എരിവില്ലാത്തൊരു പച്ചമുളക് ചമ്മന്തി കഴിച്ചാലോ? ഊണ് കുശാലാക്കാൻ ഇതു മതി

ചോറും ചമ്മന്തിയും കേരളീയരുടെ തനത് ഭക്ഷണരീതിയുടെ ഭാഗമാണ്.  തേങ്ങയും, പച്ചമാങ്ങയും, ചുവന്നുള്ളിയും ഉൾപ്പെടെ ചമ്മന്തി തന്നെ പലവിധമുണ്ട്. എന്നാൽ പച്ചമുളക് ചമ്മന്തിയെക്കുറിച്ച് കേട്ടിട്ടുണ്ടോ?. പച്ചമുളകെന്നു കേൾക്കുമ്പോൾ എരിവാണ് സാധാരണ ഓർമ്മ വരാറുള്ളത്. ഇതുപയോഗിച്ച്  ചമ്മന്തി ആകുമ്പോൾ ചിന്തിക്കുകയേ വേണ്ട എന്നു കരുതാൻ വരട്ടെ. എരിവ് തോന്നാതെ വളരെ എളുപ്പത്തിൽ രുചികരമായി പച്ചമുളക് ചമ്മന്തി തയ്യാറാക്കാം. സരിഗ തൻ്റെ ഇൻസ്റ്റഗ്രം പേജിലൂടെയാണ് ഇതിൻ്റെ റെസിപ്പി പരിചയപ്പെടുത്തി തരുന്നത്.  

ചേരുവകൾ

• പച്ചമുളക്
• തക്കാളി 
• ചുവന്നുള്ളി 
• വെളുത്തുള്ളി 
• ഉപ്പ്
• വാളൻപുളി
• കറിവേപ്പില
• എണ്ണ 

View this post on Instagram

A post shared by sariga kaleshraj (@sariz_kitchen_)

തയ്യാറാക്കുന്ന വിധം

• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് രണ്ട് ടേബിൾസ്പൂൺ വെളിച്ചെണ്ണ ഒഴിക്കാം.
• എണ്ണ ചൂടായി കഴിയുമ്പോൾ എരിവ് അധികമില്ലാത്തെ നീളൻ പച്ചമുളക് ചേർത്തു വേവിക്കാം.
• പച്ചമുളക് വെന്തു കഴിയുമ്പോൾ ഇതിലേയ്ക്ക് ചുവന്നുള്ളിയും, ചെറുതായി അരിഞ്ഞ വെളുത്തുള്ളിയും  ചേർത്തു വഴറ്റാം.
• അവ വെന്തതിനു ശേഷം വെള്ളത്തിൽ കുതിർത്ത വാളൻ പുളിയും, കുറച്ചു കറിവേപ്പിലയും, തക്കാളി കഷ്ണങ്ങൾ ആയി ചേർത്തും വേവിക്കാം.
• പച്ചക്കറികൾ വെന്തതിനു ശേഷം ആവശ്യത്തിന് ഉപ്പ് ചേർത്തിളക്കി യോജിപ്പിക്കാം. അടുപ്പണച്ച് ചൂട് ചോറിനൊപ്പം കഴിക്കാം. 

Read More: തേങ്ങ ചിരകേണ്ട അരച്ചെടുക്കേണ്ട, ഇനി നാവിൽ കൊതിയൂറുന്ന ചമ്മന്തി തയ്യാറാക്കാൻ ഒരുമിനിറ്റ് മതി