ചപ്പാത്തി സോഫ്റ്റാകും, ഈ ഒരു ചേരുവ ഉപയോഗിക്കൂ: Soft Chapati Recipe in Malayalam

How to make Chapati Soft: ദോശയും ഇഡ്ഡലിയും വിട്ട് ചപ്പാത്തി പോലെയുള്ളവയിലേയ്ക്ക് നിങ്ങളുടെ ബ്രേക്ക്ഫാസ്റ്റ് വഴിമാറി തുടങ്ങിയോ? നല്ല സോഫ്റ്റ് ചപ്പാത്തി ചുട്ടെടുക്കുക എന്നത് പ്രയാസമേറെയുള്ള കാര്യമാണ്. എത്ര നന്നായി കുഴച്ചെടുത്താലും അത് മയത്തിൽ കിട്ടില്ല. എന്നാൽ ഇത്തരം സാഹചര്യങ്ങളിൽ നിങ്ങളെ സഹായിച്ചേക്കാവുന്ന ചില വിദ്യകളുണ്ട്. അതിലൊന്നാണ് ജർമൻ യുവതി ആയ ആൻഡ്രിയ ഒരു വീഡിയോയിലൂടെ പങ്കുവയ്ക്കുന്നത്. 

ഒരെയൊരു ചേരുവ ഉപയോഗിച്ചാണ് അവർ ചപ്പാത്തി സോഫ്റ്റാക്കി മാറ്റിയത്. ഗോതമ്പ് പൊടിയിൽ വെള്ളം ഒഴിച്ച് കുഴയ്ക്കുന്നതിനു മുമ്പായി ഒരു അവക്കാഡോ തൊലിയും കുരുവും കളഞ്ഞ് ഉടച്ചെടുക്കണം. ഇത് ഗോതമ്പ് പൊടിയിലേയ്ക്കു ചേർക്കാം. ആവശ്യത്തിന് ഉപ്പും കുറച്ച് നെയ്യും ചേർത്ത് വെള്ളം ഒഴിച്ചിളക്കി യോജിപ്പിക്കാം. ഇതിൽ നിന്നും ആവശ്യത്തിന് മാവ് എടുത്ത് ചെറിയ ഉരുളകളാക്കി പരത്താം. ശേഷം സാധാരണ ചപ്പാത്തി ചുട്ടെടുക്കുന്നതുപോലെ ചെയ്യാം. 

View this post on Instagram

A post shared by MONTY & ANDREA (@we_coffeemilkfamily)

ചപ്പാത്തി സോഫ്റ്റാക്കാൻ മറ്റ് പല വിദ്യകളുമുണ്ട്

നെയ്യ്

ചപ്പാത്തി മാവ് കുഴയ്ക്കുമ്പോൾ അൽപം നെയ്യ് ചേർക്കാം. ഇത് മാവ് കൂടുതൽ സോഫ്റ്റാകാൻ ഗുണകരമാണ്.

തൈര്

ഗോതമ്പ് പൊടിയിലേയ്ക്ക് തൈര് കൂടി ചേർത്ത് ചപ്പാത്തിക്ക് മാവ് കുഴച്ചെടുക്കാം. ഒന്നു മുതൽ രണ്ട് മണിക്കൂർ വരെ അത് മാറ്റി വച്ചതിനു ശേഷ ഉപയോഗിക്കാം.

ചൂടുവെള്ളം

മാവ് കുഴയ്ക്കാൻ തണുത്ത വെള്ളത്തിനു പകരം ചൂടാക്കിയ വെള്ളം ഉപയോഗിക്കാം.

എണ്ണ

നെയ്യും തൈരും ഇല്ലെങ്കിൽ കുറച്ച് വെളിച്ചെണ്ണ ചേർത്ത് ചപ്പാത്തി മാവ് കുഴയ്ക്കാം.

പാൽ

ചപ്പാത്തി സോഫ്റ്റ് മാത്രമല്ല രുചികരവുമാക്കാൻ ചെറുചൂടോടെ പാൽ ഒഴിച്ച് മാവ് കുഴയ്ക്കാം.

പാൻ ചൂടാകാൻ കാത്തിരിക്കാം

പാൻ ചൂടാകുന്നതിനു മുമ്പ് ചപ്പാത്തി മാവ് അതിൽ വയ്ക്കരുത്. പാൻ ചൂടായി അൽപം നെയ്യ് പുരട്ടിയതിനു ശേഷം ചപ്പാത്തി ചുട്ടെടുത്തു നോക്കൂ.

Read More

• പൂ പോലെ സോഫ്റ്റ് ക്രീം ബൺ ഓവിനല്ലാതെ തയ്യാറാക്കാൻ ഒരു വിദ്യയുണ്ട്
• അരിയും ഉഴുന്നും ഇല്ലാതെ സോഫ്റ്റ് ദോശ തയ്യാറാക്കാം, ഇങ്ങനെ ചെയ്തു നോക്കൂ
• ചിക്കൻ കറി സ്പെഷ്യലാക്കണമെങ്കിൽ ഈ രുചിക്കൂട്ട് തന്നെ വേണം
• റവയും മുട്ടയും കൈയ്യിലുണ്ടോ? എങ്കിൽ ഈ ബ്രേക്ക്ഫാസ്റ്റ് റെസിപ്പി ട്രൈ ചെയ്യൂ
• വെള്ളത്തിനു പകരം തേങ്ങാപ്പാൽ, ഇതാ ഒരു സൊയമ്പൻ നാരങ്ങ ജ്യൂസ്
• വായിലിട്ടാൽ അലിഞ്ഞു പോകും കിണ്ണത്തപ്പം തയ്യാറാക്കാൻ ഇനി ഗോതമ്പ് പൊടി മതി
• മുട്ട വേണ്ട, ക്രിസ്പിയും അകമേ സോഫ്റ്റുമായ കട്ലറ്റ് തയ്യാറാക്കാൻ ഈ ചേരുവകൾ മതി
• മുളക് ചമ്മന്തി അരച്ചെടുക്കുന്നതിനു മുമ്പ് ഇങ്ങനെ ചെയ്യൂ, സൂപ്പർ രുചിയാണ്