കെമിക്കലുകൾ ഉപയോഗിക്കേണ്ട, ഒരു മുറി നാരങ്ങ ഉണ്ടെങ്കിൽ ഇനി അടുക്കള എന്നും പുതിയതായിരിക്കും

കെമിക്കൽ ഡിറ്റർജന്റുകൾ ഉപയോഗിക്കുമ്പോൾ അലർജിയോ മറ്റ് ആരോഗ്യപ്രശ്നങ്ങളോ ഉള്ളവർക്ക് അടുക്കള വൃത്തിയാക്കുക എന്നത് വലിയൊരു വെല്ലുവിളിയാണ്. എന്നാൽ വിഷാംശമുള്ള രാസവസ്തുക്കളുടെ സഹായമില്ലാതെ തന്നെ അടുക്കള തിളക്കമുള്ളതും ശുചിത്വമുള്ളതുമാക്കി മാറ്റാൻ സാധിക്കുമോ? നാരങ്ങ എന്ന പ്രകൃതിദത്ത ക്ലീനിംഗ് ഏജന്റ് നമ്മുടെ അടുക്കളയിലെ കറകളെയും അണുക്കളെയും തുരത്താൻ ശേഷിയുള്ളതാണ്.

Also Read: ഒറ്റ രാത്രി കൊണ്ട് അടുക്കള കീഴടക്കിയ പാറ്റകളെ തുരത്താം, ഇതൊരെണ്ണം മതി

ശക്തമായ ആസിഡ് ഗുണങ്ങളുള്ള നാരങ്ങാനീര്, അടുക്കളയിലെ സിങ്കിലെ കറ, കൗണ്ടർടോപ്പിലെ എണ്ണമയം, പാത്രങ്ങളിലെ ദുർഗന്ധം എന്നിവയെല്ലാം നീക്കാൻ സഹായിക്കും. പണം ലാഭിക്കാനും പരിസ്ഥിതി സൗഹൃദപരമായ ഒരു ക്ലീനിംഗ് രീതി തിരഞ്ഞെടുക്കാനും ഇത് ഉത്തമമാണ്. അലർജിക്ക് പേടിക്കാതെ, വിഷമുക്തമായ ഒരു അന്തരീക്ഷം അടുക്കളയിൽ സൃഷ്ടിക്കാൻ സഹായിക്കുന്ന പൊടിക്കൈ പരീക്ഷിക്കാം. 

Also Read: ദുർഗന്ധം അകറ്റി അടുക്കള ദിവസങ്ങളോളം ഫ്രഷായിരിക്കാൻ ഇവ മാത്രം മതി

ചേരുവകൾ

• വെള്ളം
• നാരങ്ങ
• കല്ലുപ്പ്
• മഞ്ഞൾപ്പൊടി

Also Read: അടുക്കളയിൽ സ്റ്റാറാകാൻ ഈ 10 കാര്യങ്ങൾ ശ്രദ്ധിച്ചാൽ മതി

തയ്യാറാക്കി ഉപയോഗിക്കേണ്ട വിധം

• ഒരു പാത്രത്തിൽ അര ലിറ്റർ വെള്ളമെടുത്ത് തിളപ്പിക്കാം.
• അതിലേയ്ക്ക് നാരങ്ങ തൊലികൾ ചേർത്ത് നന്നായി തിളപ്പിച്ചെടുക്കാം.
• ഇടത്തരം തീയിൽ ഏഴ് മുതൽ എട്ട് മിനിറ്റ് വരെ ഇങ്ങനെ ചെയ്യാം.
• ശേഷം ഇതിലേയ്ക്ക് കല്ലുപ്പും, ഒരു നുള്ള് മഞ്ഞൾപ്പൊടിയും ചേർക്കാം. രണ്ട് മിനിറ്റ് തിളപ്പിച്ചതിനു ശേഷം സ്റ്റൗ അണയ്ക്കാം. ഇത് തണുക്കാൻ മാറ്റി വയ്ക്കാം.
• വെള്ളം തണുത്ത് കഴിയുമ്പോൾ നാരങ്ങ തൊലിയെടുത്ത് മിക്സിയിൽ അരച്ചെടുക്കാം.
• ഇത് അരിച്ച് നാരങ്ങ തൊലി തിളപ്പിച്ച വെള്ളത്തിൽ ചേർക്കാം.
• ഇത് ഒരിക്കൽ കുടി അരിച്ച് ഒരു സ്പ്രേ കുപ്പിയിലേയ്ക്കു മാറ്റാം. ഈ മിശ്രിതം അടുക്കള തറയും, ഗ്യാസ് സ്റ്റൗവും, കൗണ്ടർ ടോപ്പും വൃത്തിയാക്കാൻ ഉപയോഗിക്കാം. 

Read More: മുട്ടത്തോടുകൾ ഇനി വെറുതെയാകില്ല, അവ ഇങ്ങനെ ഉപയോഗിച്ചു നോക്കൂ