ഈ മസാലക്കൂട്ട് ചേർത്ത് തീയൽ തയ്യാറാക്കി നോക്കൂ, കിടിലൻ രുചിയാണ്

കേരളീയരുടെ നാടൻ വിഭവങ്ങളിൽ ഒന്നാണ് തീയൽ. അതിൽ തന്നെ ചെറിയുള്ളി അധികം ചേർക്കുന്നതിനാലാണ് ഉള്ളി തീയൽ എന്ന് അറിയപ്പെടുന്നത്. ഉള്ളി മാത്രമല്ല, പാവക്ക വഴുതനങ്ങ, വെണ്ടയ്ക്ക, കടച്ചക്ക തുടങ്ങിയ പച്ചക്കറികളും ഇതിൽ ചേർക്കാവുന്നതാണ്. വളരെ എളുപ്പത്തിൽ രുചികരമായി ഉള്ളി തീയൽ തയ്യാറാക്കുന്നതെങ്ങനെ എന്ന് അറിയണോ?. മലയാള രുചി എന്ന ഇൻസ്റ്റഗ്രാം പേജാണ് അതിൻ്റെ റെസിപ്പി പരിചയപ്പെടുത്തി തരുന്നത്.

Also Read: ചോറിനൊപ്പം അൽപ്പം തൈരും, ചുവന്നുള്ളി അച്ചാറും ഉണ്ടെങ്കിൽ പ്ലേറ്റ് കാലിയാകുന്ന വഴി അറിയില്ല, ഈ റെസിപ്പി ഒന്ന് ട്രൈ ചെയ്തു നോക്കൂ

ചേരുവകൾ

• പുളി
• ചുവന്നുള്ളി
• തേങ്ങ
• വെളിച്ചെണ്ണ
• ജീരകം
• ഉലുവ
• കുരുമുളക്
• കറിവേപ്പില
• മല്ലിപ്പൊടി
• കാശ്മീരിമുളകുപൊടി
• മഞ്ഞൾപ്പൊടി
• പച്ചമുളക്
• ഉപ്പ്

Also Read: ഇനി മുട്ട റോസ്റ്റ് പാകം ചെയ്യുമ്പോൾ ഈ മസാല കൂടി ചേർത്തു നോക്കൂ, അസാധ്യ രുചിയാണ്

View this post on Instagram

A post shared by മലയാള രുചി 🇮🇳🇶🇦🇦🇪 (@malayalaruchi1)

Also Read: ഒരു മുട്ടയും സേമിയയും ഉണ്ടെങ്കിൽ ഉപ്പുമാവ് ഇങ്ങനെയും പാകം ചെയ്യാം

തയ്യാറാക്കുന്ന വിധം

• നെല്ലിക്ക വലിപ്പത്തിലുള്ള പുളി ഒരു കപ്പ് വെള്ളത്തിൽ കുതിർത്തു വയ്ക്കാം.
• അടികട്ടിയുള്ള ഒരു പത്രം അടുപ്പിൽ വച്ച് ഒന്നര കപ്പ് തേങ്ങ ചിരകിയതു ചേർത്ത് വറുക്കാം.
• അതിലേക്ക് രണ്ട് കപ്പ് ചുവന്നുള്ളി ചേർത്തിളക്കി യോജിപ്പിക്കാം.  
• അതിലേക്ക് അര ടീസ്പൂൺ ഉലുവ, അര ടീസ്പൂൺ കുരുമുളക്, അൽപം ജീരകം എന്നിവ ചേർത്ത് വറുത്തെടുക്കാം. 
• അതിലേക്ക് ഒന്നര ടേബിൾസ്പൂൺ മല്ലിപ്പൊടി, ഒന്നര ടേബിൾസ്പൂൺ കാശ്മീരിമുളകുപൊടി,
• കാൽ ടീസ്പൂൺ മഞ്ഞൾപ്പൊടി എന്നിവ ചേർത്തിളക്കി യോജിപ്പിക്കാം.  ചൂടാറിയതിനു ശേഷം അരച്ച് മാറ്റി വയ്ക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് ഒരു ടേബിൾസ്പൂൺ വെളിച്ചെണ്ണ ഒഴിച്ചു ചൂടാക്കാം.
• അതിലേക്ക് രണ്ട് കപ്പ് ചുവന്നുള്ളി ചേർത്തു വഴറ്റാം.
• അൽപം വെന്തു വരുമ്പോൾ തേങ്ങ കഷ്ണങ്ങളാക്കിത് കാൽ കപ്പ്, പച്ചമുളക് അരിഞ്ഞത്, കറിവേപ്പില എന്നിവ വഴറ്റാം.
• മാറ്റി വെ്ച്ചിരിക്കുന്ന പുളി വെള്ളം ഒഴിക്കുക. ആവശ്യത്തിന് വെള്ളം കൂടി ഒഴിച്ച് അടച്ചു വച്ച് തിളപ്പിക്കാം.
• തിളച്ചു വരുമ്പോൾ അരപ്പ് ചേർത്തിളക്കി യോജിപ്പിക്കാം.
• ആവശ്യത്തിന് ഉപ്പ് ചേർത്ത് അടച്ചു വച്ച് കുറഞ്ഞ തീയിൽ വേവിക്കാം.
• എണ്ണ തെളിഞ്ഞു വരുമ്പോൾ അടുപ്പിൽ നിന്നും മാറ്റാം. 

Read More: എത്ര വേണമെങ്കിലും കഴിച്ചു പോകും, പാവയ്ക്ക ഇങ്ങനെ വേവിച്ചെടുക്കൂ