ഒരു സ്പൂൺ തൈര് പോലും വേണ്ട, സർലാസ് ഇനി ഇങ്ങനെ തയ്യാറാക്കിയാൽ കഴിക്കാൻ ആരും കൊതിച്ചു പോകും

തൈര് കൊണ്ട് ധാരാളം വിഭവങ്ങൾ കഴിച്ചിട്ടുണ്ടാകും. അങ്കമാലി സ്പെഷ്യൽ സർലാസ് ട്രൈ ചെയ്ത് നോക്കിയിട്ടുണ്ടോ?. സവാളയും തോങ്ങാപ്പാലും കൊണ്ട് എളുപ്പത്തിൽ തയ്യാറാക്കാൻ പറ്റുന്ന വിഭവമാണിത്. അടുപ്പ് കത്തിക്കേണ്ട പച്ചക്കറി അരിഞ്ഞു സമയം കളയേണ്ട. ആർഎസ്എഎഡ്രീംസ്ഡ്രീംസ് എന്ന ഇൻസ്റ്റഗ്രാം പേജാണ്  ഈ സർലാസ് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read:രുചിയിലും ഗുണത്തിലും ഇതിന് സമാനമായി മറ്റൊന്നുമില്ല, ഭക്ഷണശീലത്തിൽ ഉൾപ്പെടുത്തൂ

ചേരുവകൾ

• സവാള 
• ഉപ്പ്
• തേങ്ങ
• ഇഞ്ചി 
• പച്ചമുളക്
• കറിവേപ്പില
• കുരുമുളകുപൊടി
• വിനാഗിരി
• വെളിച്ചെണ്ണ

Also Read: ഊർജ്ജവും ഉന്മേഷവും ഉള്ള ശരീരത്തിനും ചർമ്മ സംരക്ഷണത്തിനും ദിവസവും ഈ സൂപ്പ് കുടിക്കൂ

View this post on Instagram

A post shared by RSAADreamsDreams (@rsaadreamsdreams)

Also Read: ഒരു മുറി തക്കാളി മതി, ഇനി തേങ്ങ ചേർക്കാതെ കിടിലൻ രുചിയിൽ ചമ്മന്തി തയ്യാറാക്കാം

തയ്യാറാക്കുന്ന വിധം

• ഇടത്തരം വലിപ്പമുള്ള മൂന്നു സവാള കട്ടി കുറച്ച് അരിഞ്ഞത് ഒരു ടീസപൂൺ ഉപ്പ് ചേർത്ത് മാറ്റി വെയ്ക്കാം.  
• ഒരു മുറി തേങ്ങ ചിരകിയതിലേയ്ക്ക് അരക്കപ്പു വെള്ളം കൂടി ചേർത്ത് അരച്ചെടുക്കുക. ശേഷം തേങ്ങാപ്പാൽ പിഴിഞ്ഞെടുത്ത് വെയ്ക്കാം.
• മാറ്റി വെച്ചിരിക്കുന്ന സവാള പതിനഞ്ചു മിനിറ്റിനു ശേഷം നീരു കളഞ്ഞെടുക്കാം.  
• ഒരു ടീസ്പൂൺ ഇഞ്ചി ചെറുതായ് അരിഞ്ഞത്, കറിവേപ്പില അരിഞ്ഞത്, നാല് പച്ചമുളക് ചെറുതായ് അരിഞ്ഞത്, കാൽ ടീസ്പൂൺ കുരുമുളകുപൊടി, രണ്ടു ടീസ്പൂൺ വിനാഗിരി എന്നിവ സവാളയിലേക്ക് ചേർക്കാം.
• തയ്യാറാക്കി വെച്ചിരിക്കുന്ന തേങ്ങാപ്പാലുകൂടി അതിലേക്ക് ചേർത്ത് ഒരു ടീസ്പൂൺ വെളിച്ചെണ്ണ ഒഴിച്ച് ഇളക്കാം. അങ്കമാലി സ്പെഷ്യൽ സർലാസ് തയ്യാർ.

Read More: ഉരുളക്കിഴങ്ങും തൈരും മതി, മറ്റൊരു കറിയില്ലെങ്കിലും ഇനി ഊണ് കേമമാക്കാം