ഇനി മുട്ട റോസ്റ്റ് പാകം ചെയ്യുമ്പോൾ ഈ മസാല കൂടി ചേർത്തു നോക്കൂ, അസാധ്യ രുചിയാണ്

രാവിലത്തെ ഭക്ഷണം ഹെൽത്തി ആകണമെങ്കിൽ മുട്ട കൂടി വേണം എന്ന് ചിന്തിക്കുന്നവരാണ് അധികം ആളുകളും. വെറുതെ പുഴുങ്ങി കഴിക്കുന്നതു കൂടതെ കറിയിൽ ചേർക്കുന്നവരും ഉണ്ട്. എന്നാൽ എപ്പോഴെങ്കിലും മുട്ട റോസ്റ്റ് ചെയ്ത് കഴിച്ചിട്ടുണ്ടോ?. കുരുമുളക് ചേർത്താണ് നാടൻ മുട്ട റോസ്റ്റ് സാധാരണ തയ്യാറാക്കാറുള്ളത്. എന്നാൽ അതേ കുരുമുളക് ഉപയോഗിച്ച് ഒരു സീക്രട്ട് മസാല പൊടിച്ചെടുത്ത് മുട്ടയിൽ ചേർത്ത് നോക്കൂ. ദീപ്തി വൈഷ്ണവി തൻ്റെ ഇൻസ്റ്റഗ്രാം പേജിലൂടെയാണ് ഈ സ്പെഷ്യൽ എഗ് റോസ്റ്റ് റെസിപ്പി പരിചയപ്പെടുത്തി തരുന്നത്. 

Also Read: ചിക്കൻ ഫ്രൈ ക്രിസ്പിയാക്കാം, ഈ മസാലകൾ ചേർക്കൂ

ചേരുവകൾ

• കുരുമുളക്- 1 ടീസ്പൂൺ
• മല്ലി- 1 ടീസ്പൂൺ
• ജീരകം- 1 ടീസ്പൂൺ
• പെരുംജീരകം- 1 ടീസ്പൂൺ
• കറുവാപ്പട്ട- 2 ഇഞ്ച്
• ഗ്രാമ്പൂ- 3
• വറ്റൽമുളക്- 5
• മുട്ട-5
• ചുവന്നുള്ളി- 10
• സവാള- 1
• പച്ചമുളക്- 4
• കറിവേപ്പില- ആവശ്യത്തിന്
• ഉപ്പ്- 2 ടീസ്പൂൺ
• മഞ്ഞൾപ്പൊടി- 1/4 ടീസ്പൂൺ
• മുളകുപൊടി- 1 ടീസ്പൂൺ
• ഇഞ്ചി വെളുത്തുള്ളി അരച്ചത്- 2 ടീസ്പൂൺ
• വെളിച്ചെണ്ണ- ആവശ്യത്തിന്
• മല്ലിയില- ആവശ്യത്തിന്

Also Read: ദോശ കഴിക്കാൻ മടി തോന്നാറുണ്ടോ? എങ്കിലിനി മസാല ചേർത്തൊരു പരീക്ഷണം നടത്തി നോക്കാം

View this post on Instagram

A post shared by Deepthi Vaishnavy (@kaaram.kathalu)

Also Read: കറുമുറു കഴിക്കാൻ ഹെൽത്തി കട്ലറ്റ്, കടലമാവും മൈദയും ചേർക്കാതെ ഇങ്ങനെ വറുത്തെടുക്കൂ

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ച് ഒരു ടീസ്പൂൺ കുരുമുളക് ചേർക്കാം.
• ഒരു ടീസ്പൂൺ മല്ലി, ഒരു ടീസ്പൂൺ പെരംജീരകം, ഒരു ടീസ്പൂൺ ചെറിയ ജീരകം, ചെറിയ കഷ്ണം കറുവാപ്പട്ട, 3 ഗ്രാമ്പൂ, അഞ്ച് വറ്റൽമുളക് എന്നിവ ഒപ്പം ചേർത്ത് വറുക്കാം.
• ഇവ നന്നായി വറുത്തെടുത്ത് ചൂടാറിയതിനു ശേഷം പൊടിച്ച് മാറ്റി വയ്ക്കാം.
• അഞ്ച് മുട്ട പുഴുങ്ങിയെടുക്കുക. തണുത്തതിനു ശേഷം തോട് കളഞ്ഞ് നീളത്തിൽ കഷ്ണങ്ങളാക്കി വയ്ക്കാം.
• ഒരു പാൻ അടുപ്പിലേക്ക് വച്ച് ആവശ്യത്തിന് എണ്ണ ഒഴിച്ചു ചൂടാക്കാം. 
• നാല് പച്ചമുളക്,കറിവേപ്പില എന്നിവ ചേർത്ത് ഇളക്കാം.
• ചെറുതായി അരിഞ്ഞ പത്ത് ചുവന്നുള്ളി, ഇടത്തരം വലിപ്പമുള്ള ഒരു സവാളയും ചേർത്തു വഴറ്റാം.
• ഇഞ്ചിയും വെളുത്തുള്ളിയും അരച്ചത് രണ്ട് ടീസ്പൂൺ ചേർത്തിളക്കി യോജിപ്പിക്കാം.
• കാൽ ടീസ്പൂൺ മഞ്ഞൾപ്പൊടി, ഒരു ടീസ്പൂൺ മുളകുപൊടി, രണ്ട് ടീസ്പൂൺ ഉപ്പും ചേർക്കാം.
• കഷ്ണങ്ങളാക്കിയ മുട്ട ചേർത്തിളക്കുക.പൊടിച്ചെടുത്ത കുരുമുളക് മസാലയും, കറിവേപ്പില ചെറിയ കഷ്ണങ്ങളാക്കിയതും, അൽപം മല്ലിയിലയും ചേർത്തിളക്കി യോജിപ്പിച്ച് അടുപ്പിൽ നിന്ന് മാറ്റാം.

Read More: രണ്ട് ടേബിൾസ്പൂൺ വെളിച്ചെണ്ണ മതി, 10 മിനിറ്റിൽ കുക്കറിൽ തയ്യാറാക്കാം കിടിലൻ ബീഫ് കറി