അടുക്കള കീഴടക്കിയ പാറ്റകളെ തുരത്താൻ ഒരു സ്പൂൺ വിനാഗിരി ഉപയോഗിക്കാം

പാറ്റകൾ വീടിന്, പ്രത്യേകിച്ച് അടുക്കളയ്ക്ക് ഒരു ശല്യമാണ്. വൃത്തിഹീനമായ അന്തരീക്ഷത്തിൽ ഇവ വേഗത്തിൽ പെരുകുകയും രോഗങ്ങൾ പരത്തുകയും ചെയ്യും. ഇവയെ തുരത്താൻ വിനാഗിരി ഒരു മികച്ച പ്രകൃതിദത്ത മാർഗ്ഗമാണ്. വിനാഗിരി പാറ്റകളെ കൊല്ലുന്നില്ലെങ്കിലും, അതിന്റെ രൂക്ഷമായ ഗന്ധം കാരണം അവയെ അടുക്കളയിൽ നിന്ന് അകറ്റി നിർത്താൻ ഇത് സഹായിക്കും. കൂടാതെ, വിനാഗിരി ഒരു നല്ല ക്ലീനിംഗ് ഏജന്റായതുകൊണ്ട് അടുക്കളയിലെ ഭക്ഷണാവശിഷ്ടങ്ങൾ നീക്കാനും ഇത് സഹായിക്കുന്നു, ഇത് പാറ്റകളെ ആകർഷിക്കുന്ന പ്രധാന കാരണം ഇല്ലാതാക്കും.

Also Read: ഒരു മുറി നാരങ്ങ മതി, ഇനി അടുക്കളയിലെ പാറ്റകളെ അതിവേഗം തുരത്താം

ചേരുവകൾ

• വെളുത്ത വിനാഗിരി
• വെള്ളം
• ചൂടുവെള്ളം

തയ്യാറാക്കുന്ന വിധം

ഒരു കപ്പ് വിനാഗിരിയിലേയ്ക്ക് തുല്യ അളവിൽ വെള്ളം ഒഴിച്ച് നേർപ്പിക്കാം. ഇത് നന്നായി ഇളക്കി യോജിപ്പിക്കാം. ലഭ്യമെങ്കിൽ ഒരു സ്പൂൺ ബേക്കിംഗ് സോഡയും ചേർക്കാം. ഇത് ഒരു സ്പ്രേ ബോട്ടിലിലേയ്ക്കു മാറ്റാം. 

Also Read: ഒരു സ്പൂൺ പഞ്ചസാര മതി, അടുക്കളയിലെ ഈച്ച ശല്യം ഞൊടിയിടയിൽ കുറയ്ക്കാം

Also Read: ഒരു സ്പൂൺ കുരുമുളക് ഉണ്ടെങ്കിൽ അടുക്കളയിൽ ഒളിച്ചിരിക്കുന്ന പല്ലികളെ ഇനി മിനിറ്റുകൾക്കുള്ളിൽ തുരത്താം

ഉപയോഗിക്കേണ്ട വിധം

• പാറ്റകൾ സാധാരണയായി ഒളിച്ചിരിക്കുന്ന അടുക്കള കൗണ്ടറുകൾ, കാബിനറ്റുകൾ, എന്നിവ ഈ മിശ്രിതം ഉപയോഗിച്ച് തുടയ്ക്കാം. 
• പാറ്റ ശല്യം രൂക്ഷമായ ഇടങ്ങളിൽ ഇത് സ്പ്രേ ചെയ്യാം. 
• അടുക്കള സിങ്കിലും മറ്റ് ഭാഗങ്ങളിലും ഇത് സ്പ്രേ ചെയ്യാം.

Also Read: അടുക്കളയിൽ ഇനി എലി ശല്യം ഉണ്ടാകില്ല, ഈ വിദ്യകൾ പ്രയോഗിക്കൂ

ഇക്കാര്യങ്ങൾ ശ്രദ്ധിക്കാം

വിനാഗിരി ഒരു താൽക്കാലിക പരിഹാരമാണ്. സ്ഥിരമായി വൃത്തിയും ശുചിത്വവും പാലിക്കുകയും, പാത്രങ്ങളിൽ ഭക്ഷണം അടച്ചുസൂക്ഷിക്കുകയും, വിടവുകളും ദ്വാരങ്ങളും അടയ്ക്കുകയും ചെയ്താൽ മാത്രമേ പാറ്റകളെ പൂർണ്ണമായി തുരത്താൻ സാധിക്കൂ. പാറ്റകളുടെ ശല്യം രൂക്ഷമാണെങ്കിൽ, പ്രൊഫഷണൽ സഹായം തേടുന്നതാണ് ഉചിതം.

Read More: മീനിൻ്റെയും പുകയുടെയും മണം പമ്പ കടക്കും; ദിവസം മുഴുവൻ അടുക്കള സുഗന്ധത്താൽ നിറയാൻ ഇതാ ഒരു പൊടിക്കൈ