്ട്. ഇത് രക്തത്തിലെ പഞ്ചസാരയുടെ വർധനവ് കുറയ്ക്കാൻ സഹായിക്കും.

Also Read: ശരീര ഭാരം 25 കിലോ കുറയ്ക്കാം, 17 വർഷത്തോളം നിലനിർത്താം; ഇതാ 5 വഴികൾ

3. ആന്റിഓക്‌സിഡന്റുകളാൽ സമ്പന്നം

നെല്ലിക്കയും കറിവേപ്പിലയും ആന്റിഓക്‌സിഡന്റുകളാൽ സമ്പന്നമാണ്. വിറ്റാമിൻ സി അല്ലെങ്കിൽ ഇ അല്ലെങ്കിൽ കരോട്ടിനോയിഡുകൾ പോലുള്ള ചില പോഷകങ്ങളാണ് ആന്റിഓക്‌സിഡന്റുകൾ. ഇവ കോശങ്ങളെ ദൈനംദിന നാശത്തിൽ നിന്ന് സംരക്ഷിക്കാൻ സഹായിക്കുന്നു. വീക്കം കുറയ്ക്കാനും ഹൃദയാരോഗ്യം മെച്ചപ്പെടുത്താനും തിളങ്ങുന്ന ചർമ്മം നൽകാനും സഹായിക്കും.

View this post on Instagram

A post shared by Deepsikha Jain (@fries.to.fit)

നെല്ലിക്കയോടൊപ്പം കറിവേപ്പില എങ്ങനെ കഴിക്കാം?

ഇവ രണ്ടും വെവ്വേറെയായി കഴിക്കാം. അതല്ലെങ്കിൽ നിങ്ങളുടെ വെജിറ്റബിൾ ജ്യൂസിൽ ചേർത്ത് കഴിക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: വായ്‌നാറ്റം ഉടനടി മാറിക്കിട്ടും, ഇത് ഒരെണ്ണം ചവച്ചു നോക്കൂ