രുചിയിലും ഗുണത്തിലും ഇതിന് സമാനമായി മറ്റൊന്നുമില്ല, ഭക്ഷണശീലത്തിൽ ഉൾപ്പെടുത്തൂ

രുചിയിലും ആരോഗ്യത്തിലും ഉഴുന്ന് കഞ്ഞിക്ക് സമാനമായി മറ്റൊന്നുമില്ല. പ്രത്യേകിച്ച്, ശരീരത്തെയും എല്ലുകളെയും ശക്തിപ്പെടുത്തുന്നതിനും ഇത് സഹായിക്കുന്ന. ഭക്ഷണത്തേക്കാളുപരി ഇത് ശരീരത്തിന് ഒരു അത്ഭുത ഔഷധമാണ്. ഇരുമ്പ്, കാൽസ്യം, മഗ്നീഷ്യം, പ്രോട്ടീൻ തുടങ്ങിയ അവശ്യ പോഷകങ്ങളാൽ സമ്പുഷ്ടമാണ് ഉഴുന്ന്.

Also Read: ഊർജ്ജവും ഉന്മേഷവും ഞൊടിയിടയിൽ നേടാം, റാഗി ജ്യൂസ് ട്രൈ ചെയ്യൂ

അസ്ഥി വളർച്ചയ്ക്കും ആർത്തവ പ്രശ്നങ്ങൾ കുറയ്ക്കുന്നതിനും ഇത് സഹായിക്കുന്നു. ദഹനനാളത്തിന്റെ ആരോഗ്യം മെച്ചപ്പെടുത്തുന്നതിനും മലബന്ധ പ്രശ്നങ്ങൾ പരിഹരിക്കുന്നതിനും ഇത് ഒരു മികച്ച തിരഞ്ഞെടുപ്പാണിത്. ഗർഭിണികൾ, മുലയൂട്ടുന്ന അമ്മമാർ, വളരുന്ന കുട്ടികൾ, പ്രായമായവർ എന്നിവർക്ക് ഉഴുന്ന് കഞ്ഞി ഒരു മികച്ച പോഷകാഹാരമാണ്. സുബ്ബു തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ചർമ്മം തിളക്കമുള്ളതാകും ശരീരഭാരം നിയന്ത്രിച്ചു നിർത്താം; ദിവസവും രാവിലെ ഇത് കുടിക്കൂ

ചേരുവകൾ

• കറുത്ത ഉഴുന്ന് - 1/2 കപ്പ്
• പച്ചരി - 2 ടേബിൾസ്പൂൺ
• ഉലുവ - 1 ടേബിൾസ്പൂൺ
• വെളുത്തുള്ളി - 6-8 അല്ലി
• ചെറിയ ഉള്ളി - 10-12
• തേങ്ങാപ്പാൽ - 1 കപ്പ്
• വെള്ളം - 3 കപ്പ്
• ഉപ്പ് - ആവശ്യത്തിന്
• ജീരകം - 1/2 ടീസ്പൂൺ

Also Read: തിളക്കമുള്ള ചർമ്മം നേടാം ഒപ്പം ഊർജ്ജവും ഉന്മേഷവും മെച്ചപ്പെടുത്താം, ഈ ഗ്രീൻ ജ്യൂസ് കുടിക്കൂ

തയ്യാറാക്കുന്ന വിധം

• ആദ്യം, ഉഴുന്ന്, ചെറുപയർ, ഉലുവ എന്നിവ ഒരുമിച്ച് ചേർത്ത് നന്നായി കഴുകി 2 മണിക്കൂർ കുതിർക്കാം. കുതിർത്തതിനുശേഷം, ഒരു പ്രഷർ കുക്കറിൽ ഇട്ട് അരിഞ്ഞു വച്ചിരിക്കുന്ന ഉള്ളി, വെളുത്തുള്ളി, ജീരകം, ആവശ്യത്തിന് വെള്ളം എന്നിവ ചേർത്ത് 4-5 വിസിൽ വരുന്നതു വരെ വേവിക്കാം.
• കഞ്ഞി നന്നായി വെന്തു കഴിഞ്ഞാൽ കുക്കർ തുറന്ന് ഒരു സ്പൂൺ കൊണ്ട് നന്നായി കുഴയ്ക്കാം. കഞ്ഞി മൃദുവായ അവസ്ഥയിൽ എത്തുമ്പോൾ ഉപ്പ് ചേർത്ത് നന്നായി ഇളക്കാം. ഇനി ഇടത്തരം തീയിൽ കഞ്ഞിയിലേക്ക് തേങ്ങാപ്പാൽ ചേർക്കാം. അത് തിളച്ചു വരുമ്പോൾ സ്റ്റൗ ഓഫ് ചെയ്യാം. തേങ്ങാപ്പാൽ ചേർത്തതിനു ശേഷം കഞ്ഞി കൂടുതൽ നേരം തിളപ്പിക്കരുത്.
• ചൂടോടെ കഞ്ഞി വിളമ്പാം. വേണമെങ്കിൽ ഒരു താളിപ്പിനായി സ്പൂണിൽ അല്പം എണ്ണ ചേർത്ത് കടുക്, കറിവേപ്പില, ഉണക്കമുളക് എന്നിവ ചേർത്തു വറുത്ത് കഞ്ഞിയിൽ ഒഴിച്ച് വിളമ്പാം. ഈ കഞ്ഞി രാവിലെ വെറും വയറ്റിൽ കഴിക്കുന്നതാണ് നല്ലത്. 
• ഇത് ശരീരത്തിന് ഉന്മേഷം നൽകുകയും തൽക്ഷണ ഊർജ്ജം നൽകുകയും ചെയ്യും. മാത്രമല്ല, ഇത് ലളിതവും ചെലവുകുറഞ്ഞതുമായ ആരോഗ്യകരമായ ഭക്ഷണമാണ്. ഈ കഞ്ഞി നിങ്ങളുടെ ദൈനംദിന ഭക്ഷണത്തിൽ ഉൾപ്പെടുത്തുന്നതിലൂടെ, നിങ്ങൾക്ക് വിവിധ ആരോഗ്യ ഗുണങ്ങൾ ലഭിക്കും.

Read More: ഒരു കപ്പ് ഉഴുന്ന് മതി, ശരീരഭാരം കുറയ്ക്കാൻ ഇത് കഴിച്ചു നോക്കൂ