ഒരു മുറി തക്കാളി മതി, ഇനി തേങ്ങ ചേർക്കാതെ കിടിലൻ രുചിയിൽ ചമ്മന്തി തയ്യാറാക്കാം

പാചകം അറിയാത്തവർക്കും പാചകം ഇഷ്ടമില്ലാത്തവർക്കും പോലും ഉണ്ടാക്കാൻ പറ്റുന്ന ഒരു സിംപിൾ ചമ്മന്തി റെസിപ്പിയാണിത്. രാവിലെ ഭക്ഷണം കഴിക്കാൻ മടികാണിക്കുന്ന കുട്ടിക്കുറുമ്പൻമാർക്കും മുതിർന്നവർക്കും ഒരുപോലെ ഇഷ്ടപ്പെടുന്ന കറിയാണിത്.  ഷരോൺ തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്ത തരുന്നത്.  

Also Read: ഒരു സ്പൂൺ തേങ്ങ പോലും വേണ്ട, ഈ സിംപിൾ ഹെൽത്തി ചട്നി ഒരു തവണ ട്രൈ ചെയ്തു നോക്കൂ

ചേരുവകൾ

• തക്കാളി - 3
• സാമ്പാർ പൊടി - 2 ടീസ്പൂൺ
• ഉപ്പ് - 1 ടീസ്പൂൺ
• നെയ്യ് - 1 ടേബിൾസ്പൂൺ
• കടുക്, ഉഴുന്ന് പരിപ്പ് - 1 ടീസ്പൂൺ
• ജീരകം - 1 ടീസ്പൂൺ
• വറ്റൽമുളക് - 2
• പച്ചമുളക് - 2
• ഇഞ്ചി - 1 ചെറിയ കഷണം
• കറിവേപ്പില - ഒരു നുള്ള്
• ജീരകപ്പൊടി - 1/2 ടീസ്പൂൺ
• മഞ്ഞൾ പൊടി - 1/2 ടീസ്പൂൺ
• മല്ലി - ഒരു നുള്ള്

Also Read: എരിവും പുളിയും മാത്രമല്ല പോഷകങ്ങളുടെ കലവറയുമാണ് ഈ അച്ചാർ, ട്രൈ ചെയ്തു നോക്കൂ

Also Read: സോസ് ഇനി കടയിൽ നിന്നും വാങ്ങേണ്ട, പകരം കൂടുതൽ രുചികരമായി സ്വയം തയ്യാറാക്കാം

തയ്യാറാക്കുന്ന വിധം

• തക്കാളിയിലേയ്ക്ക് സാമ്പാർ പൊടി, ഉപ്പ് എന്നിവ ചേർത്ത് അരച്ചെടുക്കാം. ശേഷം ഒരു പാനിൻ അടുപ്പിൽ വച്ചു ചൂടാക്കാം. അതിലേയ്ക്ക് എണ്ണ ഒഴിച്ചു തിളപ്പിക്കാം. തീ കുറച്ചു വച്ച് കടുക് ചേർത്തു പൊട്ടിക്കാം. ഇതിലേയ്ക്ക് ഉഴുന്ന് പരിപ്പ് ചേർത്തു വറുക്കാം. ഇളം ബ്രൗൺ നിറമാകുമ്പോൾ വറ്റൽമുളക്, പച്ചമുളക്, ഇഞ്ചി, കറിവേപ്പില എന്നിവ ചേർത്തു വറുക്കാം. 
• ഇതിലേയ്ക്ക് ജീരകപ്പൊടിയും മഞ്ഞൾപ്പൊടിയും ചേർത്ത് ഒരു മിനിറ്റ് വഴറ്റാം. ഇതിലേയ്ക്ക് തക്കാളി അരച്ചെടുത്തു ചേർത്ത് രണ്ട് കപ്പ് വെള്ളം കൂടി ഒഴിച്ച് തിളപ്പിക്കാം. ആവശ്യമെങ്കിൽ ഉപ്പ് കൂടി ചേർക്കാം. 
• തിളച്ച് കഴിയുമ്പോൾ മുകളിൽ മല്ലിയില വിതറി അടുപ്പണയ്ക്കാം. ശേഷം സ്റ്റൗ ഓഫ് ചെയ്ത് ആവശ്യാനുസരണം വിളമ്പി കഴിക്കാം. 

Read More: ഊർജ്ജവും ഉന്മേഷവും നേടാം, ബ്രേക്ക്ഫാസ്റ്റിൽ ഇതും ഉൾപ്പെടുത്തൂ