മയമുള്ള ചപ്പാത്തി വേണോ? 5 മിനിറ്റിൽ ചുട്ടെടുക്കാം കുക്കറിൽ

മാവ് കുഴയ്ക്കണം, വൃത്താകൃതിയില്‍ പരത്തിയെടുക്കണം, കരിയാതെ ചുട്ടെടുക്കണം. ചപ്പാത്തിയുണ്ടാക്കുന്നത് അല്‍പ്പം ക്ഷമയും സമയവും ആവശ്യമുള്ള പണിയാണ്. ഇത്തരം വെല്ലുവിളി ഒഴിവാക്കാന്‍ റെഡി ടു ഈറ്റ് ചപ്പാത്തി വാങ്ങുന്നവരാണ് നമ്മളില്‍ പലരും.

പായ്ക്കറ്റുകളിലും ഹോട്ടലുകളില്‍നിന്നും ലഭിക്കുന്ന ചപ്പാത്തി  എങ്ങനെ ഇത്ര കൃത്യമായി വൃത്താകൃതിയിലാകുന്നുവെന്ന് അദ്ഭുതപ്പെടാത്തവര്‍ കുറവല്ല. കാരണം വീടുകളില്‍ ചപ്പാത്തിയുണ്ടാക്കുമ്പോള്‍ ചതുരത്തിലും കോണുകള്‍ തള്ളിയുമൊക്കെ രൂപമാറ്റം കൈവരിക്കും. ഒടുവില്‍, എതു രൂപത്തിലായാല്‍ എന്താ, കഴിച്ചാല്‍ പോരെയെന്ന ആത്മഗതത്തോടെ സമാധാനിക്കും. ചിലരാവട്ടെ വൃത്താകൃതിയിലുള്ള പാത്രങ്ങളോ മറ്റോ വച്ച് കൃത്യമായ രൂപത്തിൽ മുറിച്ചെടുക്കും.

Also Read:പൂ പോലെ സോഫ്റ്റ് ക്രീം ബൺ ഓവിനല്ലാതെ തയ്യാറാക്കാൻ ഒരു വിദ്യയുണ്ട്

പൂര്‍ണ വൃത്താകൃതിയില്‍ നല്ല മാര്‍ദവമുള്ള ചപ്പാത്തിയുണ്ടാക്കുന്നത് കലയാണ്. ഇക്കാര്യത്തിൽ നിങ്ങള്‍ എപ്പോഴും വൈദഗ്ധ്യം നേടാന്‍ ശ്രമിക്കുന്നവരാണെങ്കില്‍, ഈ പൊടിക്കൈ അറിഞ്ഞിരുന്നാൽ ഇനി ചപ്പാത്തി കരിഞ്ഞുപോകുമോയെന്ന്  ആലോചിച്ച് വിഷമിക്കേണ്ടതില്ല.

പ്രഷര്‍ കുക്കറില്‍ ചപ്പാത്തി പാചകം ചെയ്യുന്ന വീഡിയോ ഇപ്പോള്‍ സോഷ്യല്‍ മീഡിയയില്‍ തരംഗമാണ്. ചപ്പാത്തി  പരത്തിയെടുത്ത് പ്രഷര്‍ കുക്കറില്‍ വയ്ക്കുന്നു. കുക്കര്‍ രണ്ട് മിനിറ്റ് അടച്ച് വേവിക്കുന്നതോടെ ചപ്പാത്തി തയ്യാർ. ടേസ്റ്റി റെസിപ്പീസ് എന്ന യൂട്യൂബ് ചാനലാണ് ഈ വിദ്യ പരിചയപ്പെടുത്തി തരുന്നത്. 

Also Read:അരിയും ഉഴുന്നും ഇല്ലാതെ സോഫ്റ്റ് ദോശ തയ്യാറാക്കാം, ഇങ്ങനെ ചെയ്തു നോക്കൂ

സോഫ്റ്റ് ചപ്പാത്തിക്ക് ഇതാ ചില നുറുങ്ങു വിദ്യകൾ

കുക്കർ ചപ്പാത്തി കൂടാതെ അത് സോഫ്റ്റായി കിട്ടാൻ മറ്റ് ചില നുറുങ്ങു വിദ്യകളുമുണ്ട്. അവ പരിചയപ്പെടാം. 

പാൽ

ചപ്പാത്തി സോഫ്റ്റ് മാത്രമല്ല രുചികരവുമാക്കാൻ ചെറുചൂടോടെ പാൽ ഒഴിച്ച് മാവ് കുഴയ്ക്കാം.

നെയ്യ്

ചപ്പാത്തി മാവ് കുഴയ്ക്കുമ്പോൾ അൽപം നെയ്യ് ചേർക്കാം. ഇത് മാവ് കൂടുതൽ സോഫ്റ്റാകാൻ ഗുണകരമാണ്.

Also Read:ചിക്കൻ കറി സ്പെഷ്യലാക്കണമെങ്കിൽ ഈ രുചിക്കൂട്ട് തന്നെ വേണം

എണ്ണ

നെയ്യും തൈരും ഇല്ലെങ്കിൽ കുറച്ച് വെളിച്ചെണ്ണ ചേർത്ത് ചപ്പാത്തി മാവ് കുഴയ്ക്കാം.

പാൻ ചൂടാകാൻ കാത്തിരിക്കാം

പാൻ ചൂടാകുന്നതിനു മുമ്പ് ചപ്പാത്തി മാവ് അതിൽ വയ്ക്കരുത്. പാൻ ചൂടായി അൽപം നെയ്യ് പുരട്ടിയതിനു ശേഷം ചപ്പാത്തി ചുട്ടെടുത്തു നോക്കൂ.

Read More: ചപ്പാത്തി സോഫ്റ്റാകും, ഈ ഒരു ചേരുവ ഉപയോഗിക്കൂ