അരി കുതിർക്കേണ്ട അരയ്‌ക്കേണ്ട, രാവിലെ എഴുന്നേൽക്കുമ്പോൾ തന്നെ ഇങ്ങനെ ചെയ്താൽ ഞൊടിയിടയിൽ ഇഡ്ഡലി റെഡി

ബ്രേക്ക്ഫാസ്റ്റാണ് ഒരു ദിവസത്തെ ഏറ്റവും പ്രധാനപ്പെട്ട ഭക്ഷണം. തിരക്കേറിയ ഒരു പ്രഭാതത്തിൽ പാചകം ചെയ്യാൻ അധികം സമയമില്ലാത്തവർക്ക് അരി, ഉഴുന്ന്, പരിപ്പ് എന്നിവ കുതിർക്കാതെയും മാവ് പുളിപ്പിക്കാതെയും വളരെ പെട്ടെന്ന് തയ്യാറാക്കാവുന്ന രുചികരവും ആരോഗ്യകരവുമായ ഒരു പ്രഭാതഭക്ഷണമാണിത്.  ഋഷിക ഹെറാൾഡ് ഇൻസ്റ്റാഗ്രാമിൽ പങ്കുവച്ച് ഈ സ്പെഷ്യൽ ഇഡ്ഡലി റെസിപ്പി പരിചയപ്പെടാം.

Also Read: 2 മിനിറ്റിൽ ദോശ റെഡി, അരിയും ഉഴുന്നും അരയ്‌ക്കേണ്ട ഗോതമ്പ് പൊടിയും വേണ്ട

ചേരുവകൾ

• ചെറുപയർ പരിപ്പ് - 1 കപ്പ്
• റവ- 1 കപ്പ്
• വെള്ളം - ¼ കപ്പ്
• ഉപ്പ് - ആവശ്യത്തിന്
• ബേക്കിംഗ് സോഡ - ¼ ടീസ്പൂൺ
• കാരറ്റ്- ആവശ്യത്തിന്
• കറിവേപ്പില - ആവശ്യത്തിന്
• പച്ചമുളക്- ആവശ്യത്തിന്
• തൈര് - 1 കപ്പ്
• നെയ്യ് അല്ലെങ്കിൽ എണ്ണ- ആവശ്യത്തിന്

Also Read: ഗോതമ്പ് മാവിലേയ്ക്ക് ഇത് പൊടിച്ചു ചേർക്കൂ, ചപ്പാത്തി പൂപോലെ സോഫ്റ്റായി ചുട്ടെടുക്കാം

View this post on Instagram

A post shared by Rishika Herrold (@rishika_herrold)

Also Read: യീസ്റ്റും ബേക്കിങ് സോഡയും ചേർക്കേണ്ട, അപ്പത്തിനുള്ള മാവ് ഇങ്ങനെയും തയ്യാറാക്കാം

തയ്യാറാക്കുന്ന വിധം

• ഒരു കപ്പ് ചെറുപയർ പരിപ്പ് 8 മണിക്കൂർ വെള്ളത്തിൽ കുതിർത്തു വയ്ക്കാം.
• ശേഷം രാവിലെ അത് കഴുകി കാൽ കപ്പ് വെള്ളം ഒഴിച്ച് നന്നായി അരച്ചെടുക്കാം.
• അത് ഒരു ബൗളിലേയ്ക്കു മാറ്റാം. ശേഷം അര കപ്പ് റവയിലേയ്ക്ക് ആവശ്യത്തിന് ഉപ്പ്, കാൽ ടീസ്പൂൺ​ ബേക്കിംഗ് സോഡ, ഗ്രേറ്റ് ചെയ്ത കാരറ്റ്, ചെറുതായി അരിഞ്ഞ കറിവേപ്പില, എരിവിനനുസരിച്ച് പച്ചമുളക്, ഒരു കപ്പ് തൈര് എന്നിവ ചേർത്തിളക്കി യോജിപ്പിക്കാം.
• ഇതിലേയക്ക് ചെറുപയർ പരിപ്പ് അരച്ചതും ചേർത്ത് നന്നായി ഇളക്കി അരമണിക്കൂർ മാറ്റി വയ്ക്കാം.
•  ഇഡ്ഡലി പാത്രത്തിൽ വെള്ളം നിറച്ച് ചൂടാകാൻ അടുപ്പിൽ വയ്ക്കാം.
• ഇഡ്ഡലി തട്ടിൽ എണ്ണ പുരട്ടി അതിലേയ്ക്കു മാവ് ഒഴിക്കാം. ശേഷം ആവിയിൽ വേവിച്ചെടുക്കാം. അരിയും ഉഴുന്നും തലേദിവസം തന്നെ അരയ്ക്കാനും അത് പുളിച്ചു കിട്ടാനും കാത്തിരിക്കേണ്ടതില്ല.
• രാവിലത്തെ തിരക്കിനിടയിൽ ഹെൽത്തിയും രുചികരവുമായി കഴിക്കാവുന്ന ഒന്നാണിത്. തക്കാളി ചമ്മന്തി, തേങ്ങ ചമ്മന്തി എന്നിവയോടൊപ്പം കഴിച്ചു നോക്കൂ.

Read More: ഒരു കപ്പ് ഗോതമ്പ് പൊടിയിലേയ്ക്ക് ഇവ അരിഞ്ഞു ചേർക്കൂ, ദോശ രുചികരവും ഹെൽത്തിയുമാക്കാം