ഉറക്കം ഉണർന്നയുടൻ 1 ലിറ്റർ വെള്ളം കുടിക്കും, മധുരക്കിഴങ്ങ് ഏറെ ഇഷ്ടം; രാശ്മിക മന്ദാനയുടെ ഡയറ്റ് രഹസ്യം

തെന്നിന്ത്യൻ താരം രാശ്മിക മന്ദാന 29-ാം വയസിലും ഫിറ്റ്നസിൽ യാതൊരു വിട്ടുവീഴ്ചയ്ക്കും തയ്യാറാകാത്ത നടിയാണ്. ഭക്ഷണകാര്യത്തിലും പതിവ് വ്യായാമത്തിലും നടി പ്രത്യേകം ശ്രദ്ധ ചെലുത്താറുണ്ട്. ഏറെക്കുറെ സസ്യാഹാരിയാണ് രാശ്മിക. ഒരു ലിറ്റർ വെള്ളം കുടിച്ചാണ് നടി ദിവസം ആരംഭിക്കുന്നത്. ദഹനവും ഉപാപചയപ്രവർത്തനവും വർധിപ്പിക്കാൻ സഹായിക്കുന്ന ആപ്പിൾ സിഡെർ വിനെഗറും കുടിക്കാറുണ്ട്. 2024 ൽ പിങ്ക്‌വില്ലയ്ക്ക് നൽകിയ അഭിമുഖത്തിൽ രാശ്മിക തന്റെ ഡയറ്റിനെക്കുറിച്ച് വെളിപ്പെടുത്തി. 

രാവിലെ ഉറക്കം ഉണർന്ന ഉടൻ ഒരു ലിറ്ററോളം വെള്ളം കുടിക്കാറുണ്ടെന്ന് നടി അഭിമുഖത്തിൽ വെളിപ്പെടുത്തി. ''ഡയറ്റീഷ്യന്റെ നിർദേശപ്രകാരം എല്ലാ ദിവസവും ആപ്പിൾ സിഡെർ വിനെഗർ കുടിക്കാറുണ്ട്. വ്യായാമത്തിനുശേഷം മുട്ട കഴിക്കാറുണ്ട്. എന്റെ പ്രിയപ്പെട്ട പ്രഭാതഭക്ഷണം മുമ്പ് അവോക്കാഡോ ടോസ്റ്റായിരുന്നു, പക്ഷേ എന്റെ ഡയറ്റീഷ്യൻ, അത് കഴിക്കാൻ എന്നെ അനുവദിക്കാറില്ല,'' നടി പറഞ്ഞു.

ഉച്ചഭക്ഷണത്തിന്, ഞാൻ ഒരു ദക്ഷിണേന്ത്യൻ ഭക്ഷണക്കാരിയാണ്. പക്ഷേ ചോറ് ഒരുപാട് കഴിക്കാറില്ല. എല്ലാ കറികളും ഒരുമിച്ച് ചേർത്താണ് ഞാൻ ചോറ് കഴിക്കാറുള്ളത്. അത്താഴം എപ്പോഴും ലഘുവായിട്ടാണ് കഴിക്കാറുള്ളതെന്ന് രാശ്മിക പറഞ്ഞു. എല്ലാ ദിവസവും ഡെസർട്ട് കഴിക്കാറുണ്ട്. തക്കാളി, ഉരുളക്കിഴങ്ങ്, വെള്ളരിക്ക, കാപ്സിക്കം തുടങ്ങിയ ചില പച്ചക്കറികളോട് തനിക്ക് അലർജിയുണ്ടെന്ന് രാശ്മിക പറഞ്ഞു. മധുരക്കിഴങ്ങ് കഴിക്കാൻ തനിക്കേറെ ഇഷ്ടമാണെന്നും നടി പറഞ്ഞു.

എല്ലാ ദിവസവും താൻ വ്യായാമം ചെയ്യാറുണ്ടെന്നും രാശ്മിക പറഞ്ഞു. ഷൂട്ടിങ് കാരണം വൈകുന്നേരങ്ങളിലാണ് വ്യായാമം ചെയ്യാൻ തനിക്ക് ഇഷ്ടമെന്ന് നടി പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ജോലിക്ക് പോകുന്നതിനു മുൻപായി ഭാര്യയെ ചുംബിക്കൂ; 4 വർഷം കൂടുതൽ ജീവിക്കും 
• രണ്ടര വർഷം കൊണ്ട് 75 കിലോ കുറച്ചു, അമ്പരപ്പിച്ച് യുവാവിന്റെ മാറ്റം
• പുലർച്ചെയുള്ള നടത്തം, ഇന്റർമിറ്റന്റ് ഫാസ്റ്റിങ്; 54-ാം വയസിലെ മാധവന്റെ ഫിറ്റ്നസ് രഹസ്യം
• പ്രായം 40 ൽ ആണോ? ശരീര ഭാരം നിയന്ത്രിക്കാൻ ഈ 5 ഭക്ഷണങ്ങൾ ഒഴിവാക്കൂ