സോസ് ഇനി കടയിൽ നിന്നും വാങ്ങേണ്ട, പകരം കൂടുതൽ രുചികരമായി സ്വയം തയ്യാറാക്കാം

വൈകിട്ട് എന്ത് പലഹാരമായാലും ഒപ്പം കഴിക്കാൻ തക്കാളി സോസ് കൂടിയുണ്ടെങ്കിൽ അടിപൊളിയായിരിക്കും. കുട്ടികൾക്കും മുതിർന്നവർക്കും അത് പ്രിയപ്പെട്ടതാണ്. കടയിൽ നിന്നും വാങ്ങുന്നവയിൽ പെട്ടെന്ന് കേടാകാതിരിക്കാനുള്ള രാസവസ്തുക്കൾ ചേർത്തിട്ടുണ്ടാകാം. അവ സ്ഥിരമായി ഉപയോഗിക്കുന്നത് ആരോഗ്യത്തിന് ഗുണകരമല്ല. പകരം തക്കാളി സോസ് വീട്ടിൽ തന്നെ തയ്യാറാക്കാം.

Also Read: പത്ത് മിനിറ്റിൽ സിംപിളായൊരു ബ്രേക്ക്ഫാസ്റ്റ് വേണോ? എങ്കിൽ ഇതൊരു തവണ​ ട്രൈ ചെയ്യൂ

നന്നായി പഴുത്ത നാടൻ തക്കാളിയും കുറച്ച് മസാലപ്പൊടികളും ഉണ്ടെങ്കിൽ മിനിറ്റുകൾക്കുള്ളിൽ സോസ് റെഡി. ഷെഫ്ന തൻ്റെ സോഷ്യൽ മീഡിയ പേജിലൂടെ തക്കാളി സോസിൻ്റെ ഒരു സ്പെഷ്യൽ റെസിപ്പി പരിചയപ്പെടുത്തി തരുന്നു.

ചേരുവകൾ

• തക്കാളി- 2 കിലോ
• ബീറ്റ്റൂട്ട്- 1/2
• ഉപ്പ്- ആവശ്യത്തിന്
• വെള്ളം- 1/2 കപ്പ്
• പഞ്ചസാര
• വിനാഗിരി
• കാശ്മീരിമുളകുപൊടി
• ഉപ്പ്- ആവശ്യത്തിന്

Also Read: ഇനി രസത്തിന് രുചി കൂടും, ഒപ്പം ഈ ബോണ്ട കൂടി ഉണ്ടെങ്കിൽ

View this post on Instagram

A post shared by Shefna Hashim (@shefnahashim)

Also Read: കുറച്ച് എണ്ണയിൽ ക്രിസ്പിയായി കട്ലറ്റ് വറുത്തെടുക്കാം, ഉരുളക്കിഴങ്ങിനു പകരം ഇത് ഉപയോഗിക്കൂ

തയ്യാറാക്കുന്ന വിധം

• തക്കാളി വൃത്തിയായി കഴുകി ചെറിയ കഷ്ണങ്ങളാക്കാം.
• അതിലേയ്ക്ക് ബീറ്റ്റൂട്ട് കഷ്ണങ്ങൾ കൂടി ചേർക്കാം.
• ഒരു കുക്കറിലേയ്ക്ക് ഇത് മാറ്റി അര കപ്പ് വെള്ളം ഒഴിക്കാം.
• ഇതിലേയ്ക്ക് ആവശ്യത്തിന് ഉപ്പ് ചേർത്ത് അടച്ചു വെച്ച് വേവിക്കാം.
• നന്നായി വെന്ത തക്കാളിയും ബീറ്റ്റൂട്ടും ഉടച്ച് വെള്ളം കളഞ്ഞ് പൾപ്പ് മാത്രമായി എടുക്കാം.
• ഇത് അടുകട്ടിയുള്ള മറ്റൊരു പാത്രത്തിലെടുത്ത് തിളപ്പിച്ച് കുറുക്കാം.
• തിളച്ചു വരുന്ന തക്കാളി പൾപ്പിലേയ്ക്ക് രണ്ട് ടേബിൾസ്പൂൺ പഞ്ചസാരയും, കാൽ കപ്പ് വിനാഗിരിയും, ഒരു ടീസ്പൂൺ കാശ്മീരുമുളകുപൊടിയും, ആവശ്യത്തിന് ഉപ്പും ചേർക്കാം.
  വെള്ളം വറ്റി കട്ടിയായി വരുമ്പോൾ അടുപ്പണയ്ക്കാം.
• അടുപ്പണച്ച് തണുക്കാൻ മാറ്റി വയ്ക്കാം.
• തണുത്തതിനു ശേഷം വൃത്തിയുള്ള ഒരു കുപ്പിയിലേയ്ക്കു മാറ്റി ആവശ്യാനുസരണം ഉപയോഗിക്കാം.

Read More: എരിവും പുളിയും മാത്രമല്ല പോഷകങ്ങളുടെ കലവറയുമാണ് ഈ അച്ചാർ, ട്രൈ ചെയ്തു നോക്കൂ