തേങ്ങ വാങ്ങി പോക്കറ്റ് കാലിയാക്കേണ്ട, ഒരു മുറി പൈനാപ്പിളുണ്ടെങ്കിൽ കൊതിയൂറുന്ന ചമ്മന്തി തയ്യാറാക്കാം

ദോശയുടെ ഒപ്പം സമ്പാറാണോ, ചട്നിയാണോ ഇഷ്ടം?. ചമ്മന്തി പ്രിയരാണ് അധികമാളുകളും. എന്നാൽ തേങ്ങ ഇപ്പോൾ കിട്ടാക്കനിയാണ്. തീ പിടിച്ച വിലയുള്ള സമയത്ത് തേങ്ങ വാങ്ങി പോക്കറ്റ് കാലിയാക്കുന്നതിനു പകരം കൈയ്യിലുള്ളത് ബുദ്ധിപൂർവ്വം ഉപയോഗിക്കാൻ ശ്രദ്ധിക്കാം.

Also Read: രുചിയോടെ ഊണ് കഴിക്കാം ഒപ്പം ഊർജ്ജവും ഉന്മേഷവും തേടാം, ഈ തോരൻ കഴിക്കുന്നത് ശീലമാക്കൂ

വളരെ കുറച്ച് തേങ്ങ ഉപയോഗിച്ച് വ്യത്യസ്തമായ രുചിയിൽ ചമ്മന്തി തയ്യാറാക്കിയാലോ? നിമ്മി തൻ്റെ ഇൻസ്റ്റഗ്രാം പേജിലൂടെ പരിചയപ്പെടുത്തി പൈനാപ്പിൾ ചമ്മന്തി ഒരു തവണ ട്രൈ ചെയ്തു നോക്കൂ. പൈനാപ്പിൾ എന്ന് കേൾക്കുമ്പോൾ ഒന്നികിൽ പുളി അല്ലെങ്കിൽ മധുരം എന്ന് ചിന്തിക്കേണ്ട. എരിവും പുളിയും മധുരവും കൂടി കലർന്ന ഒരു കിടിലൻ​ ചമ്മന്തിയാണിത്. തയ്യാറാക്കി നോക്കൂ.  

Also Read: എരിവില്ലാത്തൊരു പച്ചമുളക് ചമ്മന്തി കഴിച്ചാലോ? ഊണ് കുശാലാക്കാൻ ഇതു മതി

ചേരുവകൾ

• തേങ്ങ
• പൈനാപ്പിൾ
• ഇഞ്ചി
• ഉപ്പ്
• കടലപരിപ്പ്
• പച്ചമുളക്
• വെള്ളം
• കടുക്
• വെളിച്ചെണ്ണ
• വറ്റൽമുളക്
• കറിവേപ്പില
• മഞ്ഞൾപ്പൊടി

Also Read: തേങ്ങ ചിരകേണ്ട അരച്ചെടുക്കേണ്ട, ഇനി നാവിൽ കൊതിയൂറുന്ന ചമ്മന്തി തയ്യാറാക്കാൻ ഒരുമിനിറ്റ് മതി

View this post on Instagram

A post shared by Nimmy (@wandoor_kitchen)

തയ്യാറാക്കുന്ന വിധം 

• ഒരു കപ്പ് തേങ്ങ ചിരകിയതിലേക്ക് അര കപ്പ് പൈനാപ്പിൾ ചേർക്കാം.
• അതിലേയ്ക്ക് ഒരു ടേബിൾ സ്പൂൺ കടലപരിപ്പ്, ചെറിയ കഷ്ണം ഇഞ്ചി, രണ്ട് പച്ചമുളക്, ആവശ്യത്തിന് ഉപ്പ്, അൽപ്പം വെള്ളം എന്നിവയൊഴിച്ച് അരച്ചെടുക്കാം.
• ഒരു ചീനച്ചട്ടി അടുപ്പിൽവെച്ച് ആവശ്യത്തിന് എണ്ണയൊഴിച്ച് ഒരു ടീസ്പൂൺ കടുക് പൊട്ടിച്ച് അൽപ്പം വറ്റൽ മുളകും, കറിവേപ്പിലയും ചേർത്തിളക്കിയതിലേയ്ക്ക് അൽപം മഞ്ഞൾപ്പൊടിയും, അരച്ചുവെച്ചിരിക്കുന്ന പൈനാപ്പിളും കൂടി ചേർത്ത് ഇളക്കി വേവിച്ചെടുക്കാം.
• ഇത് ചൂടോടെ ദേശയോടൊപ്പം കഴിച്ചു നോക്കൂ.

Read More: ശരീരത്തിൻ്റെയും ചർമ്മത്തിൻ്റെയും ആരോഗ്യം മെച്ചപ്പെടുത്താം, ഈ ഇല ഒരുപിടി ചേർത്ത് കറി തയ്യാറാക്കി കഴിക്കൂ